Гүл кармаган кыз. Архивдик сүрөт

Бетиме жайылган кан, такси менен жеткирген шаардык аба. Абитуриенттин ак жарыгы

1763
(жаңыланган 20:00 25.05.2020)
Адамдын көңүлү — гүл. Жылт эткен жарык, үлп эткен жел, жакшы көз караш, жагымдуу айтылган сөз маанай көтөрүп, ал тургай бир нече күн жүрөктү жылуулук аралап жүрөт.

Бүгүн "Ак жарык" рубрикасында баяндалчу окуя 18 жыл мурда болгон экен. Курбумдун башынан өткөн окуяны окурмандар менен бөлүшүп коюуну чечтим.

— Бул окуя жыл сайын абитуриенттер шаарга келе баштаган кезде эске түшөт. 18 жыл мурда мен да ошолордой болуп, абасы салкын, тоо койнунда керилип жаткан Нарындан мен үчүн өтө эле кымгуут сезилген Бишкекке окууга тапшырганы келдим. Мектепти артыкчылык диплом менен аяктагандыктан, бул жакта окууга тоскоолдуксуз өтүп кеттим. Айылда атам кичинекей бөбөктөрүм менен калгандыктан, апам мени туугандардыкына таштап, тез эле Нарынга кетип калды. Ал кезде окууга кабыл алынган студенттерди университетке 10-15 күнгө практикалык иштерге чакырышчу.

Бир күнү түшкө маал окуу жайга жөнөдүм. Ошондогу кийимим али күнчө эсимде. Бишкек, июль айы... А менин бутумда ботас, үстүмдө айылдан кие келген калың жинсы шым менен болгондо да кара трикотаж кофта. Үйдөн чыгаарым менен эле ысыктан демим кысыла баштады. Киев менен Абдрахманов (мурдагы Совет) көчөлөрүнүн кесилишинен бир-эки жолу өзүм жалгыз барганымда "Ош базары" деген жазуусу бар маршруткага түшкөн элем. Улуттук университетинин башкы корпусуна баруу үчүн филармониянын жанынан түшүп калчумун. Кайра эле ошондой жазууларды издеп отуруп, акыры бирөөгө отурдум. Бирок мурда 15 мүнөттө жетчү жерге такыр жетпей койдук. Алаңдап ар кайсы жакты карап коем, эмнегедир эч нерсеси окшошпойт. Бир маалда шаардын четине чыктык дагы, кишилердин баары түшүп калышты. Айдоочудан "Ош базарга барасыңарбы?" десем, ал "биз азыр Асанбайдабыз. Түшүп жатканда сурабайт белең?" деп күлүп койду. Айтор, туура эмес отуруп алыпмын. Ошентип,  шалпайган бойдон андан түшүп, артка кетчү маршруткага отурдум. Адашып калганым үчүн туталанып, бирөө бирдеме десе ыйлап ийчүдөй болуп калдым. Анын үстүнө суусаганымдан тамагым кургап, катуураак кыймылдап койсом көзүм караңгылайт... Суу алып ичейин десем, колумда жол киреден башка акча жок.

Кийинки маршруткага отуруп, 2-3 аялдама өткөндөн кийин мурдумдан шорголоп кан агып кетти. Айласыздан жүз аарчы издегенсип сумкамды чукулап калдым, бирок ал жок экенин билчүмүн, жөн эле ыңгайсыз абалда калганымды эч кимге билдиргим келген жок.

Ошол замат жаңы эле маршруткага түшүп, арыраак жакта турган киши өзүнүн жүз аарчысын суна койду. Андайды күтпөгөн жаным алайып карап калсам, "таза, мен колдоно элекмин" десе болобу? Мен анын таза, таза эмес экенин кайдан ойломок элем, иши кылып канды бассам болду эле. Бирок анын мага кыз киши деп аздектеп, эркектин жүз аарчысын сунганына өзү бир аз ыңгайсыз болуп, таза эле деп актанып койгонун азыр ойлоп ыраазы болом.

Канды көргөндө ого бетер башым айланып, маршруткадан түшүүгө камынып калсам, жанагы киши мени менен чогуу сыртка чыкты. Чыканагыман жөлөп, аялдамадагы отургучка отургузуп, өзү ары жактан суу алып келди.

Суу ууртап, мурдумдун каны токтору менен өзүм кичине эс ала түштүм. Эми акыл токтотуп, тиги кишини карасам, атам менен куракташ немедей көрүндү. Шаарда туулуп-өскөн окшойт, колдору аппапак, өзү сылык-сыпаа. Азыр ал киши дарыгер болгон окшойт деп ойлоп коем. Бир нече мүнөттөн кийин кайсы жакка барарымды сурады. Улуттук университеттин башкы корпусуна десем, "мен дагы ошол тарапка барат элем, анда кыйналбай такси менен кетип калалы, мен төлөйм" деп сунуштады. Чынын айтканда бир аз чочуладым. Бирок шаардын кайсы жеринде экенимди билбесем, үйдөгүлөргө чалайын десем азыркыдай чөнтөк телефон кеңири тарай элек. Анын үстүнө жол кирем дагы жок калган.

Такси менен зуулдап, бир заматта окуу жайдын алдына келип түшүп калдым. Коштошуп жатып "Бар бол, карындаш. Жакшы оку, ысыкта жаныңа суу менен жүз аарчы ала жүр" деп бир жылмайып коюп, шарт эттире машинанын эшигин жаап, жолун улады.

Ошол адамдын сөздөрүн мээме бекем түйүп калган экенмин, азыр жайкысын суусуз сыртка чыкпайм. Көчөдө айылдан жаңы келген абитуриент көрсөм эле жардам бергим келе берет. Мен тарапты карабаса деле, адашып калган жокпу же бир окуу жайда издеп жүрөбү деп бушайман боло берем.

Мага жардам берген байкенин өң-келбети эсимде калган жок, азыр көрсөм, тааныбасым анык. Бирок ошондогу жакшылыгы үчүн ыраазымын. Мага жүз аарчысын сунуп койгону деле жетиштүү болчу. Бирок өмүрүндө биринчи жана акыркы ирет көрүп жаткан адамга ушундай мамиле кылган кишилер бар үчүн дүйнө жарык окшойт деп ойлоп коём. Бар болуңуз, байке!

1763
Белгилер:
жардам, абитуриент, Бишкек
Тема:
Ак жарык (26)
Тема боюнча
Ак жарык. Алтайда балалуу эненин жол акысын төлөгөн өспүрүм миллионер болду
Ак жарык. Канададан баштыкка буюртма берип, өмүр узарткан мекендештер
Ак жарык. Бейтааныш кишини бычак мизинен куткарган тракторчу
Арча-Бешик конушуна асмандан көрүнүш. Архивдик сүрөт

Шаршембиге карата аба ырайы

78
2-декабрга караган түнү өлкөнүн тоолуу райондорунда кар жаайт. Батыштан соккон шамалдын ылдамдыгы секундасына 4-9 метрге жетет.

БИШКЕК, 1-дек. — Sputnik. 2-декабрь, шаршембиде, күндүз республиканын көпчүлүк аймактарында күн ачык болот. Бул тууралуу Кыргызгидромет билдирди.

Абанын температурасы Чүй облусунда -1…+4, Талас жергесинде 0…-5, Ош, Жалал-Абад, Баткен аймактарында +4…+9, Ысык-Көлдө жана Нарында 0…+5 градусту түзөт.

Ош жана Бишкек шаарларында жаан-чачын күтүлбөйт. Күндүн табы борбордо 0…+2, Ош шаарында +7…+9 градус жылыйт.

78
Белгилер:
Кыргызстан, аба ырайы
Тема боюнча
Дагы кар жаайбы? Бир жумага карата аба ырайы
Мурдагы президент Алмазбек Атамбаев сот учурунда. Архивдик сүрөт

Атамбаевге экс-президент макамы кайтарылабы? Адистердин пикири

765
(жаңыланган 19:02 01.12.2020)
Депутат, юрист жана саясий серепчилер мурдагы президент Алмазбек Атамбаев эркиндикке чыгып, экс-мамлекет башчы макамын кайтара алабы деген суроонун тегерегинде ой толгошту.

Мурдагы президент Алмазбек Атамбаевдин жактоочусу Сергей Слесарев Жогорку сот кримтөбөл Азиз Батукаевдин иши боюнча өкүмдү жокко чыгарганын, мурдагы өлкө башчынын эркиндикке чыгышы мүмкүн экенин жар салды.

Мындан улам окуя ушундай нукта өнүксө, Атамбаевге экс-президент макамын кайтарып берүү маселеси көтөрүлүшү мүмкүнбү деген суроо жаралды. Бул тууралуу сеперчилердин оюн уктук.

Саясат таануучу Марс Сариевдин пикиринде, мурдагы президенттин кылмыш жоопкерчилигинен бошотулуп, эркиндикке чыгуусуна эки себеп бар. 

Политолог Марс Сариев во время видеомоста в мультимедийном пресс-центре Sputnik Кыргызстан
© Sputnik / Жоомарт Ураимов
Саясат таануучу Марс Сариев
"Биринчиден, учурдагы саясий кырдаалда Атамбаевдин бошотулушу керек болуп турат. Экинчиден, алдыда президенттик шайлоо келе жатат. Азыркы бийликке кырдаалдын курчуп кетиши, Атамбаевдин электораты тараптан оппозициялык маанайдагы аракеттердин кереги жок. Башкача айтканда, аны бошотуу — өлкөдө туруктуулукту орнотууга кадам катары саналат", — деди Сариев.

Саясий серепчи Эмил Жураев дагы Атамбаевге байланыштуу бул жагдайдын саясий мааниси бар экенин айтат. 

"Учурда саясий боёктору бар деп айтылган айрым чуулгандуу кылмыш иштери кайрадан артка кайтарылып жатат. Алмазбек Атамбаевдин иши дагы алардын катарында, анын саясий мааниси бар экенин жокко чыгара албайбыз", — деди Жураев.

Анын пикиринде, эгер Атамбаевдин буга чейинки кылмыш иштери, соттук чечимдер токтотула турган болсо, экс-президент макамын кайтарып берүү маселеси турушу мүмкүн.

Ал эми депутат жана юрист Дастан Бекешев азырынча Атамбаевге экс-президент макамын кайтаруу тууралуу маселени көтөрүүгө эрте деген пикирде. 

Депутат Жогорку Кенеша Дастан Бекешев на радиостудии Sputnik Кыргызстан
© Sputnik / Асель Сыдыкова
Депутат жана юрист Дастан Бекешев
"Алмазбек Атамбаевге экс-президент макамын кайтарып берүү боюнча сөз кылууга эртерээк. Себеби соттук иштер дагы алдыда. Анын үстүнө Жогорку соттун коллегиясынын акыркы, расмий чечимин көрүшүбүз керек", — деди депутат.

Борбордук шайлоо комиссиясынын мүчөсү, юридика илимдеринин доктору Кайрат Осмоналиев Атамбаев азырынча актала электигине токтолду. 

Заслуженный юрист КР, член ЦИК и советник министра образования Кайрат Осмоналиев
© Sputnik / Табылды Кадырбеков
Борбордук шайлоо комиссиясынын мүчөсү, юридика илимдеринин доктору Кайрат Осмоналиев
"Азыр көпчүлүк резонанстуу иштерди кайрадан соттун кароосуна жиберип коюп жатышат. Ал жакта иш башынан каралып, тиешелүү процедуралар өтүшү керек. Эгер алар Атамбаевди толугу менен актай турган болсо, ошондо гана макамын кайтаруу тууралуу айтса болот", — деди Осмоналиев.

Ошондой эле ал Атамбаевди макамынан ажыратуу башынан эле мыйзамсыз чечим болгонун кошумчалады.

"Мен Атамбаевди коргобойм, тарапташы эмесмин. Бирок мыйзамдын так аткарылышына кызыкдармын. Кол тийбестигинен, экс-макамынан ажыратуу мыйзам жагынан туура эмес болчу. Ошол кезде бул тууралуу көп айткан элем. Бирок бул кылганы үчүн Жогорку Кеңеш дагы, Башкы прокуратура дагы жоопко тартылган жок. Эгер Атамбаев акталып калса, Жогорку Кеңеш катасын мойнуна алып, экс-президент макамын кайтарып берүүсү керек. Бул укуктук өлкөдө кадыресе көрүнүш", — деди юрист.

Эске салсак, Башкы прокуратура Алмазбек Атамбаевди беш кылмышка тиешеси болушу мүмкүн деген бүтүм чыгарып, анын негизинде Жогорку Кеңеш экс-президент макамынан ажыраткан.

Ал эми бүгүн Жогорку соттун маалымат кызматы мурдагы президент Алмазбек Атамбаев Бишкектин Биринчи май райондук сотунун чечими менен эркиндикке чыгышы мүмкүн экенин билдирди. Фемида өкүлдөрү Атамбаевге карата чыккан өкүм жокко чыгарылып, райондук сотко кайра башынан кароого жөнөтүлгөнүн эскертти.

765
Белгилер:
макам, чечим, Жогорку сот, Алмазбек Атамбаев
Тема:
Алмазбек Атамбаевдин кармалышы
Тема боюнча
Жогорку сот Атамбаевге Батукаевдин иши боюнча чыккан өкүмдү жокко чыгарды. Видео
Сот Атамбаевдин үч иши эмне себептен бириктирилгенин түшүндүрүп берди
Кыргыз-кытай чек арасындагы Эркечтам өткөрүү пункту. Архив

Кытай 3-декабрдан тарта Кыргызстанга көбүрөөк жүк ташууга уруксат берди

57
(жаңыланган 22:55 01.12.2020)
Кытай эртеңден баштап жүк ташыган автоунаалардын санын болжол менен суткасына 30га чейин көбөйтүүгө даяр. Каттамдар күн сайын жүргүзүлүп турат.

БИШКЕК, 1-дек. — Sputnik. Премьер-министрдин милдетин аткаруучу Артем Новиков Кытайдын Кыргызстандагы элчиси Ду Дэвэнь менен жолугуп, натыйжада жүк ташуунун агымы 3-декабрдан тарта көбөйтүлөрү маалым болду. Бул туурасында өкмөттүн маалымат кызматы билдирди.

  • Премьер-министрдин милдетин аткаруучу Артем Новиков Кытайдын Кыргызстандагы элчиси Ду Дэвэнь менен жолугуп, натыйжада жүк ташуунун агымы 3-декабрдан тарта көбөйтүлөрү маалым болду
    Премьер-министрдин милдетин аткаруучу Артем Новиков Кытайдын Кыргызстандагы элчиси Ду Дэвэнь менен жолугуп, натыйжада жүк ташуунун агымы 3-декабрдан тарта көбөйтүлөрү маалым болду
    © Пресс-служба правительства / Алишер Алиев
  • Элчи кыргыз тараптын бир нече ирет кайрылуусуна жана Новиков менен 25-ноябрдагы жолугушуусунан соң Эркечтам жана Торугарт көзөмөл-өткөрүү пунктуларынын өткөрүү жөндөмдүүлүгүн жогорулатуу боюнча бир катар кеңешмелер өткөрүлгөнүн маалымдаган
    Элчи кыргыз тараптын бир нече ирет кайрылуусуна жана Новиков менен 25-ноябрдагы жолугушуусунан соң "Эркечтам" жана "Торугарт" көзөмөл-өткөрүү пунктуларынын өткөрүү жөндөмдүүлүгүн жогорулатуу боюнча бир катар кеңешмелер өткөрүлгөнүн маалымдаган
    © Пресс-служба правительства / Алишер Алиев
1 / 2
© Пресс-служба правительства / Алишер Алиев
Премьер-министрдин милдетин аткаруучу Артем Новиков Кытайдын Кыргызстандагы элчиси Ду Дэвэнь менен жолугуп, натыйжада жүк ташуунун агымы 3-декабрдан тарта көбөйтүлөрү маалым болду

Элчи кыргыз тараптын бир нече ирет кайрылуусуна жана Новиков менен 25-ноябрдагы жолугушуусунан соң "Эркечтам" жана "Торугарт" көзөмөл-өткөрүү пунктуларынын өткөрүү жөндөмдүүлүгүн жогорулатуу боюнча бир катар кеңешмелер өткөрүлгөнүн маалымдаган. Анын жыйынтыгы менен кытай тарап жумуш убактысын 8ден 12 саатка чейин көбөйтүү, ошондой эле өткөрмө пунктун дем алышсыз иштөө режимине өткөрүүнү сунуштаган.

"Жүк ташыган автоунаалардын саны болжол менен суткасына 30га көбөйөт. Элчи "Эркечтам" өткөрмө пунктундагы инфраструктураны жакшыртуу, өткөрүү жөндөмдүүлүгүн жогорулатуу максатында кытай тарап эки кампа куруу, контейнер үчүн кран орнотуу тууралуу чечимин кабыл алгандыгын кабарлады", — деп айтылат маалыматта.

Новиков маселе ыкчам чечилгени үчүн ыраазычылык билдирип, кыргыз өкмөтү кытай тараптын көзөмөл-өткөрүү пунктуларын жакшыртуу максатында кабыл алынып жаткан бардык аракеттерин колдоого алууга даяр экендигин белгилеген.

Жыйынтыгында премьер-министрдин милдетин аткаруучу Бажы кызматына, УКМКнын Чек ара кызматына өткөрмө бекеттерди кытай тарап менен биргелешип иштөө режимине өткөрүү тапшырмасын берди.

57
Белгилер:
автоунаа, пункт, өткөрмө, Кыргызстан, Кытай
Тема боюнча
Кыргыз-казак чек арасындагы "Каркыра" өткөрмө бекети убактылуу жабылды
Министр Казакбаев КРдеги кытайлык ишкерлер менен жолукту. Эмне талкууланды