Кош бойлуу аял. Архив

Нарында 22 аялдын төрөт бөлүмдүн эшигин талкалап чыгып кетиши боюнча иш козголду

365
(жаңыланган 17:53 28.05.2020)
Буга чейин аталган оорукананын төрөт бөлүмүндө массалык жуктуруу болуп, коронавирус кош бойлуу жана жаңы төрөгөн келиндерден чыккан.

БИШКЕК, 28-май — Sputnik. Нарындагы облустук бириккен ооруканасында төрөт бөлүмүнүн эшигинин кулпусун талкалап чыгып кеткен 22 аял боюнча эки кылмыш иши козголду. Бул тууралуу Нарын ОИИБ башчысынын милдетин убактылуу аткарып жаткан Сапар Аманкулов маалымдады.

Эске салсак, аталган оорукананын төрөт бөлүмүндө массалык жуктуруу катталып, коронавирус кош бойлуу жана жаңы төрөгөн келиндерден чыккан.

"Кылмыш-жаза кодексинин 180-беренесинин негизинде эки иш козголду. Төрөт бөлүмүндө коронавирус кандайча жайылып кеткендиги боюнча териштирүү жүрүп жатат. Дарыгерлердин шалаакылыгыбы же жаңы төрөгөн келиндер атайылап качып чыгышканбы, тергөө амалдары жыйынтыкталгандан кийин билинет. Ким күнөөлүү болсо мыйзам чегинде жазаланат", — деди Аманкулов.

Анын айтымында, төрөт бөлүмүнө бараткан жолдо пост болгон. Аялдар ошол жерде турган милиция кызматкерлерине баш ийбей чыгып кеткендиктен, ыкчам бөлүккө маалымат берилген.

"Дароо блокпосттор жабылып, Ат-Башыга кетчүлөр гана чыгып кетип, калганы чыга албай калгандыктан, ооруканага өздөрү кайтып келишкен", — деди Аманкулов.

Буга чейин Нарын облустук төрөт бөлүмүндө обсервацияда жаткан 22 аял дарыгерлердин туура эмес маалыматы менен ал жактан чыгып, кайра жаткырылганы айтылган. Алдын ала маалымат боюнча, 25-майда дарыгерлер обсервацияда жаткандарды эртерээк чыгарып жиберишкен. Тагыраагы, алардын экинчи анализинин жыйынтыгы чыга элек болчу.

28-майга карата Нарын облусу боюнча коронавирус жуктурган жалпы 310 учур катталган. Анын ичинен Нарын шаарында 175, Ат-Башы районунда 78, Кочкор районунда 11, Жумгал районунда 14, Ак-Талаа районунда 19, Нарын районунда 13 адам бар.

365
Белгилер:
кылмыш иши, төрөткана, коронавирус, Нарын облусу
Тема:
Коронавируска байланыштуу Кыргызстандагы кырдаал (2258)
Тема боюнча
Иштебей койдуңар! Нарындагы COVID боюнча жетекчилердин жоопкерчилиги каралууда
Нарын облустук ооруканасы курчалып, төрт бөлүмү жабылды
Ымыркайлар, медиктер... Ош шаарында 35 адамдын вирусту кайдан жуктурганы айтылды
COVID-19га каршы россиялык Спутник V вакцинасы. Архив

Россиялык вакцинанын алгачкылары Беларуска келе баштады

5
(жаңыланган 21:15 28.09.2020)
Клиникалык изилдөөлөр Беларустун сегиз медициналык мекемесинде жасала тургандыгы айтылды. Эмдөө 1-октябрда башталмакчы.

БИШКЕК, 28-сен. — Sputnik. COVID-19га каршы россиялык "Спутник V" вакцинасынын биринчи партиясы Беларуска алып келинди. Бул тууралуу Түз инвестициялар боюнча россиялык фонд билдирди.

Фонд бул азырынча дүйнө боюнча катталган бирден бир вакцина экендигин айтты. Аны клиникалык изилдөө жасоо үчүн Россиянын жер-жерлерине жеткиришкен, эми бул процедураларга Беларусь кошулду. Ал препаратты алган биринчи чет мамлекет болуп калды.

Клиникалык изилдөөлөрдүн Беларустун сегиз медициналык мекемесинде жасала тургандыгы айтылды. Ыктыярчыларды эмдөө 1-октябрда башталмакчы. Фонд 100 киши катышкан Беларустагы клиникалык изилдөөнү каржылап бермекчи.

Путин менен жолуккан Жээнбеков: россиялык вакцина КРге жетет деп үмүттөнөм

Фонддон мындай иш-чараны Бразилия, Индия, Сауд Аравиясы, Египет жана Бириккен Араб Эмирлигинде жүргүзүү пландалып жаткандыгын айтышты.

Вакцина суроо-талап жаралып, КМШнын, Европаны, Азияны, Жакынкы Чыгышты жана Латын Америкасын кошкондо 50 мамлекеттен арыз түшкөн.

Буга чейин аталган фонд макулдашуунун негизинде өнөктөштөр менен сүйлөшүү жүргүзүлүп, Мексикага 32 миң, Бразилияга 50 миллион, Индияга 100 миллион, Өзбекстанга 35 миллион доза берилерин айткан эле.

5
Белгилер:
Россия, вакцина, Беларусь
Тема:
Дүйнөгө жайылган коронавирус
Тема боюнча
COVID-19га каршы россиялык вакцина КМШга берилет
Чу дарыясы. Архивдик сүрөт

Шейшембиге карата аба ырайы

3
(жаңыланган 21:01 28.09.2020)
Шейшембиге караган түнү Ысык-Көл, Ош, Баткен облустарынын тоо этектеринде жамгыр, тоолуу райондорунда кар жаашы күтүлөт.

БИШКЕК, 28-сен. — Sputnik. Шейшемби күнү, 29-сентябрда, күндүз Баткен облусунун кээ бир райондорунда, Ош, Жалал-Абад облустарынын тоо этектеринде жаан жаап, тоолуу райондорунда кар түшөт. Ал эми өрөөндөрүндө жаан-чачын күтүлбөйт. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрге жетет.

Кар жаап, суук түшөбү? Бир жумага карата аба ырайы

Абанын температурасы Чүйдө +15...+20, Талас, Нарын жана Ысык-Көл аймактарында +14...+19, Ош, Жалал-Абад, Баткен облустарында +16...+21 градус болору айтылды.

Күндүн табы борбор калаабыз Бишкекте +18...+20, Ош шаарында +19...+21 градус жылыйт.

3
Белгилер:
Кыргызстан, аба ырайы
Тема боюнча
Кыштын илеби жакындап... Октябрь айына карата аба ырайы