Москвадагы Шереметьево аэропортундагы жүргүнчүлөр. Архив

Москвадан Бишкекке учуп чыккан 372 келиндин 319у кош бойлуу

298
(жаңыланган 16:01 26.05.2020)
Уча тургандардын тизмеси атайын жумушчу топтун отурумунда бекитилген. Анын курамына Кыргызстандын ар бир регионунун өкүлдөрү, кыргыз диаспоралары тарабынан сунушталган дарыгер, юристтер кирген.

БИШКЕК, 26-май. — Sputnik. Бүгүн, 26-майда, Москвадан Бишкек шаарына 372 кыргызстандык атайын каттам менен учуп кетти. Бул тууралуу Кыргызстандын Россиядагы элчилигинин маалымат кызматынан кабарлашты.

"Аталган каттам менен 319 кош бойлуу аял, эки жашка жете элек чүрпөлөрү менен 53 келин жиберилди", — деп айтылат маалыматта.

Кыргызстандыктар кош бойлуулукту тастыктаган маалым кат жана учууга уруксат берген кагаздын негизинде жолго чыкканы кошумчаланат.

"Ошол эле учак менен дагы 26 жаран кетти. Ал жүргүнчүлөр эконом-класстын баасынан алты эсе кымбат бизнес-класстын билеттерин сатып алган. Көпчүлүгү ооругандар жана жакындарын акыркы сапарга узатуу үчүн чыккандар. Андан сырткары, Россия тараптын суранычы менен дагы беш адам кошулду", — деп элчиликтен билдиришти.

Учактагылардын тизмеси атайын жумушчу топтун отурумунда бекитилген. Анын курамына Кыргызстандын ар бир регионунун өкүлдөрү, кыргыз диаспоралары тарабынан сунушталган дарыгер, юристтер кирген. Жумушчу топ ар бир маалым катты текшерип, ишеничтүү болуусу үчүн ал кагаздарды берген медициналык мекемелерге чалып чыккан.

"Дарыгерлердин чыгарып берген бүтүмү менен 33 кош бойлуу келинге учууга уруксат кагаздары берилген эмес. Себеби алардын айрымдарынын ай-күнү жакындап калган жана жолго чыгуу ден соолугуна терс таасир бермек (алардын экөө Кыргызстанга учаар алдында төрөгөн)", — деп айтылат маалыматта.

Эске сала кетсек, бир нече күн мурун уюштурулган каттамга 23 кыргызстандык түшпөй калган. Ага аэропорттогу кезектин сакталбаганы себеп болгон. Алардын арасында ден соолугу боюнча мүмкүнчүлүгү чектелгендер, кош бойлуулар да болгон.

298
Белгилер:
элчилик, каттам, учак, Кыргызстан, Россия
Тема боюнча
Москвада КР элчилигинин атын жамынып авиабилет саткандар иликтенүүдө
Кош бойлуу, операция болгон 22 кыргызстандык Екатеринбургдан алып келинди
Оренбургдан 164 кыргызстандык чартердик каттам менен алып келинди. Сүрөт
Тоолуу Маевка айылына жакын унаа жолу

Шейшембиге карата аба ырайы

32
(жаңыланган 21:11 06.07.2020)
Түнкүсүн Ысык-Көл облусунун кээ бир райондорунда жаан жаап, күн күркүрөйт. Бийик тоолуу өрөөндөргө кар түшөт.

БИШКЕК, 6-июл. — Sputnik. 7-июль, шейшемби күнү, өлкө аймагы боюнча күн ачык болот. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрге дейре жетет.

Абанын температурасы Чүйдө+28…+33, Таласта +26…+31, Ош, Баткен жана Жалал-Абад облустарында +30…+35 жана Ысык-Көл менен Нарын жергесинде +22…+27 градус жылуу болот.

Ал эми Бишкек шаарында күндүн табы +30…+32, Ош калаасында +33…+35 градуска дейре көтөрүлсө, Чолпон-Атада термометрдин көрсөткүчү +23…+25 градуска чейин жетет.

32
Белгилер:
аба ырайы, Кыргызстан
Тема боюнча
Алдыда аптаптуу ысык болбойбу? Бир жумага карата аба ырайы
Почтада посылкалар. Архив

Бишкекте почта түйүндөрү бир жума иштебейт

80
(жаңыланган 20:03 06.07.2020)
Бишкек шаарындагы почталар 13-июлдан тарта иштеп баштайт. Ушул эле күнү социалдык төлөмдөрдү жеткирүү да башталат.

БИШКЕК, 6-июл. — Sputnik. "Кыргыз почтасы" ишканасынын Бишкектеги бөлүмдөрү калаада вирустук инфекцияны жайылтып жиберүүнүн алдын алуу максатында 7-13-июль күндөрү профилактика иштерине жабылат. Бул тууралуу мэриянын маалымат кызматынан кабарлашты.

"Абалдын кескин курчуп кетишинен улам аталган ишкананын филиалы болгон "Бишкек почтамт" бир апта бою өз бөлүмдөрүндө санитардык-эпидемиологиялык коопсуздукту камсыздоо боюнча иш-чараларды өткөрөт", —  деп айтылат таратылган кабарда.

Каттоо кызматынын Архив агенттиги карантинге жабылды

Ал эми 13-июлдан тарта Бишкек шаарындагы почталар иштеп, ушул эле күнү социалдык төлөмдөрдү жеткирүү да башталат.

"Кыргыз почтасы" мамлекеттик ишканасы почта түйүндөрүндө төмөнкү эрежелерди сактоону өтүнөт:

  • Почта бөлүмүнүн имаратынын ичине аз сандагы кишилер кириши керек жана 1,5 метр бири-биринен обочо турушу шарт. Калгандары коопсуздук үчүн көчөдө күтүп турат;
  • Бөлүмдө жана анын жанында жарандар 1,5 метрлик аралыкты сактап турушу керек;
  • Почтага кирер алдында бет кап кийгенди унутпагыла. Эгерде ансыз келсеңиз, ичине кире албайсыз;
  • "Кыргыз почтасы" ишканасы азыркы абалдан улам бардык түйүндөрүндө келгендерге ыңгайлуу жана коопсуз шарт түзүп бергенге аракет кылат.
80
Белгилер:
почта, коронавирус, эпидемия, Бишкек, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Кыйын кырдаалдан кантип чыгабыз? Жээнбеков берген тапшырмалардын тизмеси
Баткен облусунда Исфана — Сулюкта жолунда тоолор. Архив

Сүлүктүдө жер көчүп, автоунаа жолун тосуп калды. Видео

56
(жаңыланган 23:33 06.07.2020)
Жолду тазалоо үчүн бир жүктөгүч, эки самосвал тартылып, бир тараптуу ачылган. Тазалоо иши эртең дагы улантылат.

БИШКЕК, 6-июл. — Sputnik. Баткен облусунун Сүлүктү шаарында жер көчүп, автоунаа каттаган чоң жолду тосуп калды. Бул тууралуу Өзгөчө кырдаалдар министрлигинин маалымат кызматы кабарлады.

Билдирмеге караганда, бүгүн саат 17:40 чамасында Кызыл-Бел тилкесинде болжол менен 1000 метр куб жер сүрүлүп, жолду бөгөп салган. Жабыркаган адамдар жок.

Бир үй-бүлөдөн эле... Сүлүктү шахтасындагы төрт кишинин өлүмүнүн чоо-жайы

Жолду тазалоо үчүн Кытайдын жол куруучу компаниясынан бир жүктөгүч, эки самосвал тартылып, бир тараптуу ачылган. Кеч киргендигине байланыштуу саат 20:20да тазалоо иш-чаралары убактылуу токтотулган. Иштин эртең дагы улантылары айтылат.

56
Белгилер:
тазалоо, жол тосуу, автоунаа, Жер көчкү
Тема боюнча
Адам өмүрүн эмес, сөөгүн сактап калган учурлар болот. Куткаруучунун маеги
Жыл башынан бери 35 адам сууга чөктү. Өкмөт коңгуроо кагууда