Айлана-чөйрөнү коргоо жана токой чарба агенттигинин башчысы Мирслав Аманкулов Нарындын Жумгал районунун токой чарбасын көрүп жатат

Жумгалдын токойлоруна өсүмдүктүн түрүн өстүрүү тапшырмасы берилди. Сүрөт

Жумгалдын токой чарбасынын жалпы аянты 97,8 миң гектарды түзөт. Питомниктерде токой жана жемиш өсүмдүктөрүнүн жыйырмадан ашык түрү өстүрүлүп жатат.

БИШКЕК, 3-июн. — Sputnik. Айлана-чөйрөнү коргоо жана токой чарба агенттигинин башчысы Мирслав Аманкулов Нарындын Жумгал районунун токой чарбасын барып көрүп, питомниктердин жана көчөттөрдүн абалы менен таанышты. Бул тууралуу аталган агенттиктин маалымат кызматы билдирди.

  • Директор Государственного агентства охраны окружающей среды и лесного хозяйства при Правительстве КР (ГАООС и ЛХ) Мирслав Аманкулов совершает рабочую поездку по Нарынской области. 02 июня 2020 года
    Айлана-чөйрөнү коргоо жана токой чарба агенттигинин башчысы Мирслав Аманкулов Нарындын Жумгал районунун токой чарбасын барып көрүп, питомниктердин жана көчөттөрдүн абалы менен таанышты
    © Фото / Пресс-служба ГАООС и ЛХ
  • Директор Государственного агентства охраны окружающей среды и лесного хозяйства при Правительстве КР (ГАООС и ЛХ) Мирслав Аманкулов совершает рабочую поездку по Нарынской области. 02 июня 2020 года
    Бул тууралуу аталган агенттиктин маалымат кызматы билдирди
    © Фото / Пресс-служба ГАООС и ЛХ
  • Директор Государственного агентства охраны окружающей среды и лесного хозяйства при Правительстве КР (ГАООС и ЛХ) Мирслав Аманкулов совершает рабочую поездку по Нарынской области. 02 июня 2020 года
    Аманкулов көчөт менен үрөндөрдүн сапатына жана өсүшүнө көңүл бурган. Ошондой мөмө берген жана кооздук тартуулаган өсүмдүктүн санын көбөйтүүнү тапшырган
    © Фото / Пресс-служба ГАООС и ЛХ
1 / 3
© Фото / Пресс-служба ГАООС и ЛХ
Айлана-чөйрөнү коргоо жана токой чарба агенттигинин башчысы Мирслав Аманкулов Нарындын Жумгал районунун токой чарбасын барып көрүп, питомниктердин жана көчөттөрдүн абалы менен таанышты

Аманкулов көчөт менен үрөндөрдүн сапатына жана өсүшүнө көңүл бурган. Ошондой мөмө берген жана кооздук тартуулаган өсүмдүктүн санын көбөйтүүнү тапшырган.

Жумгалдын токой чарбасынын жалпы аянты 97,8 миң гектар. Анын ичинен токой аянты 26,3 миң гектарды түзөт. Ал жакта төрт токой чарбасы жана үч питомник бар. Питомниктердин жалпы аянты 20 гектардан ашат. Учурда ал жерде токой жана жемиш өсүмдүктөрүнүн жыйырмадан ашык түрү өстүрүлүүдө.

Быйыл мамлекеттик токой фондунун аймагындагы 20 гектардан ашык жерге Тянь-Шань карагайларынын 60 миң даана көчөтү отургузулган.

Жакында токой чарба агенттигинин жетекчиси Чүйдүн да токойлорун кыдырып, өсүмдүктөрдүн санын көбөйтүүнү тапшырган.

Белгилер:
тапшырма, өсүмдүктөр, токой, Миң-Куш, Жумгал
Тема боюнча
Токой чарбасы агенттигинин жетекчиси депутаттын сынына калды
Археологиялык казуулар. Архив

Бишкектен анча алыс эмес жерде балбал таш табылды. Сүрөт

(жаңыланган 22:16 14.04.2021)
Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады.

БИШКЕК, 14-апр. — Sputnik. Бишкектен анча алыс эмес жерде Интернациональный айылынан экскаватор айдоочусу Павел Камаев балбал таш таап алган. Бул тууралуу Sputnik Кыргызстан агенттигине өзү билдирди.

Обнаруженный в грунте балбал в селе Интернациональном недалеко от Бишкека
© Фото / предоставлено Павлом Камаевым
Бишкектен анча алыс эмес жерде Интернациональный айылынан экскаватор айдоочусу Павел Камаев балбал таш таап алган

Балбал — бул адамдын сөлөкөтү чегерилген таш эстелик. Камаев аны кантип таап калганын айтып берди.

"Ал күнү мен жумушта болчумун, жер казып атып бир маалда катуу бир нерсеге тийгендей болдум. Карап, көргөн көзүмө ишенген жокмун. Топурак алдында анча чоң эмес таш эстелиги жатыптыр. Бийиктиги болжол менен бир метрди түзөт. Анын бир колунда чөйчөк тартылган. Табылга жакшы жышаан экенин, мындай жерлерде белгилүү аскер адамы да көмүлгөнүн окугам", — деди ал.

Ал табылгасын адистерге берүү үчүн Маданият, маалымат жана спорт министрлигине барган.

"Балбал ташты өзүмө алып калайын деп эч ойлонгон жокмун. Министрликтегилер айтканымды угуп, анын мынча тереңдикте жатканына таң калышты. Себеби мен аны үч метр тереңдиктен таап чыккам да. Ал жакта бул таш кандайча жатып калганы табышмак", — деди Камаев.

Вид на Государственный исторический музей в центре Бишкека во время реконструкции
© Sputnik / Табылды Кадырбеков
Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады

Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады.

Белгилер:
табылга, эстелик, таш, балбал, Чүй облусу, Бишкек
Тема боюнча
Енисейди бойлой Барсбектин мүрзөсүн издегенде... Юлий Худяков менен маек
Бишкектеги Курманжан Датка эстелиги. Архивдик сүрөт

Бейшембиге карата аба ырайы

Күндүн ысышына жана күтүлүп жаткан жаан-чачынга байланыштуу өлкөнүн бийик тоолуу райондорунда кар көчкү түшүүсү ыктымал.

БИШКЕК, 14-апр. — Sputnik. Бейшембиде күндүз республиканын аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетиши мүмкүн. Бул тууралуу Кыргызгидромет билдирди.

Абанын температурасы Чүй облусунда +21…+26, Талас жергесинде +20…+25, Ош, Жалал-Абад, Баткен аймактарында +22…+27, Ысык-Көл, Нарын өрөөндөрүндө +15…+20 градуска чейин көтөрүлөт.

Күндүн табы Бишкекте +23…+25, Ош шаарында +24…+26 градус жылуу болот.

Белгилер:
Кыргызстан, апрель, аба ырайы
Тема боюнча
Бишкекте түркүн түстүү жоогазындар гүл ачты. Ажайып сүрөттөр

Кер мурут жигит Сүймөнкул Чокморов. Улуттук банктын улуу инсан тууралуу видеосу

(жаңыланган 22:56 14.04.2021)
Улуттук банк кыргыз банкноталарына түшүрүлгөн белгилүү инсандар тууралуу видеолорду жарыялоодо. Бул ирет банк легендарлуу актер, сүрөтчү Сүймөнкул Чокморов тууралуу видеоролик жарыялаган.

Эки мүнөттөн ашык тартылган роликте сүрөтчүнүн жаш кезин көрүүгө болот. Анда Чокморов жана башка студенттер талаада педагогдун жетекчилигинин алдында жылкыны сүрөткө тартып жатышат. Видеонун алдында окуя 1963-жылы Ленинград облусунда болгону жазылган. Чокморов эмгегинде бир гана жылкыны эмес, анын артына тоолорду да тартат. Окутуучу жок тоону эмнеге тартканын сураганда, ал мекенин сагынганын айткан. Бир маалда жылкы үркүп, баланын колунан жулунуп, секире баштайт. Аны көрүп Чокморовдон башкасынын баары чочулайт. Бирок Сүймөнкул Чокморов аттын жанына барып, жылкыны сылап аны чуркатыш керектигин айтат. Бала ага макул болбой койгондо Чокморов "кыргыздар ээр үстүндө чоңойгон калкпыз. Ал эми ат биздин канатыбыз" деп чапкан боюнча жөнөгөн.

Кадр алмашып, Чокморов "Ысык-Көлдүн кызгалдактары" тасмасындагы Карабалтанын образында болуп калат.

Улуттук банк роликтерди Кыргызстандын эгемендүүлүгүнүн 30 жылдыгына карата тартып жатат. Анда улуттук валютага сүрөтү түшүрүлгөн философ Жусуп Баласагын, манасчы Саякбай Каралаев, сүрөтчү, актёр Сүймөнкул Чокморов, акын Алыкул Осмонов тууралуу видеолор көрсөтүлмөкчү.

Роликтерди режиссёр Руслан Акун белгилүү кино ишмерлери Актан Арым Кубат, Эрнест Абдыжапаров, Марат Сарулу жана Баян Сарыгуловдун колдоосу менен тарткан.