Унааны эвакуациялоо. Архивдик сүрөт

Автоунааны кайсы жерге токтотсо эвакуатор алып кетпейт? Кеңеш

364
(жаңыланган 23:56 26.05.2020)
Автокөлүктү туура эмес жерге токтотуп, эвакуатор алып кетип калбасын десеңиз Sputnik Кыргызстан агенттиги даярдаган материалды окуңуз.

Бишкекте автоунаа көп, жолдор кенен эмес, транспорт каражатын коюуга жер табуу кыйын. Көлүгүңдү каалаган жерге да токтотуп кете албайсың. Анткени 2018-жылдын башынан тарта Бишкекте автоунаасын туура эмес жерге токтоткон шаардыктардын транспортун эвакуатор алып кетип, айып короого киргизе баштаган.

"Жол кыймылынын эрежелери" рубрикасынын алкагында бул ирет калаада кайсы жерлерге автоунааны токтотууну жана аны эвакуатор айып короого жүктөп кетсе кантип алыш керектигин айтып беребиз.

Калаада темир тулпарды кандай жерге токтотсо болот?

  • Автоунааны жолдун оң жагына, четке токтотуш керек;
  • Калк жашаган аймакта эгер көчө бир тараптуу болсо, автоунааны сол жагына токтотсо болот (ал эми жүк ташуучу машиналар жолдун сол жагына жүк жүктөө же түшүрүү үчүн гана турушу керек);
  • Транспортту бир катарга катары менен токтотсо болот. Бирок тротуардын тушу болуп калса, ал жерге уруксат берилбейт;
  • Эки дөңгөлөктүү транспорт каражаттары капталдарында чиркегич жок болсо, аларга эки катарга токтотууга уруксат;
  • Тротуардын чети менен транспорт өтүүчү жол чектешкен жерге жөө жүргүнчүлөргө тоскоолдук жаратпаса, жеңил автоунаалар, мотоцикл, мопед, велосипеддер токтой алат;
  • Калктуу эмес пункттарда жолдун жээгине узак убакытка, түнөөгө автоунааны калтырбаш керек. Ал үчүн атайын аянттар бар же болбосо жолдон алыс коюу керек.

Транспорт каражаттарын токтотууга тыюу салынган жерлер:

  • Темир жол өткөөлдөрүнө, тоннелдерге;
  • Эстакада, көпүрөлөр, жол өткөөлдөрүнүн үстүнө же астына (эгер үчтөн аз сызык болсо);
  • Узун туташ чийин менен токтогон транспорт каражатынын ортосундагы аралык 3 метрден аз болгон жерлерге;
  • Жөө адам өткөөлдөрүндө жана ага чейин 5 метр жакын жерге;
  • Жол 100 метрден аз көрүнгөн учурда, коркунучтуу бурулуштарга, кайрылыштарда;
  • Аялдамаларда, эгер ал жок болсо коомдук транспорт же таксинин белгисинен 15 метрден алыс токтош керек;
  • Транспорт каражаты светофордун сигналдарын, жол белгилерин башка айдоочуларга көрүнбөгөндөй кылып туруп албашы керек, жөө адамдардын кыймылына тоскоолдук кылган жерге да токтоого болбойт;
  • Жолдун автоунаа өтүүчү жерине ички иштер органдары жана атайын кызматтардын транспорттору гана тура алат.

Автоунаа токтоого болбой турган жерге аргасыз турууга туура келип калды. Эмне кылуу керек?

  • Токтоого тыюу салынган жерлерде аргасыздан токтогон учурда айдоочу транспорт каражатын бул жерден алып коюу үчүн бардык чараларды көрүүгө тийиш;
  • Транспорт каражатынын эшигинин ачылып турушу кыймылдын башка катышуучуларына тоскоолдук кылса, эшикти жабуу керек;
  • Эгерде айдоочу транспорт каражатынын өз алдынча жүрүп кетишин же айдоочу жокто пайдаланылышын четтеткен бардык чараларды көргөн болсо, ал ордун таштап же транспорт каражатын калтырып кете алат.

Жол кыймылына тоскоол болгон транспорт каражаттарды токтотуунун (коюунун) эрежесин бузганы үчүн мажбурлап эвакуациялоого (айдоочусу жок болсо), дөңгөлөк блокираторлорун же жабдыктардын башка түрлөрүн колдонууга жол берилет.

Эгер автоунааны айып короого алып кетсе эмне кылуу керек?

Кайгуул милициясынын нөөмөт бөлүмүнө дароо чалып, кайсы район, кайсы даректен алып кеткенин айтуу керек. Бишкекте кайгуул кызматынын номери — (0312) 53 01 81.

Автоунааны чыгарып кетүү үчүн канча каражат кетет?

Кайгуул кызматынын маалымат кызматы билдиргендей, туура эмес автоунаа токтотууга айып пул 1000 сом, эгер эвакуатор алып кетсе ага 1300 төлөп каласыз.

Бишкекте айып короолор кайсы даректе жайгашкан?

  • Чолпон-Ата көчөсү, 1а — 0 (312) 63 02 57;
  • Шабдан баатыр көчөсү, 2а — 0 (700) 17 59 62;
  • Кара-Дары — Горький көчөлөрү — 0 (773) 72 00 37;
  • Багижский кууш жолу, 78 — 0 (700) 53 38 66.

Бишкектеги муниципалдык автоунаа токтотуучу жайлардын тизмеси:

"Ош" базарынын айланасы

  • Бейшеналиев көчөсүнүн Москва көчөсүнөн Чүй проспектисине чейинки бөлүгү;
  • Кулиев көчөсүнүн Токтогулдан Киев көчөсүнө чейинки бөлүгү;
  • Токтогул көчөсүнүн Жаш  гвардия бульварынан "Ала-Арча" суусуна чейинки бөлүгү;
  • Киев көчөсүнүн Жаш  гвардия бульварынан Кулиев көчөсүнө чейинки бөлүгү;
  • Павлов көчөсүнүн Чүй проспектиси менен Киев көчөсүнө чейинки бөлүгү;

"Орто-Сай" базары

  • Суеркулов көчөсүнүн Жукеев-Пудовкинден Юнусалиев көчөсүнө чейинки бөлүгү;
  • Юнусалиев көчөсүнүн Суеркуловдон Безымянная көчөсүнө чейинки бөлүгү;
  • Жукеев-Пудовкин көчөсүнүн Безымяннаядан Суеркулов көчөсүнө чейинки бөлүгү;

"Эски толчок" базары

  • Орозбеков көчөсүнүн Фере көчөсүнөн Можайский кууш жолуна чейинки бөлүгү;

"Комфорт" базары

  • Ибраимов көчөсүнүн Москвадан Токтогул көчөсүнө чейинки бөлүгү;
  • Кулатов көчөсүнүн Ибраимовдон Матросов көчөсүнө чейинки бөлүгү (Май-сыр базасы);
  • Сүйүмбаев көчөсүнүн Чүй проспектисинен Огонбаев көчөсүнө чейинки бөлүгү;
  • Огомбаев көчөсүнүн Гоголдон Сүйүмбаев көчөсүнө чейинки бөлүгү;

"Сары-Өзөн" базары

  • Клубный кууш жолу.

Автоунаа токтотуучу жай муниципалдык экенин кантип билсе болот?

Биринчиден, ал жерлерде "автоунаа токтотууга болот" деген белгилер болот. Мындан тышкары кызматкерлер атайын тигилген кызгылт сары түстөгү "Бишкектин автоунаа токтотуучу жайлары" деген жазуусу бар кийимчен болушат. Ошондой эле бейджик тагынып, акы төлөгөндүгү тууралуу талон беришет. Талондун баасы турган убактысына карабай 25 сом.

364
Белгилер:
айып пул, унаа токтотуучу жай, автоунаа, жол эрежеси, Кыргызстан
Тема боюнча
Айыпка жыгылып калба! Велосипедчен адам биле жүрчү негизги 8 эреже
Жөнү жок сигнал берип ачууга алдырба. Айдоочулук этикет
Жадыбалдай жатта! Жол кырсыгына кабылган айдоочу көрө турган 5 чара
Бишкекте сот отурумдары онлайн режиминде өтө баштады

Бишкекте сот отурумдары онлайн режиминде өтө баштады. Сүрөт

4
(жаңыланган 19:25 08.07.2020)
Бүгүн Биринчи май райондук соту менен №1 тергөө абагынын ортосунда төрт саатка созулган жараян өткөн.

БИШКЕК, 8-июл. — Sputnik. Жаза аткаруу мамлекеттик кызматынын мекемелеринде сот отурумдары онлайн режиминде өткөрүлүүдө. Бул тууралуу аталган органдын маалымат кызматы кабарлады.

Между Первомайским районным судом и СИЗО-1 Бишкека состоялось судебное заседание в режиме видеоконференц-связи, сообщили в Государственной службе исполнения наказаний
© Фото / ГСИН при ПКР
Жаза аткаруу мамлекеттик кызматынын мекемелеринде сот отурумдары онлайн режиминде өткөрүлүүдө

Билдирүүгө ылайык, бүгүн Бишкектин Биринчи май райондук соту менен Бишкек шаарынын №1 тергөө абагынын ортосунда саат 10:00дөн 14:00гө чейин видеоконференция түрүндө онлайн сот отуруму болду.

Жергиликтүү соттордун ишин өркүндөтүү максатындагы алгачкы кадамдар ташталды

"№1 тергөө абагында жараяндарды өткөрүү үчүн толугу менен жабдылган жана бардык талаптарга ылайыкташкан атайын төрт бөлмө даярдалган. Аймактарды өнүктүрүү, өлкөнү санариптештирүү жана балдарды колдоо жылына карата ЖАМК санариптештирүү иштерин бүтүрдү. ЖАМК бардык мекемелеринде онлайн сот отурумдарын өткөрүүгө даяр", — деп айтылат маалыматта.

Ошондой эле өткөн жылы Талдоо жана мониторинг борбору ачылып, анын жардамы менен ЖАМКтын бардык мекемелери күнү-түнү онлайн режиминде көзөмөлдөнө турганы айтылат.

4
Белгилер:
ЖАМК, абак, онлайн, сот, Бишкек
Тема боюнча
Кесиптик орто окуу жайларга онлайн тапшыруунун жол-жобосу айтылды
Бишкекте чагылгандар. Архив

Жамгыр, добул жана кар жаайт. Кыргызгидромет шашылыш билдирүү таратты

26
(жаңыланган 19:17 08.07.2020)
Синоптиктер жакынкы күндөрү аба ырайы улам өзгөрүлүп турарын айтышты. Бир катар жерлерге мөндүр түшүп, жаан-чачын арбын болот.

БИШКЕК, 8-июл. — Sputnik. Кыргызгидромет 13-июлга чейин аба ырайы кандай болорун айтып, ага кошумча 14-15-июлга да божомол кылды.

Ведомствонун берген маалыматына караганда, 9-11-июлда күндүн көзү бузулуп, жер-жерлерде добул, жамгыр жана мөндүр күтүлөт. Бир катар жерлерде нөшөр болот. Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет. Абанын температурасы бир аз төмөндөйт.

Алдыда аптаптуу ысык болбойбу? Бир жумага карата аба ырайы

Синоптиктер күтүлүп жаткан нөшөрлүү жаан-чачынга байланыштуу республиканын тоолуу жерлеринде жана тоо этектериндеги райондорунда сел жүрүшү мүмкүндүгүн эскертти.

Чүй жана Талас облусу

  • 9-июлда Чүйдүн кээ бир райондоруна жамгыр жааса, тоолуу райондоруна кар түшөт. Талас облусунда күн ачык болот, бирок эртең менен жана күндүз бир катар аймактарына жамгыр, ал эми тоо тарапка кар жаайт.
  • 10-июлдун түнү тоолуу жерлерде добул, жамгыр күтүлсө, бийик тоолуу райондорго кар түшөт. Дыйканчылык аймактарда күн ачык болот. Күндүз көп жерлерде жамгыр, тоо тарапта кар, Чүй облусунун бир катар райондорунда жаан-чачын күтүлөт.
  • 11-июлда кээ бир райондордо күндүн көзү бузулат. Күндүзү жамгыр, добул болуп, бийик тоолуу райондорго кар түшөт.
  • 12-июлдун түнүндө Таластын бир катар аймактарында, Чүйдүн тоолуу райондорунда кыска мезгилге жамгыр төгүп, бийик тоолорго кар түшөт. Чүйдүн дыйканчылык аймактарында күн ачык болот. Күндүз кээ бир аймактарда жамгыр жааса, бийик тоолуу жерлерге кар түшөт.
  • 13-июлда Чүй облусунун тоолуу аймактарында кыска мөөнөткө жамгыр жаайт, тоолуу аймактарга кар түшөт. Таласта жана Чүйдүн дыйканчылык аймактарында күндүн көзү бузулбайт.

Ош, Жалал-Абад жана Баткен облустары

  • 9-июлда кээ бир райондордо жамгыр, добул болсо, бийик тоолуу аймактарга кар түшөт. Эртең менен жана күндүз Ош, Жалал-Абаддын көп жерлеринде, Баткендин бир катар райондорунда добул болуп жамгыр жаайт, бийик тоолуу райондорго кар түшөт.
  • 10-11-июлда бир катар райондордо добул жана жамгыр болуп, бийик тоолуу жерлерде кар жаайт. Тоолуу аймактарга кар түшөт.
  • 12-июлда бир катар райондорго кыска мөөнөткө добул жана жамгыр болуп, бийик тоолуу жерлерде кар жаайт. Өрөөндөрдө күн ачык болот.
  • 13-июлда түнү аба ырайы бузулбайт. Күндүз тоолуу аймактарга кыска мөөнөткө жамгыр жаап, добул болот. Дыйканчылык аймактарда күндүн көзү бузулбайт.

Ысык-Көл облусу

  • 9-июлда көпчүлүк райондордо добул жана жамгыр жаап, ал эми бийик тоолуу райондорго кар түшөт. Кээ бир аймактарда жаан-чачындын арбый турганы кабарланды.
  • 10-11-июлда да ушундай эле аба ырайы күтүлөрүн билдиришти.
  • 12-13-июлда кээ бир райондорго кыска мөөнөткө жамгыр төгүп, бийик тоолуу аймактарга кар түшөт.

Нарын облусу

  • 9-июлда добул болуп, аны жамгыр коштойт. Бийик тоолуу аймактарга кар түшөт.
  • 10-июлда да ушундай эле аба ырайы болорун айтышты.
  • 11-июлда көпчүлүк аймактарда добул болуп, жамгыр жаап, тоолуу райондорго кар түшөт.
  • 12-13-июлда кыска мөөнөткө жамгырды добул коштоп, тоолуу аймактарга кар түшөт.

14-15-июлга карата болжолдуу аба ырайы

14-июлда түндө аба ырайы бузулбайт. Күндүз тоолуу аймактарга кыска мөөнөткө кар жаап, добул болуп, бийик тоолуу жерлерге кар түшөт. Ал эми дыйканчылык аймактарында күн ачык болот.

Июлда мээ кайнаткан ысык болобу? Аба ырайынын келерки айга божомолу

15-июлда түнкүсүн Ысык-Көлдүн кээ бир райондорунда кыска мөөнөткө жамгыр жаап, добул болуп, бийик тоолуу райондорго кар түшөт. Калган аймактарда аба ырайы бузулбайт.

Күндүз Ысык-Көл, Нарын облустарынын кээ бир райондорунда, Чүй, Ош, Жалал-Абад жана Баткен дубандарында кыска мөөнөттүү жамгыр жана добул болуп, ал эми тоолуу аймактарында кар жаайт.

26
Белгилер:
кар, жамгыр, шашылыш билдирүү, аба ырайы, Кыргызстан
Тема боюнча
Элге акысыз кеңеш берген психологдордун борбору түзүлдү. Телефон номерлери