Сууга түшүп жаткан балдар. Архив

Сууга түшөрдө баланын жанынан карыш жылбаңыз! ӨКМдин ата-энелерге эскертүүсү

Эгер адам сууга чөгө баштаса, өзүн жоготпой, дүрбөлөңгө түшпөй, тынч кармаса өзүн-өзү сактап калуусу мүмкүн. Кескин кыймыл жасабоо керек, анткени суу оозго, өпкөгө тез толуп, буттун тарамыштары түйүлүп калат.

БИШКЕК, 28-май — Sputnik. Өзгөчө кырдаалдар министрлиги сууга түшүүдө киши эмнени эске алыш керектигин санап берип, ата-энелерге балдарды кароосуз калтырбагыла деп катуу эскертти.

Сууга түшүү эрежелери:

  • Агын сууларга, көлмөлөргө сууга түшүүгө тыюу салынат;
  • Сууга чоңдордун көзөмөлүндө гана түшүү керек;
  • Мурда көрүп-билбеген, балыры көп, алыс жерлерге чейин барууга болбойт;
  • Мас болуп сууга түшкөнгө болбойт;
  • Баланы суу боюнда кароосуз калтырбагыла;
  • Кайык, моторлуу кайыктын артынан кубалап, асылууга, жабышууга болбойт;
  • Күн бүркөктө же катуу шамал башталганда сууга түшүүдөн абайлагыла;
  • Үйлөмө матрац, жаздыкча, дөңгөлөктүн камерасында сүзүүгө болбойт. Ал жарылып кетсе, адам терең жерге түшүп кетүүсү ыктымал;

Көпүрө, тосмо, кеме токтоочу жай, кайыктан жана катерлерден сууга секирүүгө болбойт.

Сууда сүзгөндү билбегендер үчүн кеңештер

"Сууга чөгө баштаганда өзүн жоготпой, дүрбөлөңгө түшпөй, тынч кармаса адамдын өзүн-өзү сактап калуусу мүмкүн. Кескин кыймыл жасабоо керек, анткени суу оозго, өпкөгө тез толуп, буттун тарамыштары түйүлүп калат. Терең дем алып, абаны өпкөдө 30 секунддай кармоого аракет кылса натыйжалуу болот", — деп айтылат маалыматта.

Куткаруучулар көлгө түшкөндө алыс жакка сүзүп кетпөөнү, тамакка тоюп алып сууга түшпөөнү да эскертишти.

Белгилер:
кеңеш, суу, куткаруучулар, ӨКМ
Тема боюнча
Ошто Папан суу сактагычынан 22 жаштагы жигиттин сөөгү табылды
Өкмөт үйүнүн алдында митингге чыккан медиктер

Марипов митингге чыккан медиктерге компенсация төлөөгө акча тапканын айтты

(жаңыланган 13:16 23.04.2021)
Өкмөт башчы медиктерге бардык документтерин чогултуп, кайрадан комиссияга тапшырууну сунуштады.

БИШКЕК, 23-апр. — Sputnik. Пандемияда иштеген медицина кызматкерлерине компенсация төлөө үчүн 200 миллион сом бөлүнөт. Бул тууралуу премьер-министр Улукбек Марипов Facebook баракчасы аркылуу түз эфирде маалымдады.

Ал медиктердин компенсация талап кылып митингге чыгышын өкмөт туура кабыл алганын белгиледи.

"Урматтуу медицина кызматкерлери, сиздер адам өмүрү менен алышып жүрүп, өзүңүздөр дагы ооруп калып жатасыздар. Ошондуктан бардык документтериңизди чогултуп, кайрадан комиссияга тапшырыңыздар. Бул маселе чечилет. Былтыр кандай абалда калганыбызды билебиз. Эң биринчи Кудайдын, андан кийин дарыгерлердин көзүн караганбыз. Азыр компенсация албай калган медиктердин маселесин чечүү боюнча бизге президент тапшырма берди. Жакынкы күндөрү бюджеттен 200 миллион сом бөлүү боюнча чечимди даярдап жатабыз", — деди өкмөт башчы.

Митингтеги болгон медицина кызматкерлер биринчи вице-премьер Артем Новиков менен
© Пресс-служба правительства / Алишер Алиев
Ошондой эле Марипов кыргызстандыктарга өлкөдөгү эпидемиологиялык абал кескин начарлап жатканын эскертип, санитардык эрежелерди сактоого чакырды.

Белгилей кетсек, 16-апрель күнү ондогон медицина кызматкери Ак үйдүн жана Өкмөт үйүнүн жанында акция өткөрүшкөн. Алар буга чейин кенемте төлөө жана маянаны жогорулатуу боюнча бийликтин убадаларынын аткарылышын талап кылган. Митингчилерди биринчи вице-премьер Артём Новиков кабыл алган болчу.

Белгилер:
өкмөт, төлөө, компенсация, медик, митинг, Улукбек Марипов
Тема боюнча
Кыргыз бийлиги COVID менен күрөшүүгө 2,4 млрд. сом камдап жатат
Бишкек мэриясынын имараты. Архив

Маршрутка айдоочулары иш таштайт деген маалымат боюнча мэрия үн катты

(жаңыланган 13:18 23.04.2021)
Муниципалитеттен билдиришкендей, учурда коомдук транспорттун жол кире маселеси каралып жатат.

БИШКЕК, 23-апр. — Sputnik. Бишкек шаарынын мэриясы коомдук транспорттун жол киресин этап-этабы менен көтөрүү маселеси боюнча иштеп жатат. Бул тууралуу муниципалитеттин маалымат кызматынан билдиришти.

"Мыйзам боюнча тарифти өзгөртүү боюнча чечимди Бишкек шаардык кеңеши кабыл алат. Мэрия маселенин бардык күңгөй-тескейин карап, экспертизаларды жүргүзүп бүткөн соң шаардык кеңешке сунуш киргизет. Мэрдин буйругу менен бул маселе боюнча иштөө үчүн жумушчу топ түзүлгөн. Алар тиешелүү иштерди жасап жатат", — деп айтылат билдирүүдө.

Мындан тышкары, мэрия айдоочуларга кайрылып, алардын абалын түшүнүп, мыйзам чегинде бардык аракеттерди көрүп жатканын, бул учурда коомдук транспорттун иши үзгүлтүккө учурабашы керектигин билдирди.

Буга чейин интернетте айдоочулар 3-май күнү ишке чыкпай, жол кирени көтөрүүнү талап кылышат деген маалыматтар тараган эле.

Мындан улам Sputnik редакциясынын кабарчысы "Альянс бус" жүргүнчү ташуучулар ассоциациясынын төрагасы Григорий Николаидиге кайрылып, бул маалыматтын чын-төгүнөн сураган. Ал жүргүнчү ташуучулар иш таштоону пландабаганын айтып, маселенин мыйзамдуу түрдө чечилишин күтүп жатканын кошумчалаган.

Белгилер:
жол кире, айдоочу, коомдук транспорт, Бишкек мэриясы
Тема боюнча
Бишкектеги маршрутка айдоочулары күнүнө канча акча табат? Видео
Маршрутка 5 автоунааны сүзүп алды. Бишкектеги ири жол кырсыгынын видеосу