Фуралар кезеги азаят дешти. Кыргыз-казак чек арасындагы дагы бир бекет кайра иштеди
(жаңыланган 20:13 10.06.2020)
Ал жерден айдоочулар COVID-19 боюнча экспресс-тесттен өтүшү керек. Эгерде оору чыкпаса, тиешелүү тастыктамасын берип, айдоочу Казакстан аймагына кире алат.БИШКЕК, 10-июн. — Sputnik. Кыргыз-казак чек арасындагы "Чалдыбар" көзөмөл өткөрүү жайы кайрадан ишке киришкенин Мамлекеттик чек ара кызматынан кабарлашты.
Аталган жай Чүй облусундагы Панфилов районунун аймагында орун алган.
"Чалдыбар" бекети кыргыз-казак чек арасында жайгашкан "Ак-Тилек" көзөмөл өткөрүү жайындагы жүк ташуучу автоунаалардын топтолуп кетишин азайтуу максатында иштеп жатат. Ал жерден фуралар гана өтө алат", — деп айтылган маалыматта.
Ал жерден айдоочулар COVID-19 боюнча экспресс-тесттен өтүшү керек. Эгерде оору чыкпаса, тиешелүү тастыктамасын берип, айдоочу Казакстан аймагына кире алат.
Учурда кыргыз-казак мамлекеттик чек арасында көзөмөлдөн өткөрүүчү үч бекет иштеп жатат.
Алар:
- "Ак-Тилек" көзөмөл өткөрүү жайы (Чүй облусунда);
- "Чалдыбар" көзөмөл өткөрүү жайы (Чүй облусунда);
- "Чоң-Капка" көзөмөл өткөрүү жайы (Талас облусу)
- "Ак-Тилек" менен "Чоң-Капка" көзөмөл өткөрүү бекеттеринде жүк ташуучу автоунаалардан сырткары жүргүнчүлөр да өтө алат.
Ал эми темир жол аркылуу жүк "Кайыңды" бекети аркылуу өтөт.
©
Sputnik / Акылбек Батырбеков
Биринчилерден болуп вице-премьер Эркин Асрандиев чек арага барып, абалды көргөндөн кийин үн каткан. Ага Казакстан жообун берип, бирок буга Кыргызстан таң калгандыгын билдирген. Ал эми жакында эле эки мамлекеттик ТИМ жетекчилери сүйлөшүп, маселе ЕАЭБ алкагындагы эрежелердин негизинде иштеш керек деген маселени сүйлөшкөн.
Мамытов: быйыл 13 айыл чарба техникасы лизингге берилди
2011-жылдан бери 3 281, ал эми байыл 13 айыл чарба техникасы лизингге берилген. Бул тууралуу Алишер Мамытов Sputnik Кыргызстан радиосуна маек куруп жатып билдирди.
Мамытов: быйыл 13 айыл чарба техникасы лизингге берилди
Анын айтымында, өлкөдө 22 миң 100 трактор, 2 миң 200 дан комбайны, 17 миң 400 тиштүү мала, 2 миң 800 үрөн сепкич, 3 миңге чукул чөп чапкыч, 2 миңге чукул пресс жыйнагыч жана башка техника бар.
"Учурда алты лизинг долбоору бар. Бул долбоор 2011-жылдан бери иштеп жатат. Ошол убакыттан бери жалпы 5 миллиард 35 миллион сомго 3 миң 281 даана айыл чарба техникасы берилген. Бүгүнкү күндө лизингди өнүктүрүү үчүн 1,5 миллиард сомго барабар кредит топтому иштеп жатат. Аны алуу мөөнөтү 7ден 10 жылга чейин. Пайыздык чени 6дан тогузга чейин. Өздүк салым 10дон 30 пайызга чейин чыгат. Эгерде 30 пайыздан жогору өздүк салым төлөнсө, айыл чарба техникасы күрөөгө коюлат. Кайтарым шарты боюнча 3-6 айга чейин жеңилдик берилген. Негизги сумма бир жылда эки жолу, ал эми пайыздык чени ар квартал сайын төлөнөт. Быйыл лизинг үчүн 540 миллион сом бөлүнүп, учурда 13 айыл чарба техникасы берилди", — деди Мамытов.
Ошондой эле ал республика боюнча 5 миң 900 трактор, 2 миң 600 комбайн жетишсиз экенин кошумчалады.
Маекти толугу менен видеодон көрсөңүз болот.
Белгилер:
Ысык-Көл жүрөктү дарылайт. Россиялык космонавт өзгөчө сүрөт жарыялады
БИШКЕК, 1-мар. — Sputnik. Россиялык космонавт Сергей Кудь-Сверчков Эл аралык космостук станциядан тартып алган Ысык-Көлдүн уникалдуу сүрөтүн Twitter-аккаунтуна жарыялады.
Озеро #ИссыкКуль — это драгоценный аквамарин в серебряной оправе заснеженных гор, бальзам, исцеляющий не только тело, но и душу, вдохновляющий людей вот уже многие столетия, сокровенная жемчужина Киргизии. pic.twitter.com/XmxhF8Jb7X
— Sergey Kud-Sverchkov (@KudSverchkov) February 28, 2021
"Ысык-Көл — бул кар баскан тоолордун ортосундагы баалуу аквамарин. Ал адамдын денесин гана эмес, жан дүйнөсүн дагы дарылаган бальзам. Жүздөгөн жылдардан бери адамдарга дем берип келе жаткан Кыргызстандын бермети", — деп жазылган сүрөттүн алдына.
Кадрдан Ысык-Көлдүн түштүк-чыгыш тарабындагы булут бурганагын көрүүгө болот.
Интернет колдонуучулары космонавттан ушул сыяктуу сүрөттөрдү байма-бай чыгарып турууну суранышкан.
Белгилер:
Өмүрзаков: акимдерди аттестациялоо 9-мартта башталат
Өмүрзаков: акимдерди аттестациялоо 9-мартта башталат
Райондук администрация башчылары — акимдерди аттестациялоо ушул жылдын 9-мартынан башталат. Аталган күнү биринчи туру өтүп, анда тестирлөө жүргүзүлсө, 10-11-март күндөрү экинчи турунда маектешүү болот. Бул тууралуу Мыктыбек Өмүрзаков Sputnik Кыргызстан радиосуна маек куруп жатып билдирди.
Анын айтымында, аталган аттестацияны жүргүзүү үчүн 11 мамлекеттик кызматкерден турган комиссия түзүлөт.
"Акимдерди аттестациялоодо алардын эки орун басары да катышат. Орун басарларга өздөрү тейлеген тармак боюнча суроолор берилсе, райондук администрация жетекчилерине жалпы суроолор узатылат. Максаты — учурда иштеп жаткан акимдердин аркалаган кызматына дарамети жетерин аныктоо. Аларды аттестациядан өткөрүү үчүн Мамлекеттик кадр кызматынын жетекчиси, эки эл өкүлү, өкмөт аппаратынан жана тиешелүү министрликтин орун басары рангынан төмөн эмес адамдардан турган комиссия түзүлөт. Комиссия мүчөлөрү жалпы 11 кишиден турат. Муну менен катар эле район жетекчилери жана орун басарлыгына аймактык кадр резервин түзүү үчүн үстүбүздөгү жылдын 1-мартынан 1-апрелине чейин конкурс жүргүзүлөт. Аймактык кадр резервиндеги адистер бошоп калган региондорго барып иштей беришет", — деди Өмүрзаков.
Ал аттестацияда акимдердин билим деңгээли, тил билүүсү да караларын кошумчалады.
Белгилер: