АКШ менен Канададан 146 кыргызстандык алып келинди

Көбү окуучу. АКШ менен Канададан 146 кыргызстандык алып келинди

129
(жаңыланган 11:50 23.05.2020)
Каттамды уюштурууда АКШнын Бишкектеги жана КРдин Вашингтондогу элчилиги, Кыргызстандын Тышкы иштер министрлиги биргеликте иш алып барган.

БИШКЕК, 23-май — Sputnik. АКШ менен Канададан 146 кыргызстандык алып келинди. Бул тууралуу Тышкы иштер министрлигинен кабарлашты.

Маалыматка ылайык, 23-май күнү Америка Кошмо Штаттарында билим алган КРдин 109 мектеп окуучусу, студенттер жана башка жарандар атайын каттам менен Бишкек шаарына келди.

"Азыр көпчүлүк мамлекеттерде билим берүү мекемелери карантинге жабылып, коммерциялык аба каттамдары токтотулган. Ошондуктан АКШ менен Канададагы Кыргызстандын жарандары мекенге кайтууга көмөктөшүүнү өтүнгөн. Биз бир каттам менен жалпы 146 жүргүнчүнү алып келдик, алардын арасында улгайган, ден соолугуна байланыштуу тез алып кетүүгө муктаж болгон жарандар бар", — дешти министрликтен.

ТИМден аталган каттамды уюштуруу үчүн АКШнын Бишкектеги жана КРдин Вашингтондогу элчилиги, Кыргызстандын Тышкы иштер министрлиги биргеликте иш алып баргандыгын кошумчалашты.

129
Белгилер:
учак, жаран, Канада, АКШ, Кыргызстан
Тема боюнча
Кош бойлуу, операция болгон 22 кыргызстандык Екатеринбургдан алып келинди
Бишкектен Москвага 400дөй РФ жараны учуп кетти
Оренбургдан 164 кыргызстандык чартердик каттам менен алып келинди. Сүрөт
Девушка сдает тест на наличие антител к вирусу SARS-CoV-2 в медицинском офисе Инвитро. Тест позволяет выявить факт перенесенной болезни COVID-19 у человека и оценить иммунный ответ на инфекцию.

Кыргызстанда COVID-19га антителого анализ тапшырса болобу? Министрликтин жообу

1
Дүйнөлүк саламаттык сактоо уюму атайын программа иштеп чыккан. Анын негизинде антителонун бар-жогун аныктоочу 4500 тест келери күтүлүп жатат.

БИШКЕК, 28-май — Sputnik. Кыргызстан адамдын канында COVID–19га антителолор бар-жогун аныктаган тесттерди алууга кам көрүп жатат. Бул тууралуу брифинг учурунда саламаттык сактоо министринин орун басары Нурболот Үсөнбаев билдирди.

Ага модератор адамдын канындагы коронавируска антителого анализ тапшырса болобу жана анын баасы канча турат деген суроо берди.

Үсөнбаевдин айтымында, учурда өлкөдө канча адам коронавируска каршы тура аларын билүү үчүн антителону аныктоочу тесттерди алып келүү боюнча иштер жасалып жатат.

"Дүйнөлүк саламаттык сактоо уюму атайын программа иштеп чыккан. Анын негизинде бизге уюмдан 4500 тест келет деп күтүп жатабыз. Азыр адистер тестти Кыргызстанда колдонуу боюнча программа дайындап, өлкө аймагында каттоодон өткөрүү боюнча иштер аткарылууда", — деди Үсөнбаев.

Маалыматка карагагда, мамлекет башка каналдар аркылуу дагы тесттерди издеп жатат.

"Эки тараптан сунуш болду, биз аларды иликтөөдөбүз. Баасын жана башка шартын айтуу азырынча эрте. Качан алар келип, колдонууга даяр болгондо жалпыга маалымдайбыз", — деди орун басар.

Эске салсак, буга чейин Бузулуктан Бишкекке автобус менен 413 кыргызстандык алып келинген. Ал эми Соль-Илецкиден 541 жаран мекенине кайткан.

Кыргызстанда коронавирус жуктуруп алгандардын саны кескин өсүп, бир суткада 74 адамдан вирус табылды. Муну менен жуктургандардын жалпы саны 1594кө жетти. Коронавирустан 1066 бейтап айыгып чыгып, тилекке каршы, 16 адам көз жумду.

11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагында карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.

Өлкөдөгү абал тууралуу Sputnik Кыргызстан тексттик баяндама жүргүзүүдө.

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

1
Дарыгерлер бейтапты реанимация бөлүмүнө жеткизип бара жатат. Архив

Министрлик: COVID-19 жуктургандар ким менен байланышта болгонун билбей жатышат

13
(жаңыланган 11:20 28.05.2020)
Коронавирус аныкталган бейтап менен байланышта болгондорду табуу үчүн министрлик болгон күч-аракет жумшаларын билдирди.

БИШКЕК, 28-май — Sputnik. Коронавирус аныкталган бейтаптар акыркы эки жумада кайда болгонун, кимдер менен байланышканын билбей калышууда. Бул тууралуу саламаттык сактоо министринин орун басары Нурболот Үсөнбаев билдирди.

Анын айтымында, COVID-19 жуктургандар менен жакын байланышта болгондорду табуу үчүн болгон күч-аракет жумшалып жатат.

"Вирус жуктурган адамдын акыркы эки жумада кайда барып, ким менен жолукканын аныктоо маанилүү. Андыктан байланышта болгондор тыкыр иликтенип, аларды издеп табуу иштери токтобойт. Табылгандары үй карантинге же обсервацияга алынат", — деди Үсөнбаев.

Кыргызстанда коронавирус жуктуруп алгандардын саны кескин өсүп, бир суткада 74 адамдан вирус табылды. Муну менен жуктургандардын саны 1594кө жетти. Коронавирустан 1066 бейтап айыгып чыгып, тилекке каршы, 16 адам көз жумду.

11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагында карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.

Өлкөдөгү абал тууралуу Sputnik Кыргызстан тексттик баяндама жүргүзүүдө.

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

13
Белгилер:
обсервация, издөө, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
Соль-Илецк менен Бузулуктан келген канча адамдан вирус табылганы айтылды
Америкада депрессияга түшүп, тынчсыздангандар кескин көбөйдү