Аэропорттогу жүргүнчүлөр. Архив

Санкт-Петербургдан келген курсанттар вирусту кайдан жуктурганы айтылды

317
(жаңыланган 11:31 23.05.2020)
Үсөнбаев Россиядан каза болгон адамдардын сөөгүн алып келе жаткандардан да коронавирус табылган учурлар бар экенин кошумчалады.

БИШКЕК, 23-май — Sputnik. Саламаттык сактоо министринин орун басары Нурболот Үсөнбаев брифинг учурунда сырттан келген мигранттар, анын ичинде Санкт-Петербургдан келген курсанттар коронавирусту кайдан, кантип жугузуп алганын айтты.

Эске салсак, бүгүн Кыргызстанда 15 кишиден коронавирус аныкталса, анын тогузу Санкт-Петербургдан келген курсанттар болчу. Муну менен алардын саны 27ге жетти.

"Мекендештер Кыргызстанга келгенге чейин ар кандай шартта жүрүп калып жатышат. Кээ биринин жашаган жери, иче турган тамагы жок. Айрымдары ошентип тоо-талаада медициналык көзөмөл жок учурда жугузуп алып жатат. Россияда да күн сайын миңдеген адамдардан COVID-19 чыгууда. Санкт-Петербургдан келген курсанттар ошол жактан жугузуп алган", — деди Үсөнбаев.

Ал Россиядан каза болгон адамдардын сөөгүн алып келе жаткандардан да коронавирус табылганын кошумчалады.

"Чек арадан өтөрдө аларды коронавируска текшеришет. Вирус табылып калгандар болсо, аларды үйүнө чейин ИИМ кызматкерлери башкалар менен байланышпоо үчүн коштоп барууда. Сырттан келген жарандарыбызды өлкөгө киргенде тыкыр текшерип, обсервациядан бир эмес, эки жолудан тест алып жатабыз. Ошонун жыйынтыгында Соль-Илецкиден келген мекендештердин арасынан 105 адамдан вирус бар экени аныкталды", — деди Үсөнбаев.

Коронавирустун кесепети

Кыргызстанда коронавирус жуктургандардын саны 1365 болуп, 957 бейтап айыкты. Ал эми учурда стационарларда 394 киши дарыланууда. Анын ичинен төртөө жандандыруу бөлүмүндө жатат. Тилекке каршы COVID-19 14 кишинин өмүрүн алган.

11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагында карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

317
Белгилер:
коронавирус, мекендештер, Россия, Кыргызстан
Тема:
Кыргызстандагы коронавирус жуктуруп алгандар (1376)
Тема боюнча
Акыркы суткада өлкөдө коронавирустан 8 бейтап сакайды
Коронавирустан качан арылабыз? Кыргызстандагы абал боюнча тексттик баяндама
Көбү окуучу. АКШ менен Канададан 146 кыргызстандык алып келинди
COVID-19 оорукананын медициналык кызматкерлери

606 жаңы учур. Кыргызстанда коронавирус жуктуруп алгандардын статистикасы

35
(жаңыланган 11:31 25.10.2020)
Өткөн суткада COVID-19 жуктургандардын көбү Жалал-Абад облусу менен Баткенде катталган. Оору аныкталган бейтаптардын ичинен 3 328и стационарларда, 3 156сы амбулатордук шартта дарыланышууда.

БИШКЕК, 25-окт. — Sputnik. Кыргызстанда бир сутка ичинде 606 адамдан коронавирус аныкталды. Ошол эле маалда 279 бейтап дартты жеңди. Бул тууралуу Республикалык штабдан маалымдашты.

Ага ылайык, өткөн суткада COVID-19 жуктургандардын көбү Жалал-Абад облусу менен Баткенде катталган.

Жуктургандар:

  • Бишкек – 88;
  • Ош – 36;
  • Чүй облусу – 29;
  • Ош облусу – 97;
  • Талас облусу – 24;
  • Нарын облусу – 2;
  • Ысык-Көл облусу – 41;
  • Жалал-Абад облусу – 184;
  • Баткен облусу – 105.

Айыккандар:

  • Бишкек – 53;
  • Ош шаары – 24;
  • Чүй облусу – 25;
  • Ош облусу – 73;
  • Талас облусу – 6;
  • Ысык-Көл облусу – 13;
  • Жалал-Абад облусу – 55;
  • Баткен облусу – 30.

Ушуну менен Кыргызстанда COVID-19 жуктургандардын саны 55 750гө жетти. Анын ичинен 47 616сы айыгып, 1 134 бейтап көз жумду.

Оору аныкталган бейтаптардын ичинен 3 328и стационарларда, 3 156сы амбулатордук шартта дарыланышууда.

Бир суткада 6 медиктен коронавирус табылган. Алар:

  • Ош шаары – 1;
  • Ош облусу – 2;
  • Баткен облусу – 3.

Ошол эле учурда 15 медкызматкер ооруну жеңип, үйлөрүнө чыгарылган.

35
Белгилер:
бейтап, медик, оору, статистика, коронавирус
Тема:
Кыргызстандагы коронавирус жуктуруп алгандар (1376)
Тема боюнча
Коронавирус дагы төрт кишинин өмүрүн алды
COVID-19 ооруканасынын бөлмөдөгү медициналык кызматкер жана бейтап

Коронавирус дагы төрт кишинин өмүрүн алды

20
(жаңыланган 11:39 25.10.2020)
Жалпысынан Кыргызстанда COVID-19 1 134 адамдын өмүрүн алды. Жуктургандардын саны 55 750гө жетсе, анын ичинен 47 616сы айыкты.

БИШКЕК, 25-окт. — Sputnik. Өткөн суткада өлкөдө коронавирустан төрт адам көз жумду. Бул тууралуу Республикалык штабдан кабарлашты.

COVID-19дан көз жумгандардын жаңы учурлары:

  • Чүй облусу – 1;
  • Баткен облусу – 1;
  • Ош облусу – 1;
  • Нарын облусу – 1.

Жалпысынан алганда Кыргызстанда COVID-19 1 134 адамдын өмүрүн алды. Жуктургандардын саны 55 750гө жетсе, анын ичинен 47 616сы айыкты.

20
Белгилер:
өлүм, статистика, оору, коронавирус, Кыргызстан
Тема:
Кыргызстандагы коронавирус жуктуруп алгандар (1376)
Тема боюнча
COVID-19: Бишкекте бош оруну бар ооруканалардын тизмеси
Хабиб Нурмагомедов менен Джастин Гаджи UFCнин жеңил салмактагы чемпион титулу үчүн беттешүүдө

Нурмагомедов октагонго чыгарга үч жума калганда бутун сындырып алган

0
(жаңыланган 11:48 25.10.2020)
Хабибдин командасынан билдиришкендей, турнирге аз убакыт калганда спортчунун эки манжасы менен таманындагы бир сөөгү сынган. 

БИШКЕК, 25-окт. — Sputnik. Абсолюттук мушкерлер уюмунун башчысы Дана Уайт россиялык чемпион Хабиб Нурмагомедов америкалык атаандашы Жастин Гэтжи менен кармашарга үч жума калганда бутун сындырып алып ооруканага кайрылганын билдирди. Бул тууралуу Р-спорт жазды.

"Нурмагомедов кармашка үч жума калганда бутун сындырып алып, ооруканага түшүптүр. Анын эки манжасы менен таманындагы бир сөөгү сынган. Муну мага мушкердин командасынан айтышты", — деген Уайт журналисттерге.

Хабиб менен Гэтжи беттешкен UFC 254 турниринин эң кызуу ирмемдери. Видео

Жекшембиге караган түнү Абу-Дабидеги Яс аралында UFC 254 турнири өтүп, Нурмагомедов Гэтжини үч бурчтук ыкмасы менен жеңип, чемпиондук наамын сактап калды. Беттештен кийин Хабиб спорттук карьерасын жыйыктыктаганын билдирди.

0
Белгилер:
беттешүү, Жастин Гэтжи, Хабиб Нурмагомедов, Дана Уайт, UFC
Тема боюнча
Карьерасын жыйынтыктаган Нурмагомедов алдыдагы пландарын айтты
Көз жашын тыя албай... Хабиб жеңишинен кийин октагондо атасын жоктоду. Видео