Парламентте мааракелик той-аштарды чектөө боюнча мыйзам долбоору сунушталды

© Sputnik / Табылды КадырбековКоноктор майрам учурунда. Архив
Коноктор майрам учурунда. Архив - Sputnik Кыргызстан
Жазылуу
Талкуу учурунда эл өкүлү Акылбек Жапаров бүт майрам, той-аштарды бир учурда, күзүндө 10 күндө өткөрүп коюу керектигин айтты.

БИШКЕК, 4-июн. — Sputnik. Жогорку Кеңештин депутаты Зиядин Жамалдинов Кыргызстандагы юбилейлик иш-чараларды чектөө боюнча мыйзам долбоорун сунуштап, биринчи окууга алып чыкты.

Депутаттын айтымында, жылына 100дөн ашуун юбилейлик иш-чара өткөрүлөт. Мисалы, 2017-жылга 120, 2018-жылга 105 иш-чара бекитилген. Ошондой эле жергиликтүү бийлик органдары, тийиштүү уюмдун же мекеменин чечими менен корпоративдик маанидеги юбилейлик иш-чаралар өткөрүлүп турат.

© Фото / пресс-служба ЖКЖогорку Кеңештин депутаты Зиядин Жамалдинов
Парламентте мааракелик той-аштарды чектөө боюнча мыйзам долбоору сунушталды - Sputnik Кыргызстан
Жогорку Кеңештин депутаты Зиядин Жамалдинов
"Бюджеттик каражаттардын чектелүү экендигин эске алып, мааракелерди өткөрүүнүн мезгилдүүлүгүн чектөөнү максатка ылайыктуу деп эсептейм. Мыйзам долбоорунда жалпы улуттук, региондук жана корпоративдик маанидеги иш-чараларды өткөрүү үчүн юбилейлик даталарды 50 жыл, 75 жыл, 100 жыл жана андан кийин ар бир 25 жыл сайын белгилөө сунушталууда. Өзгөчө учурларда гана президенттин чечими менен башка даталарда юбилейлик иш-чаралар өткөрүлүшү мүмкүн", — деди Жамалдинов.

Аял бир миң купюраларды чогултуп жатат. Архив - Sputnik Кыргызстан
Бюджеттик чыгым 10,3 млрд сомго кыскарат. Капчыгы жукарчулардын тизмеси
Депутат мааракелик иш-чараларды өткөрүүдө ишкерлерден акча алып, мамлекеттик органдар, жергиликтүү кызматкерлер көп убактысын короторун белгилди. Ал эми "жылкы союу, боз үй тигүү" деген тапшырмаларды аткаруу үчүн айыл өкмөттөргө күч келерин айтты.

Аталган мыйзам долбоору бюджеттик чыгымдарды кыскартуу максатында демилгеленген. Мында эгерде атактуу адамдардын урпактары жеке каражатына юбилейлик иш-чара өткөрүүнү кааласа, тыюу салынбай турганы айтылган.

Талкуу учурунда депутат Элвира Сурабалдиева ар 25 жыл сайын эмес, 100 жылдык юбилейлерди гана белгилөөнү сунуштады.

Эл өкүлү Акылбек Жапаров бүт майрам, той-аштарды күзүндө 10 күн өткөрүп коюу керек деп эсептейт.

© Фото / Пресс-служба ЖКЖогорку Кеңештин депутаты Акылбек Жапаров
Парламентте мааракелик той-аштарды чектөө боюнча мыйзам долбоору сунушталды - Sputnik Кыргызстан
Жогорку Кеңештин депутаты Акылбек Жапаров
"Той-ашты күзүндө гана бир жолу өткөрсө болот деп ойлойм. 31-августтан 10-сентябрга чейин болгон юбилейлик даталарды белгилеп алсак. Муну кезеги менен ар бир облуста мамлекеттик деңгээлде өткөрсөк. Мисалы, быйыл кесиптик майрамдарды дагы кошуп, Баткенден баштасак болмок. Кытай жаңы жылды 10 күн тосот экен, андан кийин майрам жок. Ошол сыяктуу кылып бир эле өткөрүп коёлу", — деди депутат Акылбек Жапаров.

Дагы бир депутат Эмил Токтошев куру намыска алдырып бири-бирине атаандашуу болорун, мындан улам өз алдынча юбилейлик даталарды да өткөрүүгө чек коюу керектигин айтты.

Жаңылыктар түрмөгү
0