Типографияда гезит чыгаруу. Архивдик сүрөт

Аймактык гезиттер кайрадан чыга баштайт

65
Облустук гезиттер өзүн-өзү каржылоого жетишүү үчүн бир канча ченемдик-укуктук актылар олуттуу өзгөртүлүшү керек. Ал эми азыр буга бюджеттен акча бөлүнмөкчү.

БИШКЕК, 31-май — Sputnik. Облустук гезиттер 2020-жылдын 1-июлунан тарта кайрадан бюджеттен каржыланып чыгарыла баштайт. Бул тууралуу маданият, маалымат жана туризм министринин орун басары Нуржигит Кадырбеков облустук медиаборборлордун башкы директорлорунун катышуусундагы онлайн конференцияда билдирди.

Анын айтымында, облустук гезиттерди чыгаруу 2020-жылдын март айынан баштап, республикада COVID-19 инфекциясына байланыштуу өзгөчө кырдаал режиминин киргизилишинен улам убактылуу токтотулган. Буга чейин элди так жана оперативдүү маалымат менен камсыздоо максатында медиаборборлордун телеканалдарынын эфирдик сеткасына өзгөртүүлөр киргизилип, автордук берүүлөрдүн саны кыскартылып, маалыматтык программалардын эфирдик убактылары кеңейтилген болчу.

Видеоконференцияда белгиленгендей, облустук гезиттер өзүн-өзү каржылоого жетишүүсү үчүн Бюджет кодекси баштаган бир канча ченемдик-укуктук актылар олуттуу өзгөртүүлөргө муктаж.

Онлайн жыйында министрдин орун басары жетекчилерге гезиттин мазмуну жана сапатын жакшыртуу, нускасын көбөйтүү аракеттерин көрүү ишин тапшырды.

Буга чейин жарандарды так жана оперативдүү маалымат менен камсыздоо иштеринде медиаборборлордун телеканалдарынын эфирдик сеткасына өзгөртүүлөр киргизилип, автордук берүүлөрдүн саны кыскартылып, маалыматтык программалардын эфирдик убактылары кеңейтилген.

65
Белгилер:
гезит, Маданият министрлиги, Нуржигит Кадырбеков
Тема боюнча
Ибрагимов: медиа борборлор райондук гезиттердин жабылышын шарттабайт
Крандан суу алып жаткан кыз. Архив

30-сентябрда Бишкектин чок ортосунда бир күн бою суу токтотулат. Карта

13
Бир аптадан кийин суу тосмону оңдоо пландалууда. Бишкек шаарынын бийлиги бул ыңгайсыздык үчүн шаар тургундарынан кечирим сурайт.

БИШКЕК, 23-сен. — Sputnik. Бишкектин чок ортосунда 30-сентябрда эртең мененки саат 09:00дөн кечки саат 21:00гө чейин таза суу болбойт. Бул тууралуу мэриянын маалымат кызматы билдирди.

Суу "Тоголок Молдо" тосмосунда жүргүзүлүүчү оңдоо иштерине байланыштуу токтотулат.

Ошондой эле Панфилов, Фрунзе, Манас проспекти жана темир жол линиясы менен чектелген аймактарда дагы болбойт.

Шаар бийлиги убактылуу ыңгайсыздык үчүн кечирим сурап, аталган аймакта жашаган тургундарды жана мекеме-ишканаларды ичүүчү сууну камдап алууга чакырат.

13
Белгилер:
Бишкек, таза суу, өчүрүү, оңдоо, карта
Тема боюнча
Суук эрте түшөбү? Октябрь айына карата аба ырайы
Президенттин администрациясынын жарандык коомдун институттары менен өз ара аракеттенүү, дин иштери жана этностор аралык мамилелер бөлүмүнүн башчысы Кудайберген Базарбаев. Архив

КР президентинин администрация өкүлү: интернационализмге шарт түзөлү

22
(жаңыланган 14:37 23.09.2021)
Кудайберген Базарбаев Бишкекте жакынкы чет өлкөлөрдөгү россиялыктар уюштурган аймактык жаштар конференциясына катышып, элди тилектештикке чакырды.

БИШКЕК, 23-сен. — Sputnik. Президенттин администрациясынын жарандык коомдун институттары менен өз ара аракеттенүү, дин иштери жана этностор аралык мамилелер бөлүмүнүн башчысы Кудайберген Базарбаев интернационализмге шарт түзүп берүүгө чакырды.

Ал Бишкекте акынкы чет өлкөлөрдөгү россиялыктар уюштурган аймактык жаштар конференциясында сөз сүйлөдү.

"Мындай иш-чаралар өтө пайдалуу. Башка улуттагы мекендештердин кызыкчылыгын коргоп гана тим болбой, аларга эч кандай тоскоолдук жаралбагыдай шарттарды түзүп берүүгө аракет кылалы. Башкысы, интернационализм, достук, тилектештикти күчөтүүгө жан үрөйлү", — деди Базарбаев.

Анын айтымында, дал ушул нерселер бизге чейинки муунга күч берип, алар бири-бирин дос жана бир туугандай кабыл алышкан.

22
Белгилер:
Кыргызстан, Россия, ынтымак
Тема боюнча
Россиянын элчиси мекендештери менен тыгыз иштешкен кыргыз бийлигин үлгү кылды