Жалал-Абад облусунун Сары-Челек көлү. Архив

10 объектини кыдырсаң, ардактуу турист болосуң! Өлкөдөгү өзгөчө сынак

159
(жаңыланган 15:34 29.05.2020)
Конкурска катышчулар министрлик көрсөткөн 10 объектиге барып, алардын жанынан сүрөткө түшүп, аны ведомствонун электрондук дарегине же "Уникалдуу Кыргызстан" хэштеги менен соцтармакка жүктөшү керек.

БИШКЕК, 29-май — Sputnik. Өлкөдө ички туризмди өнүктүрүү максатында кыргызстандыктарга өзгөчө сынак жарыяланды. Бул тууралуу маданият, маалымат жана туризм министри Азамат Жаманкулов брифинг учурунда билдирди.

Анын айтымында, өлкөдөгү тарыхый, жаратылышы кооз 10 объектини кыдырган жарандарга "Ардактуу турист" деген наам ыйгарылат.

Сынакка катышуу үчүн жарандар төмөнкү 10 жерге барышы керек:

  • "Бурана" комплекси;
  • "Өзгөн" мунарасы
  • "Таш-Рабат" тарыхый комплекси;
  • "Сары-Челек" коругу;
  • "Манас" күмбөзү;
  • Сан-Таш;
  • "Сказка" каньону;
  • "Арстанбап" жаңгак токою;
  • Сулайман-Тоо;
  • "Шах-Фазиль" комплекси.
"Бул комплексти кыдырып келгендер "Ардактуу турист" наамына ээ болот. Алар аталган объектилерге барып жанынан сүрөткө түшүп, министрликтин электрондук дарегине же "Уникалдуу Кыргызстан" хэштеги менен соцтармакка жүктөшү керек", — деди Жаманкулов.

Министр бул сынак быйыл эле эмес, жыл сайын уюштурулуп турарын кошумчалады.

159
Белгилер:
туризм, жаратылыш, сынак, Кыргызстан
Тема боюнча
Өкмөт: музей кызматкерлеринин эмгек акысы 80%га көбөйдү
1-июндан баштап иштечү тармактардын тизмеси айтылды
Дарыгерлер. Архив

Акысын төлөп беребиз! Ош шаары медиктерди жардамга чакырууда

16
(жаңыланган 22:11 04.07.2020)
Дарыгерлер дээрлик төрт айдан бери күчөтүлгөн режимде иштеп, айрымдары ооруп калгандыктан адистер тартыш болууда.

БИШКЕК, 4-июл. — Sputnik. Ош шаарында COVID-19 инфекциясына байланыштуу абал оорлоп бараткандыгынан улам ыктыярчы дарыгерлерди жардамга чакырабыз. Мындай билдирүү менен калаа мэриясы ак халатчандарга кайрылды.

Маалыматта март айынан бери медицина кызматкерлери, эпидемиологдор күчөтүлгөн режимде иштеп, айрымдары оору жугузуп алгандыктан медиктер тартыш болуп жатканы айтылат.

Азайбай койду. Дагы 71 медицина кызматкери коронавирус жуктуруп алды

"Биз кайдыгер эмес жогорку, орто билимдүү жана тажрыйбасы бар медицина кызматкерлерин, ординаторлордун жардамга келишин өтүнөбүз", — деп жазылат кайрылууда.

Өз ыктыяры менен иштөөнү каалаган адистер Ош шаардык ооруканасы менен келишим түзүп, айлык акысы төлөнөт.

Байланыш телефондору: (0772) 45 49 49, (0550) 29 26 24

16
Белгилер:
оорукана, медик, жардам, Ош мэриясы, Ош
Тема:
Коронавируска байланыштуу Кыргызстандагы кырдаал
Тема боюнча
Колдоп-коштоп... Баткенден 20 ак халатчан Бишкекке жөнөп кетти. Сүрөт
Кырдаал оор экен. Россиялык эксперттер ооруканаларга барып, КРдеги абалга баа берди
Ош эл аралык аэропорту. Архив

Ошко Москва шаарынан 148 кыргызстандык учуп келди

11
(жаңыланган 22:28 04.07.2020)
Келгендердин арасында төрөтү жакындап калган кош бойлуулар жана 2 жашка чейинки жаш баласы бар аялдар бар.

БИШКЕК, 4-июл. — Sputnik. "Ош" эл аралык аэропортуна бүгүн Москва-Ош каттамы менен 148 кыргызстандык жаран кайтып келди. Бул тууралуу Республикалык штабдан кабарлашты.

Алар "Авиатрафик Компани" авиакомпаниясынын чартердик рейси менен келип түштү.

"Келгендер төрөтү жакындап калган кош бойлуу жана 2 жашка чейинки жаш баласы бар аялдар. Андан сырткары оор илдети бар жана жакын туугандары каза болгондугунан улам мекенине чукул түрдө кайтышы зарыл болгон жарандар", — деп айтылган маалыматта.

Бүгүн Түркиядан 237 кыргызстандык мекенине алып келинди

Кыргызстанга келүүнү каалаган жарандардын саны көп болгондугуна байланыштуу, бул каттамдагы жүргүнчүлөрдүн тизмеси кыргыз диаспорасынын өкүлдөрүнөн, Москванын Кыргыз медициналык клиникасынан жана Россиядагы Кыргызстандын элчилигинин кызматкерлеринен турган комиссия тарабынан түзүлгөн.

Маалыматта чет мамлекеттерде жүргөн Кыргызстандын жарандарын мекенине кайтарууну уюштуруу иштери улантылары айтылган.

Өлкө аймагындагы соңку кабарлар менен биздин Telegram-каналдан таанышып туруңуз.

11
Белгилер:
пандемия, коронавирус, Россия, Кыргызстан
Тема боюнча
ТИМ Кытайдан келе албай жаткан кыргызстандыктар боюнча үн катты
Боронов: Россияда иштеген кыргыз дарыгерлер жардамга даяр, учак менен алып келебиз