Мамлекеттик жана коомдук ишмер Мукар Чолпонбаев. Архивдик сүрөт

Маанилүү мыйзамдарды даярдашкан дасыккан юрист. Чолпонбаевге жазылган некролог

108
(жаңыланган 12:32 25.05.2020)
Некрологдо Чолпонбаевдин бир катар маанилүү мамлекеттик кызматтарды аркалоо менен өлкөнүн укуктук негизинин калыптанышына зор салым кошкону белгиленет.

БИШКЕК, 25-май — Sputnik. Кыргызстандын эли жоготууга учурап, 70 жаш курагында оорудан улам көрүнүктүү мамлекеттик жана коомдук ишмер Мукар Чолпонбаев дүйнөдөн кайтты. Бул тууралуу президенттин маалымат кызматы кабарлап, ага жазылган некрологду жарыялады.

Эске салсак, 24-майда 70 жашында коронавирус илдетине чалдыгып, ооруканадан каза тапкан.

"Ал дасыккан юрист катары Кыргызстандын эгемендүүлүгүнүн, мамлекеттүүлүгүнүн негизин түзгөн мыйзамдарды даярдоого, өлкөнүн көз карандысыздык декларациясын жарыялоо процессине активдүү катышкан. Ошондой эле эгемендүү мамлекетибиздин алгачкы Конституциясын жазууда да түздөн-түз салымын кошкон. Мамлекеттин парламенттик системасынын, укуктук негизинин калыптанышына эмгегин сиңирген көрүнүктүү мамлекеттик жана коомдук ишмер катары анын ысымы Кыргызстандын тарыхында калат", — деп айтылат маалыматта.

Маркумдун туугандарына жана жакындарына көңүл айтылып, азасын тең бөлүшө турганы билдирилген.

"Көрүнүктүү инсан Мукар Чолпонбаевдин жаркын элеси элибиздин, мекендештеринин, досторунун жана жакындарынын жүрөгүндө түбөлүккө сакталат", - деп айтылган некрологдо.

Мукар Чолпонбаев 1950-жылы 29-мартта Ысык-Көл облусуна караштуу Ысык-Көл районунун Өрүктү айылында туулган.

1976-жылы Кыргыз улуттук университетинин юриспруденция кесиби боюнча билим алган. 1976-1984-жылдары Чолпонбаев Фрунзе шаарынын Биринчи Иай районунун прокуратурасында тергөөчүлүк кызматтан өзүнүн эмгек жолун баштап, андан кийин Кыргыз транспорт прокуратурасында ага тергөөчү, Кыргыз ССРинин прокуратурасында өзгөчө маанилүү иштер боюнча тергөөчү болуп иштеген.

1984-1991-жылдары Кыргыз ССРинин Жогорку Советинин президиумунун юридикалык бөлүм башчысынын орун басары жана башчысы кызматын аркалаган. Андан кийин Жогорку Советтин депутаты болуп шайланган. 1991-1993-жылдары КРдин президентинин аппаратынын сот жана мыйзам чыгаруу бийлигинин байланышы боюнча бөлүм башчы, Чүй облусунун Юстиция башкармалыгынын башчысы болуп эмгектенген. 1993-1995-жылдары юстиция министри болуп иштеген. 1995-2000-жылдары мыйзам чыгаруу жыйынынын депутаты, ал эми 1995-1996-жылдары мыйзам чыгаруу жыйынынын төрагасы болуп шайланган.

Чолпонбаев жогорку билим берүү тармагында окутуучулук ишмердүүлүгүн улантып, Ишеналы Арабаев атындагы Кыргыз мамлекеттик университетинде кафедра башчысы, 2000-жылдан бүгүнкүгө чейин юрист-адвокат, "Мукар жана профи" аттуу юридикалык-консалтинг компаниясынын директору болуп эмгектенди.

Чолпонбавге көп жылдык жана үзүрлүү эмгеги үчүн КРдин эмгек сиңирген юристи, Юстициянын 3-даражадагы мамлекеттик кеңешчиси наамдары ыйгарылган.

Чолпонбаевдин сөөгү 25-майда "Ала-Арча" көрүстөнүнө коюлары айтылган.

108
Белгилер:
юрист, некролог, өлүм
Тема боюнча
Экс-спикер Мукар Чолпонбаевдин сөөгү качан кайда коюлары айтылды
ИВЛ аппарат. Архивдик сүрөтү

Өкмөт: беш күндөн кийин 13 тез жардам унаасы жана 17 ИВЛ аппарат алып келинет

1
(жаңыланган 15:27 10.07.2020)
Вице-премьер июль жана август айларында өлкөгө дем алуу аппараттары келерин да кошумчалады. Медициналык жабдуулар Дүйнөлүк банктын долбоорунун алкагында алынат.

БИШКЕК, 10-июл. — Sputnik. 15-июлда өлкөгө 13 тез жардам унаасы жана 17 ИВЛ аппараты алып келинет. Бул тууралуу вице-премьер Аида Исмаилова брифинг учурунда билдирди.

Анын айтымында, бул медициналык жабдуулар Дүйнөлүк банктын долбоорунун алкагында алынат.

COVID-19ду ооздуктоого чет жактан алынган акчанын 2,2 млн. доллары бөлүнгөн

"Тендер өткөрүлүп, банк менен 6 миллион 126 миң 598 долларлык келишим түзүлгөн. Анын алкагында июль-август айларында дем алдыруучу аппараттар алып келинет. Мындан сырткары, 15-июлда 17 ИВЛ аппараты жана 13 тез жардам унаасы да келет", — деди Исмаилова.

Ал 840 миң долларга дары-дармек сатып алуу маселеси каралып жатканын айтып, ЮНИСЕФ аркылуу 835 миң 485 долларга жеке коргонуу каражаттарын алуу пландалганын кошумчалады.

1
Белгилер:
долбоорлор, тендер, Медициналык жабдуу, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Апасынан айрылган кыз: "Гансиде" ачылды делген реанимациялык блок иштеген жок
Бишкек мэринин кеңешчиси Гуля Алмамбетова

Алмамбетова: бейтаптар медиктердин бетинен өөп жиберейин дейт

4
(жаңыланган 15:16 10.07.2020)
Бишкек мэринин кеңешчиси Гуля Алмамбетова борбор калаадагы күндүзгү стационарлар тынымсыз иш алып барып жатканын айтты.
Алмамбетова: бейтаптар медиктердин бетинен өөп жиберейин дейт

Бишкек шаарындагы күндүзгү стационарлардагы медиктер алгачкы күндөрү жетишпей, буту-колдору шишип кеткенге чейин иштеп жатышты. Бейтаптар медиктерге ыраазычылыгын билдирип, бетинен өөп жибергиси келип жатат. Бул тууралуу Гуля Алмамбетова Sputnik Кыргызстан радиосуна маек куруп жатып билдирди.

Саламаттык сактоо министринен пневмония, орун басарынан COVID аныкталды

Анын айтымында, Бишкек шаарынын төрт районунда экиден стационар бейтаптарды кабыл алып, ал эми бирөөсүндө үчүнчү күндүзгү стационар ачылууда.

"Бишкек шаарындагы стационарлардагы 790 орунга 8-июлда 8 086 адам кабыл алынып, 6 673 киши дарыланып, 1 349 адамга консультация берилди. Булардын ичинен 57 жаранга тез жардам чакырылып, ооруканаларга жеткирилди. Тилекке каршы, жети жаран көз жумду. Эртең мененки 8:00дөн кечки 20:00гө чейин дарыгерлер кызмат көрсөтүшүүдө. Алгачкы күндөрү медиктер жетишпей, буту-колдору шишип кеткенге чейин иштешти. Кийинки күндөрдө эки топко бөлүнүп иш алып барышууда. Мэрдин тапшырмасы менен бейтаптардын ПЦР-тести бар-жогуна карабастан жардам көрсөтүлүүдө. Бул жакта иштеген дарыгерлердин тамак-ашы, транспорту жана жашаган жери камсыздалган. Бейтаптар медиктерге ыраазычылыгын билдирип, бетинен өөп жибергиси келип жатат. Абалга жараша жеке каражаттары жана вирустун жугуу коркунучунан улам анте алышпайт", — деди Алмамбетова.

Ошондой эле ал акыркы убактарда сакайып чыккан бейтаптардын саны көбөйүп калганын кошумчалады.

4
Белгилер:
дарыгерлер, мэрия, бейтап, Гуля Алмамбетова
Тема:
Коронавируска байланыштуу Кыргызстандагы кырдаал
Тема боюнча
Эми мечиттерде жума намаз окулбайт. Муфтияттын билдирүүсү