Тез жардам кызматы. Архив

Ак-Талаа: кош бойлуу келининен COVID жуктургандар медиктерге баш бербей кыйнашкан

241
(жаңыланган 18:48 23.05.2020)
Буга чейин айрым ЖМКларда Ак-Талаанын Ак-Кыя айылындагы жашоочулар коронавирусту текшерген медиктер менен эки тарап болуп урушуп, аларга каршылык көрсөткөнү боюнча маалымат тарап, видеосу жарыяланган.

БИШКЕК, 23-май — Sputnik. Нарын облусунун Ак-Талаа районунда медиктердин айтканына көнбөй, каршылык көрсөткөн бир үй-бүлө мүчөлөрү ооруканага жаткырылды. Алардан коронавирус табылган. Бул тууралуу Sputnik Кыргызстан агенттигине райондун акими Сейтек Кулубаев билдирди.

Буга чейин айрым ЖМКларда Ак-Талаанын Ак-Кыя айылындагы жашоочулар коронавирусту текшерген медиктер менен эки тарап болуп урушуп, аларга каршылык көрсөткөнү боюнча маалымат тарап, видеосу жарыяланган.

Аким Кулубаевдин айтымында, окуя 22-май күнү Ак-Талаанын Көк-Жар айыл аймагында болгон.

"Ак-Талаа районуна коронавирусту Нарын шаарындагы төрөт үйүндө жатып чыккан эки келин алып келген. Анын бири апрелдин аягына чейин төрөт үйүнө сактанууга жатып, кийин айылга барыптыр. Ал кезде андан алынган тесттин жыйынтыгы чыга элек болчу. 9-майда андан коронавирус табылып, үй-бүлө мүчөлөрүнөн тест алынган. Бул бүлөнүн туугандары абдан көп. Алгач алты кишиден вирус чыкса, кийин дагы сегизинен аныкталган. 21-май күнү кечинде мобилдик топ дал ушул сегиз адамды ооруканага алып кетүү үчүн барган. Бирок алар дарыгерлерге каршылык көрсөтүп, "эмнеге кеч келесиңер" деп нааразы болуп, макул болбой коюшкан. Эртеси мобилдик топ тартип сакчылары менен барган. Мындан улам ошол жердин жашоочулары, туугандары чогулуп эки тараптын ортосунда нааразычылык жаралган. Ошол эле күнү, 22-майда, аталган айылга өзүм бардым. Жергиликтүү тургундар арасында түшүндүрүү иштери жүрүп, коронавирус аныкталган үй-бүлө мүчөлөрү ооруканага жаткырылды", — деди Кулумбаев.

Аким райондо жана Көк-Жар айыл аймагында абал туруктуу экенин айтып, вирус чыккан үй жана айыл дезинфекцияланганын кошумчалады.

Акыркы маалыматтар боюнча, Ак-Талаа районунда жалпы 18 адамдан коронавирус табылган. Анын баарына вирус Нарын шаарындагы төрөт үйүнөн барган эки келинден жукканы айтылды.

Коронавирустун кесепети

Кыргызстанда коронавирус жуктургандардын саны 1365 болуп, 957 бейтап айыкты. Ал эми учурда стационарларда 394 киши дарыланууда. Анын ичинен төртөө жандандыруу бөлүмүндө жатат. Тилекке каршы, COVID-19 14 кишинин өмүрүн алган.

11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагында карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

241
Белгилер:
коронавирус, нааразычылык акциясы, Ак-Талаа району, Нарын облусу
Тема:
Кыргызстандагы коронавирус жуктуруп алгандар (882)
Тема боюнча
Тыкыр текшерүүдөн өтөт. Ысык-Көлгө кирип-чыгуу тартиби өзгөрдү
Экс-спикер Мукар Чолпонбаев жубайы менен коронавирустан айыкты
Узбекистан желеги. Архив

Кыргыз-өзбек чек арасындагы чыр. Коңшу өлкөнүн ТИМи үн катты

120
(жаңыланган 17:41 01.06.2020)
Өзбекстандын Тышкы иштер министрлиги Чечме айылындагы суу Өзбекстандын да, Кыргызстандын да элин камсыз кыларын кошумчалаган.

БИШКЕК, 1-июн. — Sputnik. Кадамжайдагы кыргыз-өзбек чек арасында болгон чыр боюнча Өзбекстандын Тышкы иштер министрлиги расмий билдирүү жарыялады. Бул тууралуу Sputnik Өзбекстан жазды.

"Эки өлкө жарандарынын ортосундагы чыр Чечме айылындагы булакты тазалоо учурунда келип чыкканы маалым болду. Эки тарапта тең жабыркагандар бар. Аларга медициналык жардам көрсөтүлгөн. Кыргыз-өзбек чек арасындагы облустардын жетекчилери сүйлөшүү жүргүзүп, жыйынтыгында кырдаал көзөмөлгө алынды. Тараптар эми тазалоо иштерин макулдашуусу жок өткөрбөйт", — деп айтылат маалыматта.

Министрлик Чечме айылындагы суу Өзбекстандын да, Кыргызстандын да элин камсыз кыларын кошумчалады.

"Эки жактын тең кызыкчылыктарын эске алуу менен булактын суусун чогуу колдонуу боюнча келишим бар", — деп айтылат билдирүүдө.

Биринчи вице-премьер-министр Кубатбек Боронов Баткен облусунун Кадамжай районундагы чек ара айылдарынын жашоочулары менен жолугушту.
© Фото / / Пресс-служба правительства КР
Эске салсак, 31-майда Кадамжай районунун Чечме айылынын тургундары менен Өзбекстандын Сох районуна караштуу Чашма айылынын тургундарынын ортосунда чыр чыккан. Андан 25 киши жаракат алып, ооруканада жаткан төрт адамдын экөөсүнүн абалы оор экени айтылган.

Биринчи вице-премьер Кубатбек Боронов Баткен облусундагы "Чечме" өткөрмө пунктунда Өзбекстандын өкмөт башчысы Абдулла Арипов менен жолугушуп, чек арага жакын аймактагы элдин кечээки жаңжалын талкуулаган.

120
Белгилер:
Суу, Чыр-чатак, Өзбекстан, Кыргызстан
Тема:
Чечме айылындагы чек арадагы кыргыз-өзбек чатагы
Тема боюнча
Министрлик: Баткендеги чек ара чатагынан 15 киши жаракат алды
Тиричилик техника дүкөнү. Архив

Бишкекте 1-июндан баштап иштей баштаган тармактардын тизмеси

109
(жаңыланган 16:05 01.06.2020)
Карантиндик чектөөлөрдөн улам жабылган компаниялар 1-майдан тарта акырындык менен ишин кайрадан жанданта баштады. 1-июндан тарта дагы бир канчасы кардарларга эшигин ачат.

БИШКЕК, 1-июн. — Sputnik. Бишкек шаарынын вице-мэри Азиз Алымкулов борбор калаада 1-июндан баштап кайсы тармактар ишке кирерин айтып берди.

Алар:

  • Элдик керектөө товарларын жана азык-түлүк товарларын өндүрүү, сатуу боюнча иш-аракеттердин бардык түрлөрү;
  • Тиричилик тейлөө чөйрөсүндөгү иш-аракеттердин бардык түрлөрү;
  • Аудитордук жана консалтингдик компаниялар;
  • Жарнамалык агенттиктер;
  • Туристтик жана рекреациялык объектилер (эс алуу үйлөрү, пансионаттар, тарыхый объекттер), жеке унааларда жүрүү шарттарында;

Карантиндик чектөөлөрдөн улам жабылган компаниялар 1-майдан тарта акырындык менен ишин кайрадан жанданта баштады. 1-июндан тарта дагы бир канчасы кардарларга эшигин ачат.

109
Белгилер:
карантин, мэрия, экономика, Бишкек
Тема:
Коронавируска байланыштуу Кыргызстандагы кырдаал
Тема боюнча
Министр: Бишкек — Оштун ортосунда авиакаттам жумасына бир эле жолу болот
Бишкекте санитардык тартип бузулса кимге билдирүү керек. Номерлер