Ачык эшик трансляциясын көрүп жаткан абитуриент. Архив

ЖОЖдордо онлайн-ачык эшик күндөрү качан өткөрүлөт? Тизме

320
(жаңыланган 20:14 27.05.2020)
Кыргызстандагы жогорку окуу жайларга тапшыруу боюнча качан жана кантип маалымат алуу керектигин бул материалдан окусаңыз болот.

Коронавирустун жайылышынан улам түзүлгөн кырдаал абитуриенттердин жашоосуна дагы бир топ таасир этти. Университеттер келечектеги студенттери менен аралыкта иштеп, онлайн иш-чараларды өткөрүүдө. Аларда бүтүрүүчүлөр бардык суроолоруна жооп ала алат. Бүгүн Бишкектин айрым ЖОЖдорунда пландалган иш-чараларды тизмектедик.

Б. Ельцин атындагы Кыргыз-Россия Славян университети онлайн форматындагы ачык эшик күндөрүн 1-5-июнь күндөрү өткөрөт. Түз эфирде кабыл алуу комиссиясынын мүчөлөрү менен факультет декандары кабыл алуу кампаниясы тууралуу айтып берет.

Маалымат берүү күн сайын саат 11:00дө КРСУнун youtube-каналында башталат.

  • 1-июндагы онлайн-диалогго КРСУнун ректору Владимир Нифадьев жана кабыл алуу комиссиясынын мүчөлөрү катышат;
  • 2-июнь — медицина жана табигый-техникалык факультеттери;
  • 3-июнь — юридика жана экономика факультеттери;
  • 4-июнь — эл аралык мамилелер жана гуманитардык факультеттер;
  • 5-июнь — архитектура, дизайн жана курулуш факультети, КРСУ колледжи.

Университетке тапшыруу боюнча бардык маалыматтарды окуу жайдын сайтынан көрүүгө болот.

И. Раззаков атындагы Кыргыз мамлекеттик техникалык университети ачык эшик күнүн 23-майда өткөргөн. Трансляция окуу жайдын сайты жана социалдык тармактагы баракчасы аркылуу көрсөтүлгөн.

Бирок муну менен онлайн-жолугушуулар бүтүп калган жок. Келеркисин ЖОЖдун сайтынан акмалап туруңуздар.

Борбордук Азиядагы Америка университети абитуриенттер үчүн күн сайын онлайн-жолугушууларды өткөрүүдө. Аларды окуу жайдын Facebook жана Instagram тармактарындагы баракчаларынан көрсөңүздөр болот.

Н. Исанов атындагы Кыргыз мамлекеттик курулуш, транспорт жана архитектура университети келечектеги студенттери үчүн онлайн-жолугушууну 30-май күнү саат 15.00дө өткөрө баштайт. Ага Zoom тиркемеси аркылуу кошула аласыз. Кошумча маалыматты университеттин сайтынан алыңыз.

Кыргызстан эл аралык университетинин онлайн-жолугушуусу 1-июнь күнү саат 13:00дө. Маалыматты окуу жайдын сайтынан биле аласыз.

М. Рыскулбеков атындагы Кыргыз экономикалык университети абитуриенттер менен күн сайын Zoom тиркемеси аркылуу жолугушууда. Университет райондук билим берүү башкармалыгы, мектеп директорлору жана ата-энелер менен жолугушуулар тууралуу сүйлөшүп, кийин аларга онлайн-жолугушууга кошулуу шилтемесин беришет. Жума сайын 30-40 жолугушуу өтүп жатат. Кошумча маалыматты ЖОЖдун сайтынан алыңыз.

"Ала-Тоо" эл аралык университети маал-маалы менен жолугушууларды өткөрүп жатат. Анын социалдык тармактагы баракчасы жана сайты аркылуу маалымат алып туруңуз. Ачык эшиктер күнү июль айынын башына пландалган.

"Адам" университети (Бишкек финансы-экономикалык академиясы) өзүнүн социалдык тармактардагы баракчалары аркылуу бүтүрүүчүлөрү катышкан түз эфирлерди көрсөтүп турат. Ачык эшиктер күнү июнь айынын ичинде өткөрүлөт.

Кыргыз Республикасынын президентине караштуу башкаруу академиясы, И. Ахунбаев атындагы Кыргыз мамлекеттик медицина академиясы, Скрябин атындагы Кыргыз улуттук агрардык университети ачык эшик күнүн өткөрүүнү пландоодо, бирок датасы белгилене элек. Андыктан КУАУ, КММА жана КРПКБА сайттарын акмалап туруңуз.

Кыргыз мамлекеттик юридикалык академиясы (КМЮА) жана И. Арабаев атындагы Кыргыз мамлекеттик университети (КМУ) ачык эшик күндөрүн өткөргөн. Ошондой эле Ж. Баласагын атындагы Кыргыз улуттук университети (КУУ) кесип тандоого байланыштуу материал даярдаган.

320
Белгилер:
абитуриент, маалымат, сайт, ЖОЖ, Кыргызстан
Тема боюнча
Студенттер дипломдук ишин онлайн жактап, кээ бир экзамендер күзгө калат
Министрлик: ЖОЖдор абитуриенттерди 20-июлдан тарта кабыл алат
СССРдин ат оюндары боюнча эмгек сиңирген спорт чебери, Кыргызстанда туулган Александр Блинов. Архив

Олимпиада-80 чемпиону, КРде туулган Александр Блинов көз жумду

82
(жаңыланган 21:54 05.03.2021)
Блинов 1980-жылы өткөн Олимпиада оюндарында командалык үч таймашта алтын жана жеке үч таймашта күмүш медалдын ээси болгон.

БИШКЕК, 5-мар. — Sputnik. 67 жаш курагында СССРдин ат оюндары боюнча эмгек сиңирген спорт чебери, Кыргызстанда туулган Александр Блинов каза болду. Бул тууралуу Жаштар иши, дене тарбия жана спорт агенттигинин маалымат кызматы кабарлады.

Муфтийдин милдетин аткаруучу, белгилүү дин аалымы Кадыр Маликов. Архив
© Sputnik / Табылды Кадырбеков
Блинов 1980-жылы өткөн Олимпиада оюндарында командалык үч таймашта алтын жана жеке үч таймашта күмүш медалдын ээси болгон.

Спортчуну акыркы сапарга узатуу зыйнаты 6-мартта Москвада өтөт. Блинов 1954-жылы 19-августта Фрунзе шаарында туулган.

Анын Москвадагы Олимпиада оюндарында жетишкен ийгиликтери боюнча Sputnik Кыргызстан агенттиги даярдаган материалдан окуй аласыздар.

82
Белгилер:
өлүм, спортчу, олимпиада
Тема боюнча
Эми башка Жамал жаралбайт. Элдин Сейдакматова менен коштошкон видеосу
Экс-министр Шайлообек Ниязов каза болду
Туман учурунда электр зымдары. Архив

Ишембиге карата аба ырайы

264
(жаңыланган 21:30 05.03.2021)
6-мартка караган түнү жаап өткөн жана күтүлүп жаткан жаан-чачынга байланыштуу өлкөнүн тоолуу райондорунда кар көчкү түшүү коркунучу бар.

БИШКЕК, 5-мар. — Sputnik. Ишембиде күндүз республика боюнча жаан-чачын күтүлбөйт. Кээ бир райондордо туман түшөт. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет билдирди.

Жолдорго муз тонуп, тайгак болот. Унаалардын ортосундагы 500 метр аралык кыймыл чектелиши зарыл.

Абанын температурасы Чүй, Талас облустарында +10…+15, Ош, Жалал-Абад, Баткен аймактарында +11…+16, Ысык-Көлдө +4…+9, Нарын өрөөнүндө +1…+6 градус болот.

Күндүн табы Бишкекте +13…+15, Ош шаарында +14…+16 градусту көрсөтөт.

264
Белгилер:
Кыргызстан, март, аба ырайы
Тема боюнча
Ысык-Көлдө кыйраган 37 млн. сомдук тик учак. Ми-8 кантип кырсыктаган
Өкмөттүн Талас облусундагы ыйгарым укуктуу өкүлү Айбек Бузурманкулов. Архив

Таласты 5 ай башкарды. Айбек Бузурманкулов кызматтан кетти

0
(жаңыланган 23:05 05.03.2021)
Бузурманкулов Таласка жетекчи болуп 2020-жылдын октябрь айында 5-6-октябрдагы окуялардан кийин келген.

БИШКЕК, 5-мар. — Sputnik. Айбек Бузурманкулов өкмөттүн Талас облусундагы ыйгарым укуктуу өкүлү кызматынан бошотулду. Бул тууралуу өкмөттүн маалымат кызматы кабарлады.

Ага ылайык, Бузурманкулов ээлеген ордунан башка ишке өткөндүгүнө байланыштуу кеткен.

Тиешелүү буйрукка премьер-министр Улукбек Марипов кол койгон.

Эске салсак, Бузурманкулов Таласка жетекчи болуп 2020-жылдын октябрь айында 5-6-октябрдагы окуялардан кийин келген

0
Белгилер:
Айбек Бузурманкулов, ыйгарым укуктуу өкүл, Талас, кызмат
Тема боюнча
Жапыкеев башында турган Финпол жоюлду
"Кыргыз алтынга" жаңы жетекчи дайындалды