Ошто коронавирус аныкталган дагы бир аял каза болду

© Sputnik / Кирилл Брага / Медиабанкка өтүүОоруканада жаткан аял. Архив
Ооруканада жаткан аял. Архив - Sputnik Кыргызстан
Жазылуу
Ушуну менен вирус жуктуруп көз жумган кыргызстандыктардын саны 24кө жетти.

БИШКЕК, 9-июн. — Sputnik. Ош шаардык ооруканасында коронавирус жуктуруп алган 47 жаштагы аял киши көз жумду. Бул тууралуу саламаттык сактоо министринин орун басары Нурболот Үсөнбаев брифинг учурунда билдирди.

Анын айтымында, бейтаптан коронавирус 31-майда аныкталган. Ал Ош шаардык клиникалык ооруканасынын гематология бөлүмүндө дарыланып, химия терапия алып жаткан.

"Бөйрөгү ооруп, шишип жүргөндүктөн, ошого жараша күчтүү дарыларды алып жаткан. Коронавирус жугуп калгандан кийин илдеттеринин бардыгы күчөп, көп органдары жабыркап, акырында жүрөк-кан тамыр системасы иштебей калган. Кечээ дарыгерлердин аракетине карабастан көз жумду", — деди Үсөнбаев.

Ушуну менен Кыргызстанда коронавирустан 24 киши каза болду.

Жаңылыктар түрмөгү
0