Сынган унаанын салону. Архив

Автоунаа ойдуңга 20 метрдей кулаган. Ала-Белдеги кырсыктын чоо-жайы

549
(жаңыланган 00:06 30.05.2020)
Кырсыкка кабылган автоунаада жалпы беш адам болгон. Экөөсү ооруканага түшкөн. Калган үчөөнүн абалы жакшы дешти.

ОШ, 29-май – Sputnik. Жалал-Абад облусунун Токтогул районунун аймагында Honda Stepwgn автокөлүгү белден тик ылдый кулап, эки адам ооруканага түштү. Бул тууралуу Жалал-Абад ОИИБдин Жол кыймылынын коопсуздугун көзөмөлдөө бөлүмүнүн инспектору Айбек Сатыбалдиев Sputnik Кыргызстан агенттигине билдирди.

Анын айтымында, окуя бүгүн, 29-май күнү, саат 16:30дар чамасында катталган.

Буга чейин аталган кырсыктын видеосу интернет айдыңга тарап, милиция жүргүнчүлөрдүн абалын тактап жатканы айтылган.

Аксы районунун жашоочусу өзүнө таандык Honda Stepwgn автоунаасы менен Бишкек шаарын көздөй бара жаткан.

Ош–Бишкек жолунда болгон жол кырсыктын кесепети
© Фото / пресс-служба УОБДД Джалал-Абадской области
Бишкек-Ош жолунун 219-чакырымында автокөлүк белден ойдуңду көздөй 15-20 метр аралыкка кулап түшкөн.

Кырсыктын кесепетинен айдоочу жана бир жүргүнчү жаракат алып, Токтогул райондук аймактык ооруканасына жеткирилген.

Милициянын маалыматына караганда, калган үч жүргүнчүнүн абалы жакшы болгондуктан башка автоунаа менен Бишкекти көздөй жол тарткан.

Токтогул райондук ички иштер башкармалыгынын ыкчам-тергөө тобу окуя болгон жерге барып, кароо жүргүзгөн. Учурда кырсыктын келип чыгуу себеби териштирилип жатат.

"Айдоочу автоунаасы менен ойдуңду көздөй кулаганда өзүн жоготпой, рулду туура башкаргандыктан бир аңтарылып, токтоп калган", — деди Сатыбалдиев.

Ооруканага түшкөн эки жаран учурда дарыланып жатат. Абалы орто экени кабарланды.

549
Белгилер:
жүргүнчү, оорукана, Токтогул, кырсык, унаа
Тема:
2020-жылдын башынан бери Кыргызстанда болгон жол кырсыктар (166)
Тема боюнча
Бишкекте автоунаа аласалып кетип, беш киши жабыркады. Видео
Тоолуу Маевка айылына жакын унаа жолу

Шейшембиге карата аба ырайы

12
(жаңыланган 21:11 06.07.2020)
Түнкүсүн Ысык-Көл облусунун кээ бир райондорунда жаан жаап, күн күркүрөйт. Бийик тоолуу өрөөндөргө кар түшөт.

БИШКЕК, 6-июл. — Sputnik. 7-июль, шейшемби күнү, өлкө аймагы боюнча күн ачык болот. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрге дейре жетет.

Абанын температурасы Чүйдө+28…+33, Таласта +26…+31, Ош, Баткен жана Жалал-Абад облустарында +30…+35 жана Ысык-Көл менен Нарын жергесинде +22…+27 градус жылуу болот.

Ал эми Бишкек шаарында күндүн табы +30…+32, Ош калаасында +33…+35 градуска дейре көтөрүлсө, Чолпон-Атада термометрдин көрсөткүчү +23…+25 градуска чейин жетет.

12
Белгилер:
аба ырайы, Кыргызстан
Тема боюнча
Алдыда аптаптуу ысык болбойбу? Бир жумага карата аба ырайы
Почтада посылкалар. Архив

Бишкекте почта түйүндөрү бир жума иштебейт

52
(жаңыланган 20:03 06.07.2020)
Бишкек шаарындагы почталар 13-июлдан тарта иштеп баштайт. Ушул эле күнү социалдык төлөмдөрдү жеткирүү да башталат.

БИШКЕК, 6-июл. — Sputnik. "Кыргыз почтасы" ишканасынын Бишкектеги бөлүмдөрү калаада вирустук инфекцияны жайылтып жиберүүнүн алдын алуу максатында 7-13-июль күндөрү профилактика иштерине жабылат. Бул тууралуу мэриянын маалымат кызматынан кабарлашты.

"Абалдын кескин курчуп кетишинен улам аталган ишкананын филиалы болгон "Бишкек почтамт" бир апта бою өз бөлүмдөрүндө санитардык-эпидемиологиялык коопсуздукту камсыздоо боюнча иш-чараларды өткөрөт", —  деп айтылат таратылган кабарда.

Каттоо кызматынын Архив агенттиги карантинге жабылды

Ал эми 13-июлдан тарта Бишкек шаарындагы почталар иштеп, ушул эле күнү социалдык төлөмдөрдү жеткирүү да башталат.

"Кыргыз почтасы" мамлекеттик ишканасы почта түйүндөрүндө төмөнкү эрежелерди сактоону өтүнөт:

  • Почта бөлүмүнүн имаратынын ичине аз сандагы кишилер кириши керек жана 1,5 метр бири-биринен обочо турушу шарт. Калгандары коопсуздук үчүн көчөдө күтүп турат;
  • Бөлүмдө жана анын жанында жарандар 1,5 метрлик аралыкты сактап турушу керек;
  • Почтага кирер алдында бет кап кийгенди унутпагыла. Эгерде ансыз келсеңиз, ичине кире албайсыз;
  • "Кыргыз почтасы" ишканасы азыркы абалдан улам бардык түйүндөрүндө келгендерге ыңгайлуу жана коопсуз шарт түзүп бергенге аракет кылат.
52
Белгилер:
почта, коронавирус, эпидемия, Бишкек, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Кыйын кырдаалдан кантип чыгабыз? Жээнбеков берген тапшырмалардын тизмеси