Авиабилет кармап турган адам. Архив

Москвада КР элчилигинин атын жамынып авиабилет саткандар иликтенүүдө

189
(жаңыланган 19:04 23.05.2020)
Маалыматта бул каттам менен тизмеге жазылган кош бойлуу аялдар жана эки жашка чейинки балдары бар ата-эне гана билет алып кетээри айтылган.

БИШКЕК, 23-май — Sputnik. Социалдык тармактарда алдамчылар тарабынан "Аэрофлот" авиакомпаниясынын каттамына Кыргызстандын Россиядагы элчилигинин атына жамынып билеттер сатылып жаткандыгын өкүлчүлүктүн маалымат катчысы Гулбарчын Байымбетова facebook баракчасы аркылуу билдирди.

Маалыматка ылайык, учурда 2020-жылдын 26-майындагы каттамга билет саткан фактылар боюнча иликтөө иштери жүрүүдө.

"Урматтуу мекендештер, социалдык тармактарда 2020-жылдын 26-майында "Аэрофлот" авиакомпаниясы тарабынан аткарыла турган каттамга элчиликтин атынан билеттер сатылып жаткан фактылар катталууда. Бул жалган маалымат жана ал сатылган билеттер жарабайт. Бул маалыматты тараткан жана билет саткан адамдар боюнча иликтөө иши жүрүп жатат. Аталган каттамга билеттер элчилик тарабынан түзүлгөн тизме боюнча гана сатыларын эскертебиз. Билеттерди аэропорттон жана "Аэрофлоттун" кассаларынан гана алыш керек", — деп жазылат билдирүүдө.

Байымбетова белгилегендей, күнөөлүүлөр мыйзам чегинде жоопкерчиликке тартылышат.

Маалыматта бул каттам менен тизмеге жазылган кош бойлуу аялдар жана эки жашка чейинки балдары бар ата-эне гана билет алып кетээри айтылган.

189
Белгилер:
билет, Аэрофлот, Элчилик, Россия
Тема боюнча
Оренбургдан келе жаткан мекендештердин жетөө чек арадан өтө албай калды
Мужчина достает папку Дело № из полки

Күзөтчүнүн будкасын талкалай сүзүп... Айдоочу камакка алынып, иш козголду

0
(жаңыланган 15:32 07.06.2020)
Жолтандабастын айдоочусу убактылуу кармоочу жайга киргизилип, тергөө амалдары жүрүп жатканы айтылды. Анын ишин Биринчи Май райондук ИИБ карамай болду.

БИШКЕК, 7-июн. — Sputnik. Бишкекте күзөтчү отурган жайды жолтандабасы менен талкалай сүзгөн 30 жаштагы айдоочуга карата кылмыш иши козголду. Бул тууралуу Биринчи Май райондук Ички иштер башкармалыгынын маалымат кызматы билдирди.

Эске салсак, кечээ, 6-июнда, Бишкекте жаалданган айдоочу күзөтчү отурган жайды жолтандабасы менен сүзүп талкалап, андан кийин ага кол көтөргөн. Көп өтпөй соцтармакта ошол эле айдоочу ЖКККББ кызматкерлеринен качып бараткан кинодогудай видео тараган.

Күзөтчүнүн будкасын талкалап, инспекторлордон качкан айдоочу 30 жаштагы киши экени белгилүү болгон. Анын мас экени аныкталып, автоунаасын текшерүү учурунда эки огу менен газ тапанча жана бычак табылганы айтылды. Автоунаа айып короого токтотулуп, Кемин райондук жана Бишкектин Биринчи май районундагы Ички иштер башкармалыгында сотко чейинки өндүрүш иштери башталган болчу.

Маалыматка ылайык, аталган факт Биринчи Май райондук ИИБдин Кылмыш жана жоруктардын бирдиктүү реестрине 266-берене ("Бейбаштык") менен каттоого алынып, кылмыш иши козголду. Чүй ОИИББ керектүү материалдын бардыгы Бишкекке өткөрүп бериле турганын билдирди.

Жолтандабастын айдоочусу Бишкек ШИИББдин убактылуу кармоочу жайына киргизилип, учурда тергөө амалдары жүрүп жатат.

0
Белгилер:
камак, кылмыш иши, жолтандабас, айдоочу, ИИББ, Бишкек
Тема:
2020-жылдын башынан бери Кыргызстанда болгон жол кырсыктар
Медициналык кызматкерлер тез жардам унаасында. Архив

Жолдон төрөтүп, аман алып калган абысыныма ыраазымын. Ак жарык

21
(жаңыланган 15:19 07.06.2020)
Адамдын көңүлү — гүл. Жылт эткен жарык, жакшы көз караш, жагымдуу сөз маанай көтөрүп, ал тургай бир нече күн жүрөктү жылуулук аралап жүрөт.

Sputnik агенттиги окурманга жылуулук чачкан, жакшылык кылууга чакырган макалаларды жарыялап келет. Бул ирет редакцияга келген катка көңүлүңүздөрдү буруп, абысындын жасаган жакшылыгынан улам жарык дүйнөгө аман-эсен, ден соолугу чың наристе келгендиги тууралуу айтылат.

...Саламатсыздарбы, мен да сиздердин "Ак жарык" рубрикаңыздар аркылуу абысынымдын кылган жакшылыгы үчүн ыраазычылык билдирүүнү эп көрүп турам.

Биз шаар сыртындагы жаңы конуштарда жашайбыз. Там салып алганбыз. Үч балабыз бар. Экинчи кайним үйлөнгөндө короого кичирээк там салып өздөрү үйлүү болгуча деп бөлүп койгонбуз. Кайнатамдар айылда жашайт.

Ошентип менден жети жаш кичүү, тарсылдаган тың, ачык-айрым абысындуу болдум. Менин мүнөзүм жоош, кенебей, шашылбай жүрө бермейим бар. Тигүүчү болуп иштегендиктен жумуштан дайыма кеч кайтам. Абысыныма дагы бир ичим жылыганы — мен жумуштан келгиче балдарыма көз салып, тамагын берип курсагын тойгузуп коюп жүрдү. Күн бою жумушта жүргөн энелерге бул аябай эле чоң жардам. Жолдошум да ишине байланыштуу кеч бошогондуктан, балдарды бакчадан алып коюу кайнимдин мойнунда болчу.

Абысыным келгенде үчүнчү балам боюмда болчу. УЗИге барсам "бала туура эмес жатып алыптыр, бирок төрөгүчө түздөнөт" деп айткандан элден угуп көптү төрөгөн эжеге ырым-жырым жасаткам.

Белгиленген күнүмө жетпей эле бир күнү ичим акырындан ооруп баштады. Мен ай толгоо го деп камырабай, акырын басып үй иштерим менен жүрө бердим. Байкасам улам эле кармап, акырындан катуулай берди. Эмнеси болсо дагы деп ооруканага алып барчу оокаттарымды дагы бир сыйра даярдап иреттегенче чай койдум. Абысынымды чакырып, ичим ооруп жатканын айтсам эле чала-була чай ичип "анда даярданыңыз, кебетеңиз башкача болуп турат" деп шаштырып кирди.

Кийинип даярданып баштаганда эле суу кетти, айламды таппай калдым. Абысыным ырас чуркап барып кошунаны айдатып келе коюптур. Өзүмдү колго алып эптеп машинеге отуруп, аны-муну салып жөнөп калдык. Анан эле жолдон такыр болбой калдым. Айдоочунун да шаштысын кетирдик. Келиним да "жеңе, такыр шашпайсыз" деп чыйпылыктап урушуп жатат. Төрөтканага жетпей каларыма көзүм жеткенде абысыныма: "Өлүп калам го, кантип төрөйм? Бала келип калды", - деп кыйналганыма коркконум кошулуп көзүм алайды. Ошондо келинимдин чечкиндүүлүгүнө таң бердим. Өзү жаңы турмушка чыккан жаш келин. Машинаны жолдун чекесине токтоттуруп, айдоочуну чыгарып жиберди да, мени төрөтүүгө киришти. Он беш мүнөткө жетпей алышып жатып бат эле төрөп койдум.

Жаным жай алганы менен ичимен "эми дарыгерлер не дейт, бала жакшы эле төрөлдү бекен?" деп сарсанаа болуп жатып карасам, келиним байкуш менин аркы-беркилеримди жыйнап, бала менен алектенип, бир сүйүнүп, бир чыйпылыктап жатканын көрдүм. Ичим ысып, ыраазы болдум. 

Ошентип айдоочу төрөтканага алып келип токтотуп, абысыным кирип эле медиктерди чакырып чыкты. Ичимен коркуп, тынчсызданып жаттым. Ак халатчандар бизди палатага киргизип, мени жайгаштырып, баланы да карап, журналына жазып абысыныман төрөт тууралуу сурай баштады. Көрсө, бала буту менен келиптир. Медиктер буту менен келген баланы келиним туура төрөтүп алгандыгын, бул оңой эмес экендигин айтканда бир аз жеңилдей түштүм. Алар деле таң калып күлүштү. Байкуш келиним бала каягы менен келерин деле билбептир. Ал өзү таң калып жүрөт. Экөөбүз тең жашып, кучакташып, кыйынчылыктан бирге чыкканыбызга сүйүндүк. Рахматымды айттым.

Мен өзүмдү бир өлүмдөн калгандай сездим. Эне-баланын өмүрүн сактап, киндик энеси болгон абысыныма ыраазымын.

Баса, эки уулдан кийин төрөлгөн кызымдын ысымын атасы экөөбүз кеңешип абысыныма койдурдук.

Азыр абдан ынакпыз. Өзү төрөп көрбөсө да ошондогу чечкиндүүлүгүнө, айдай кызым экөөбүздүн өмүрүбүздү сактаган батылдыгына рахмат!

21
Белгилер:
медик, келин, кыз, бала, төрөткана
Тема:
Ак жарык
Тема боюнча
Бетиме жайылган кан, такси менен жеткирген шаардык аба. Абитуриенттин ак жарыгы