Кыргызстанда жол курууга катышкан кытайлык жумушчу. Архивдик сүрөт

Июнда Кытайдан жол кура турган адистер менен куруучулар алып келинет

114
(жаңыланган 12:35 03.06.2020)
Өкмөттүн маалымат кызматы чет элдик адистерди өлкөгө алып келүүдөн мурда алар коронавируска анализ тапшырарын, жыйынтыгына карап гана иш жүргүзүлөрүн баса белгиледи.

БИШКЕК, 3-июн. — Sputnik. Июнь айында чартердик каттам менен Бишкекке чет элдик адистердин келиши күтүлүүдө. Бул тууралуу Республикалык штабдын жыйынында сөз болгонун өкмөттүн маалымат кызматы билдирди.

Ага ылайык, чет элдик адистер Кыргызстанда түндүк-түштүк альтернативдүү жолун куруу боюнча Кытай менен түзүлгөн эки тараптуу макулдашуудан улам алып келингени жатат.

Вице-премьер Эркин Асрандиевдин айтымында, чет элдик адистерди тез арада Кыргызстанга алып келүү көптөгөн инвестициялык долбоорлорду жандандырууга мүмкүндүк берет.

"Эпидемиологиялык кырдаалга байланыштуу дүйнө жүзү боюнча четөлкөлүк жарандардын кыймылына чектөө киргизилген. Көпчүлүгү ишмердүүлүгүн жүргүзүп жаткан мамлекеттерге кире албай калышты. Мындай абал Кыргызстанда дагы болду. Азыр көпчүлүк долбоорлор токтоп турат, алардын ишин жандандыруу биз үчүн өтө маанилүү. Четөлкөлүк адистердин өлкөгө кайтып келип, ишин улантышына кызыкдарбыз", — деген Асрандиев.

Өкмөттүн маалымат кызматы чет элдик адистерди өлкөгө алып келүүдөн мурда алар коронавируска анализ тапшырарын, жыйынтыгына карап гана иш жүргүзүлөрүн баса белгиледи. Тактап айтканда, сырттан келчү адистер обсервацияга жаткырылып, текшерүүдөн өткөн соң гана Кыргызстанда иштей баштайт.

114
Белгилер:
Кыргызстан, Кытай, Эркин Асрандиев, иш, коронавирус, адистер
Тема:
Коронавируска байланыштуу Кыргызстандагы кырдаал (2907)
Тема боюнча
Боронов сырттан келгендерге кайрылып, медиктердин талабын аткарууну өтүндү
Кыргызстанда 5-июндан тарта аймак аралык транспорт каттай баштайт
Министрлер кабинетинин төрагасы Акылбек Жапаров

Жүк ташуучу автоунаалар көбөйтүлөт. Акылбек Жапаров "Торугартка" барды

38
Жапаров учурда Нарында жумушчу сапары менен жүрөт. "Торугарттан" тышкары, Тайлак баатыр атындагы чек ара аскер бөлүгүнүн заставасынын абалы менен таанышты.

БИШКЕК, 18-окт. — Sputnik. Министрлер кабинетинин төрагасы Акылбек Жапаров Нарын облусуна болгон жумушчу сапарынын алкагында "Торугарт" көзөмөл-өткөрүү жайына  барды. Бул тууралуу өкмөттүн маалымат кызматы кабарлады.

Жапаров "Фантузи" контейнердик кранынын иши менен таанышып чыккан.

"Ал мындан ары жүктөөлөр Арка аймагында  (Арка — Кытай менен Кыргызстандын чек арасынын ортосундагы нейтралдуу аймак) эмес, "Торугарт" көзөмөл-өткөрүү пунктунда ишке ашырыларын жана жүк ташуучу автоунаалардын саны көбөйтүлө турганын белгилеген.  Ошондой эле министрлер кабинетинин башчысы дезинфекциялык барьердин абалы менен таанышып, анын инфраструктурасын жакшыртууну тапшырды", — деп айтылат маалыматта.

Мындан тышкары, Жапаров Тайлак баатыр атындагы чек ара аскер бөлүгүнүн заставасынын абалы менен таанышкан.

38
Белгилер:
Нарын облусу, 'Торугарт' көзөмөл өткөрүү пунку, Акылбек Жапаров, жумушчу, сапар, тапшырма
Тема боюнча
Президенттин администрациясында бөлүмдөрдүн ордуна 4 башкармалык болору айтылды
Пробация департаментинин жетектөөчү адиси, психолог Тахмина Талгатова

Талгатова: соттолгон адамдын кылмыштан оолак болушуна коом көмөк көрсөтө алат

10
Пробация департаментинин жетектөөчү адиси, психолог Тахмина Талгатова соттолгон адамдар жаза мөөнөтүн өтөп бүткөндөн кийин коомго аралаша албай кыйналарын айтты.

Коомдо соттолгон кишилерге чочулоо менен караган көз караш бар. Аларга ишеним да төмөн. Бул тууралуу Тахмина Талгатова Sputnik Кыргызстан радиосуна маек куруп жатып билдирди.

Талгатова: соттолгон адамдын кылмыштан оолак болушуна коом көмөк көрсөтө алат

Анын айтымында, жаза мөөнөтү бүткөндөн кийин бул адамдар өздөрүн жалгыз сезип кыйналышат.

"Пробация департаменти жеңил кылмыш жасаган мыйзам бузуучулар менен иш алып барат. Көбүнесе уурулук, каракчылык, бирөө менен мушташа кетип түрмөгө түшкөн инсандар — биздин кардарларыбыз. Алар менен психологдор тынбай иштешип турабыз. Мындай кылмышкерлердин көбү жаза мөөнөтү бүткөн соң кайра коомго аралашуудан чочулашат. Баары бир мага эч ким ишенбейт деген пикирде болуп, адамдардан оолактап жалгыз жүрүп калышат. Мындай учурда анын чөйрөсү эң чоң көмөк көрсөтө алат. Алар бул кишини өзүнө тартып, баарлашып, майда-барат иштерде деле ишеним көрсөтүп турушса ачылып сүйлөшүшөт. Соттолуп чыккан адам жардам сураган учурда болушунча баш тартпаганга аракет кылыш керек. Анткени алардын кимдир бирөөдөн көмөк сурап кайрылганы дагы өзүнчө жеңиш, — деди Талгатова.

Психолог бул боюнча коомчулукта да түшүндүрүү иштери жүргүзүлүшү зарылдыгын кошумчалды.

10
Белгилер:
психология, психолог, кылмышкер, коом, Тахмина Талгатова
Тема боюнча
Зарылбек уулу: пробация кардарлары дээрлик кайра кылмышка барбайт