Аэропорттогу учак. Архив

Кореядан 12 кыргызстандык кайтып келип, обсервацияга жаткырылды

65
(жаңыланган 11:38 10.06.2020)
Алгач мекендештер Алматынын аэропортуна конуп, андан соң медиктердин коштоосунда атайын унаа менен Бишкекке алып келинген.

БИШКЕК, 10-июн. — Sputnik. Бүгүн, 10-июнда, Бишкекке Кореядан кыргызстандык 12 киши алып келинди. Бул тууралуу Тышкы иштер министрлигинин маалымат кызматы билдирди.

Ага ылайык, бул рейс Кыргызстан менен Казакстандын ТИМдеринин сүйлөшүү жүргүзүүсүнүн негизинде ишке ашкан. Мекендештер алгач Кореянын Asiana Airlines авиакомпаниясынын чартердик каттамы менен Алматынын аэропортуна конушкан. Андан соң медиктердин коштоосунда атайын унаа менен Бишкекке келишти.

Сырттан келгендер медициналык текшерүүлөрдөн өтүү үчүн обсервацияга жайгаштырылат.

Чет өлкөлөрдө жүргөн жарандарды мекенине кайтаруунун ар кандай жолдору, анын ичинде өнөктөш өлкөлөрдүн жардамы менен кайтаруу иштери жүрүп жатканы кошумчаланды.

65
Белгилер:
Кыргызстан, Бишкек, Корея, Алматы, ТИМ, мекендештер, каттам
Тема боюнча
Түркиядан 328 кыргызстандык кайтып келди
Ирандан үч кыргызстандыкты алып келишти
Президенттин администрациясынын жарандык коомдун институттары менен өз ара аракеттенүү, дин иштери жана этностор аралык мамилелер бөлүмүнүн башчысы Кудайберген Базарбаев. Архив

КР президентинин администрация өкүлү: интернационализмге шарт түзөлү

14
Кудайберген Базарбаев Бишкекте Жакынкы Чыгыш өлкөлөрүндөгү россиялыктар уюштурган аймактык жаштар конференциясына катышып, элди тилектештикке чакырды.

БИШКЕК, 23-сен. — Sputnik. Президенттин администрациясынын жарандык коомдун институттары менен өз ара аракеттенүү, дин иштери жана этностор аралык мамилелер бөлүмүнүн башчысы Кудайберген Базарбаев интернационализмге шарт түзүп берүүгө чакырды.

Ал Бишкекте Жакынкы Чыгыш өлкөлөрүндөгү россиялыктар уюштурган аймактык жаштар конференциясында сөз сүйлөдү.

"Мындай иш-чаралар өтө пайдалуу. Башка улуттагы мекендештердин кызыкчылыгын коргоп гана тим болбой, аларга эч кандай тоскоолдук жаралбагыдай шарттарды түзүп берүүгө аракет кылалы. Башкысы, интернационализм, достук, тилектештикти күчөтүүгө жан үрөйлү", — деди Базарбаев.

Анын айтымында, дал ушул нерселер бизге чейинки муунга күч берип, алар бири-бирин дос жана бир туугандай кабыл алышкан.

14
Белгилер:
Кыргызстан, Россия, ынтымак
Тема боюнча
Россиянын элчиси мекендештери менен тыгыз иштешкен кыргыз бийлигин үлгү кылды
Тюмень шаарындагы Биримдик кыргыз диаспорасынын төрайымы Канзада Сманова

Сманова: кыргызстандык жаштардын Россиянын ЖОЖдоруна окуу мүмкүнчүлүгү кенен

5
Тюмень шаарындагы "Биримдик" кыргыз диаспорасынын төрайымы Канзада Сманова Россия Федерациясынын жогорку окуу жайлары борбор азиялык абитуриенттерге көп мүмкүнчүлүктөрдү берип жаткандыгын айтты.

Тюмень шаарын эле айта турган болсом, учурда төрт ЖОЖ кыргызстандык студенттерди бюджеттик негизде кабыл алууга даяр. Бирок тапшыргандар аз болууда. Бул тууралуу Канзада Сманова Sputnik Кыргызстан радиосуна маек куруп жатып билдирди.

Сманова: кыргызстандык жаштардын Россиянын ЖОЖдоруна окуу мүмкүнчүлүгү кенен

Анын айтымында, Россиянын университеттерине окууну каалагандардын аз болушу маалыматтын жеткиликсиздигенен улам болууда.

"2012-жылы биринчи жолу Тюмень мамлекеттик архитектура-курулуш университети менен келишим түзгөнбүз. Алар Кыргызстан, Казакстан, Армения, Азербайжан, Тажикстан жана Өзбекстандан барган абитуриенттерге белгилүү өлчөмдө бюджеттик орундар берилерин айтышкан. Ошол жылдан тарта коңшу мамлекеттерден абитуриенттер келип активдүү тапшырып, билим алып жатышат. Кыргызстандыктар азыраак болууда. Мындан кийин Тюмень мамлекеттик университети, Тюмень мамлекеттик айыл чарба академиясы жана Тюмень индустриялык университети менен келишимдерибиз бар. Бул окуу жайларга кыргызстандыктар барып тапшыра алышат. Ал үчүн мектепти аяктаган аттестаты гана жетиштүү. ЖРТнын жыйынтыгынын кереги жок, бул ЖОЖдор өздөрү экзамен алат. Болгону ушул сынактарга мыкты даярданып барса бюджеттик негизде окуп калуу мүмкүнчүлүгү чоң болот. Россия берген бул шарттарды Казакстан жана Тажикстан абдан жакшы пайдаланып жатат. Биздин жаштар да барып окуп алышса деп аракет кылабыз. Бул окуу жайлар Кыргызстандын Билим берүү жана илим министрлиги менен иштешпейт. Абитуриенттерди түз чакырышат. Ар жылы март, апрель айларында өлкөдөгү ири шаарларда ачык эшик күнүн өткөрүп маалымат беришет. WhatsApp, Тelegram-группаларды ачып, белгилүү бир мугалимдер ошол жактан каалоочулардын суроолоруна жооп берип турат. Андыктан мына ушул маалыматтык кампания учурунда ата-энелер пайдаланып калса болот. Мындай мүмкүнчүлүк бир эле Тюменде эмес Россиянын бардык шаарларындагы окуу жайларында бар", — деди Сманова.

Ал каалагандар Россиядагы кыргыз диаспораларынын жетекчилерине социалдык тармактар аркылуу кайрылып, окуу тууралуу маалымат алса болорун кошумчалады.

Подкасттын толук вариантын видеодон көрүңүз:

5
Белгилер:
Россия, ЖОЖ, окуу, Кыргызстан, Канзада Сманова
Тема боюнча
Сманова: Россиядагы кыргыздар мыйзамды сактаса көйгөй жаралбайт
Финансы рыногун жөнгө салуу жана көзөмөлдөө боюнча мамлекеттик кызматтын төрагасынын орун басары Марат Пирназаров

Пирназаров: Кыргызстанда криптобиржалардын ишмердүүлүгү көзөмөлдөнөт

0
(жаңыланган 13:44 23.09.2021)
Финансы рыногун жөнгө салуу жана көзөмөлдөө боюнча мамлекеттик кызматтын төрагасынын орун басары Марат Пирназаров Кыргызстанда криптобиржалардын ишмердүүлүгү тууралуу жобо иштелип чыккандыгын айтты.

Криптобиржаларга укуктук талаа түзүү, функцияларын, статусун жана милдеттерин аныктоо учурдун талабы. Мындай пикирин Марат Пирназаров Sputnik Кыргызстан радиосунун эфиринде маек куруп жатып билдирди.

Пирназаров: Кыргызстанда криптобиржалардын ишмердүүлүгү көзөмөлдөнөт

Анын айтымында, аталган багытта шарт түзүү аркылуу көп киреше табуу мүмкүнчүлүгүн жаратса болот.

"Кыргызстанда криптобиржаларга укуктук талаа түзүү үчүн аракеттер жүрүп жатат. Финансы рыногун жөнгө салуу жана көзөмөлдөө боюнча мамлекеттик кызматка криптобиржалардын ишмердүүлүгүнө шарт түзүү максатында тиешелүү укуктук ченемдик актыларды иштеп чыгуу тагылган. Ушул жылдын 27-майында Экономика жана финансы министрлигинин буйругу менен мекемелер аралык жумушчу топ түзүлүп, бул тармакты билген адистер менен биргеликте жобо иштеп чыктык. Жобо министрлер кабинетинин кароосуна киргизилип, макулдашуу иштери жыйынтыкталууда. Криптобиржаларга укуктук талаа түзүү, функцияларын, статусун жана милдеттерин аныктоо учурдун талабы", — деди Пирназаров.

Ошондой эле адис криптоактивдер менен ишмердүүлүгүн жүргүзгөндөр санариптик биржалар боюнча билим алып коюусу керектигин кошумчалады.

0
Белгилер:
Марат Пирназаров, криптовалюта
Тема боюнча
Жасалма биткоин, финансы пирамидасы. Милиция шылуундарды кантип билсе болорун айтты