Бишкектеги аялдамалардын биринде кишилер коомдук транспортту күтүп турушат. Архив

Эртең коомдук транспорт ишин баштайт. Кайсы эрежелерди кармануу керек

406
(жаңыланган 20:23 24.05.2020)
Коомдук транспорттун ичиндеги санитардык талаптардын сакталышы боюнча жоопкерчилик кызмат көрсөтүп жаткан ишканага жүктөлөт.

БИШКЕК, 24-май — Sputnik. Эртең, 25-майдан тартып, Бишкек шаарында коомдук транспорт жүрө баштайт. Анда кандай санитардык талаптар сакталышы керектигин саламаттык сактоо министринин орун басары Нурболот Үсөнбаев айтып берди.

"Жолго чыгуудан мурда транспорт каражаттары дезинфекцияланат. Бардык металл жана пластик нерселер тазаланышы шарт. Транспорттун ичинде жүргүнчүлөрдүн саны, орундуктардын саны менен чектелүүсү керек. Бардык жарандар милдетүү түрдө бет кап тагынышы зарыл. Ансыз болбойт", — деди Үсөнбаев.

Буга чейинки маалыматтарга караганда, транспорттун ичиндеги санитардык талаптардын сакталышы боюнча жоопкерчилик кызмат көрсөтүп жаткан ишканага жүктөлөт.

Кыргызстандагы COVID-19

Кыргызстанда коронавирус жуктуруп алгандардын жалпы саны 1403 болуп, 980 бейтап айыкты. Тилекке каршы, COVID-19 он төрт кишинин өмүрүн алган.

11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагында карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.

Өлкөдөгү абал тууралуу Sputnik Кыргызстан тексттик баяндама жүргүзүүдө.

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

406
Белгилер:
бет кап, эреже, троллейбус, автобус, карантин, Бишкек
Тема:
Коронавируска байланыштуу Кыргызстандагы кырдаал (2415)
Тема боюнча
Муфтий Токтомушев: Орозо айтта үймө-үй кыдырып кетпей, башкаларга үлгү бололу
Медициналык кызматкер ВИЧке кан анализин жүргүзүп жатат

Жалал-Абадда ВИЧ илдетин жуктургандарды аныктоо боюнча акция башталды

34
(жаңыланган 18:19 27.11.2020)
Өнөктүк маалында жашоочулар анонимдүү түрдө акысыз текшерүүдөн өтө алат. Иш-чара 27-ноябрдан баштап 1-декабрга чейин уланмакчы.

БИШКЕК, 27-ноя. — Sputnik. Жалал-Абад облусунда "ВИЧ-СПИД илдети боюнча өз макамыңды бил" аттуу акция башталды. Бул тууралуу аталган аймактагы СПИДге каршы күрөшүү жана алдын алуу борборунан билдиришти.

Борбордун башкы дарыгери Элмира Сатарованын айтымында, облус аймагында илдетти жыныстык жол менен жуктуруп алган эркектердин саны өскөн. Мындан улам өзүнүн ВИЧ-инфекциясын жуктуруп алганын билбей жүргөндөрдү эртерээк аныктап, дарылоо максатында атайын иш-чара уюштурулган.

"Акция учурунда жашоочулар анонимдүү түрдө акысыз текшерүүдөн өтө алат. Иш-чара 27-ноябрдан баштап 1-декабрга чейин уланат", — деди Сатарова.

Маалым болгондой, облуста илдетти жугузгандардын 62 пайызы ооруну жыныстык жол менен илештирсе, 27 пайызы кан аркылуу, беш пайызы энеден балага жуккан.

Учурда Жалал-Абад облусунда 1 087 адамдын ВИЧ-инфекциясына чалдыккандыгы аныкталган. Жыл башынан бери 36 адам аталган дартты жуктуруп, алардын 56 пайызы эркектер экени кошумчаланды.

34
Белгилер:
акция, аныктоо, оору, ВИЧ, СПИД, Жалал-Абад
Тема боюнча
Кыргызстанда ооруканада ВИЧ/СПИД жуктургандарга компенсация төлөнөт
Мурдагы вице-премьер-министр Тайырбек Сарпашев. Архив

Мыйзамсыз байыган. Экс-вице-премьер Тайырбек Сарпашевге иш козголду

1299
(жаңыланган 18:03 27.11.2020)
Финансы полициясынын кызматкерлери 2020-жылдын ноябрь айында мурдагы аткаминердин үйүн тинтүүгө алган.

БИШКЕК, 27-ноя. — Sputnik. Мурдагы вице-премьер-министр Тайырбек Сарпашевге кылмыш иши козголду. Бул тууралуу Экономикалык кылмыштарга каршы күрөшүү кызматы билдирди.

Маалыматта Финансы полициясы Сарпашевге карата мыйзамсыз баюу фактысы боюнча сотко чейинки өндүрүш баштаганы айтылат.

"Мурдагы вице-премьер С.Т. мамлекеттик мекемеде жетекчилик кызмат ордун ээлеп турганда көп сандаган кыймылдуу жана кыймылсыз мүлктү сатып алган. Кийин аны декларацияларда көрсөтпөстөн жакын туугандарына каттаган", — деп айтылат маалыматта.

Финпол бул сотко чейинки өндүрүштүн алкагында Сарпашев суракка чакырыларын белгиледи.

Белгилей кетсек, Тайырбек Сарпашев 2012-2014-жылдары Кыргызстандын экономика жана инвестиция боюнча вице-премьер-министри болуп эмгектенген. 2020-жылдын ноябрь айында Финпол анын үйүн тинтүүгө алган.

Тергөөгө ылайык, 2016-жылы президенттин аппаратынын кызматкерлери, Мамлекеттик каттоо кызматынын жетекчилиги, судьялар жана сот тутумунун өкүлдөрү соттун чечимдерин жасалмалап, Максим Бакиевге жакын кишилердин мүлкүн камакка алуу чечимин жокко чыгартышкан. Алар муну менен "Г.Э" ишканасынын кызыкчылыгын көздөшкөн. Сарпашев 2015-2017-жылдары Мамлекеттик каттоо кызматынын төрагасы болуп турган.

1299
Белгилер:
мүлк, кылмыш иши, финансы полициясы, Тайырбек Сарпашев
Тема боюнча
Бакиевдин жакындарына жардам берген. Бишкекте мурдагы судья кармалды
Октябрь районунун мурдагы акими Куценко үй камагына чыгарылды
Беларусь президенти Александр Лукашенко

Лукашенко жаңы Конституция кабыл алынганда президент болбой турганын жар салды

0
(жаңыланган 19:50 27.11.2020)
Лукашенко азыркы Баш мыйзамда президенттин ыйгарым укуктарына басым жасалганын айтып, өлкөнүн пайдасы үчүн жаңысын кабыл алуу керектигин белгилеген.

БИШКЕК, 27-ноя. — Sputnik. Беларусь президенти Александр Лукашенко жаңы Конституция кабыл алынгандан кийин өлкө башчысы болбой турганын жар салды. Бул тууралуу БелТА агенттиги жазды.

"Конституцияны өзүмө ылайыктаган жокмун. Жаңы Баш мыйзам кабыл алынса, мен силердин президентиңер болуп иштебейм. Ошондуктан муну жеңил кабыл алып, тынч болгула", — деген президент.

Ал шайлоонун жыйынтыгын кимдир бирөөнүн жасалмалоосуна жол бербей турганын айтып, ошол себептен жаңы Баш мыйзамды өзгөртүүнү колдоп жатканын айткан.

"Мен жаңы Баш мыйзамдын тарапташымын. Себеби азыркы иштеп жаткан Конституцияны "белгисиз президенттин" колуна карматканга болбойт", — деген ал.

Лукашенко азыркы Баш мыйзамда президенттин ыйгарым укуктарына басым жасалганын айтып, өлкөнүн пайдасы үчүн жаңысын кабыл алуу керектигин белгилеген.

0
Белгилер:
өзгөртүүлөр, конституция, Александр Лукашенко, Беларусь
Тема:
Беларустагы нааразылык акциялары
Тема боюнча
Жапаров референдумга Конституция эмес, башка маселени алып чыгууну сунуштады
Лавров: Беларустагы конституциялык реформаны колдойбуз