Италияда өзүнүн ресторанын ачкан Мунара Сыдыкова

Италиялыктар оромону жакшы көрөт. Сардинияда ресторан ачкан Сыдыкова менен маек

845
(жаңыланган 14:14 13.06.2020)
Мунара Сыдыкова 15 жылдан бери Италияда жашап келет. Ашпозчулук кесипти аркалаган мекендешибиз Жер Ортолук деңизиндеги Сардиния аралында өзүнүн ресторанын ачып, чет элдиктерге кыргыздын тамак-ашын таанытууда.

Чет жерде ишкерлик кылган Сыдыкова менен Sputnik Кыргызстан агенттигинин кабарчысы маек курду.

— Италияда COVID-19 вирусунан улам бир топ адам каза болду. Азыр ал жакта абал кандай болуп калды?

— Биз аралда жашагандыктан коронавирусту жуктургандар аз эле болду. Өлкөнүн башка аймактарына салыштырмалуу COVID-19 келген жок деп эсептесек болот, жуктуруп алгандар, каза болгондор түндүк облустарда көп катталды. Анан бийлик ишкана, мекеме, түрдүү жайларды убагында жапты. Кудайга шүгүр, азыр абал турукташып калды, бирок айрым чектөөлөр дагы деле алына элек.

— Башында кайсы тармакта эмгектендиңиз? Кантип ресторан ачып калдыңыз?

— Мурун эжем экөөбүз Бишкекте ресторандарда иштүчүбүз. Кесибим боюнча финансистмин. Италияга 2005-жылы барып, түрдүү  ресторандарда, үйдө улгайган адамдарды карап иштедим. Быйыл ашкана ачканыма төрт жыл болот. Башында араб, япон, африка ашканаларында эмгектенип калдым. Анан кыргыз элинин тамак-ашын кандай кабыл алат болду экен деп кызыгып, ишти баштагам.

Предприниматель Мунара Сыдыкова открывшая ресторан в Сардинии и проживающая в Италии на протяжении 15 лет
© Фото / предоставлено Мунара Сыдыковой
Ишкер Мунара Сыдыкова: Быйыл ашкана ачканыма төрт жыл болот. Башында араб, япон, африка ашканаларында эмгектенип калдым. Анан кыргыз элинин тамак-ашын кандай кабыл алат болду экен деп кызыгып, ишти баштагам.

— Италиялыктар биздин тамак-ашты кандай кабыл алды, азыр кардарларыңыз көп элеби?

— Башында бизди кытайсыңар деп эле кыйкыра беришчү. Азыр кыргыздарды жакшы эле таанып калышты. Бул жакта өзбек, казактар жокко эсе, ашканасы дагы жок. Кудайга шүгүр, азыр бизди жергиликтүүлөр жакшы эле билишет, өзүбүздүн туруктуу кардарларыбыз да бар. Мисалы, аралда жашаган бир адам атайын лагман жегени келет. Анан, мурдагы советтик республикаларда жашап кетип, кийин Европада түтүн булатып калгандар эс алганы келгенде биздин ашканадан даам татып, кардарларыбыздын катарын толукташат. Алар кыргыздын ресторанынын бул жакта иштеп жатканын көрүп аябай таң калат. Бир жолу бизге бир орус кирип келип кыргызча эле "максым, бозо барбы?" десе болобу. Ошондой кызыктуу окуялар көп болот. Кээде Орто Азияда бир учурда жашап калгандар тамактанып чер жазып кетишет.

— Жергиликтүүлөр кыргыздын кайсы тамагын жактырат?

— Италиялыктар кыргыздын оромосун аябай жакшы көрөт. Алар түрдүү жыйын, коомдук иштерге биздин палоо, самса, оромобузга көп буюртма берет. Өткөндө бул жакта жашаган режиссер Кыргызстан жөнүндө даректүү тасма тартып, коомчулуктун назарына сунуштады. Ошондо дагы кыргыз тамактарын атайын жасаткан. Жер Ортолук деңизиндеги Сардиния аралында жашайбыз. Бул жакка жайкысын чет элдик эс алуучулар көп келет. Кээде жумушта бир оромо сатуу үчүн кыргыздын тарыхын, үрп-адат, тамак-ашынын баарын айтууга туура келет. Аягында жаагым ооруп, төрт евро үчүн чарчап ыйлактап отуруп калам. Азыр интернет аркылуу буюртма беришет. Мен аларга жылкынын этинен бешбармак жасап берем. Элибизди таанытууга аракет кылам. Анткени бизден кийин дагы кыргызстандыктар ресторан ачса, эл биз жөнүндө жакшы пикирде калса деп ойлойм.

Предприниматель Мунара Сыдыкова открывшая ресторан в Сардинии и проживающая в Италии на протяжении 15 лет
© Фото / предоставлено Мунара Сыдыковой
Сыдыкова: Башында бизди кытайсыңар деп эле кыйкыра беришчү. Азыр кыргыздарды жакшы эле таанып калышты. Бул жакта өзбек, казактар жокко эсе, ашканасы дагы жок. Кудайга шүгүр, азыр бизди жергиликтүүлөр жакшы эле билишет, өзүбүздүн туруктуу кардарларыбыз да бар.

— Жергиликтүү элдин өз табити болот эмеспи, ошол учурда кандай ыкмаларды колдоносуз?

— Менюбузда оромо, самса, палоо, бешбармак, куурдак бар. Мен ар кыл улуттун ашканасында иштеп калгандыктан, айрым учурда биздин тамактарды башка улуттардын кошулмалары менен жасайм. Кардарларыбыздын арасында такыр эт жебеген, жадагалса жумуртка, сары май да колдонбогондор болот, камырдан жасалган тамактарга аллергиясы барлар кездешет. Ошондуктан алардын табитине жараша ылайыктап жасап берүүгө туура келет. Бирок аларга тигил же бул тамакты кыргыз ашканасында жасаса мындай болмок деп түшүндүрүүгө аракет кылам.

— Ашкананы ачууда кандай кыйынчылыктарга дуушар болдуңуз?

— Рестораныбызда 24 орундук бар, анан сыртта дагы отурушат. Ал жерде үч-төрт адам иштейбиз. Бул жакта ишкерлик менен алектенип бир нерсе ачуу өтө кыйын. Документтердин бир жеринен эле кынтык табылса көйгөйлөр жаралат. Мен ишкерликти нөлдөн баштагандыктан уруксат кагаздарынан өтө кыйналдым. Европада мүмкүнчүлүгү чектелген адамдарга шарт түзүп берүүгө, алардын укугун коргоого аракет кылышат экен. Ошого байланыштуу кошумча курулуш иштерине уруксат кагаздарын алдым, эмеректерди сатып келдим. Анткени ден соолугу начарларга атайын ажаткана салып, кире бериште пандус болушу керек. Анын баарын тиешелүү адистер менен кеңешип, мамлекеттик органдар менен макулдашуу зарыл. Азыр жергиликтүү талаптарды, мыйзамдарды жакшы түшүнүп калдым.  Бул жакта бир да иш адвокатсыз бүтпөйт, аларды акчага жалдашың керек.

Предприниматель Мунара Сыдыкова открывшая ресторан в Сардинии и проживающая в Италии на протяжении 15 лет
© Фото / предоставлено Мунара Сыдыковой
Сыдыкова: Бул жакта деле Кыргызстандагыдай чоң ресторандарда тушоо, үйлөнүү той өткөрүп, тамада жалдап, кийит кийгизишет. Нооруз, Эгемендүүлүк күнүндө чогулуп иш-чараларды өткөрөбүз. Бири-бирибиз менен катышып куран окутуп барабыз.

— Негизи тамактануучу жайларды иштетүү кирешелүү болот эмеспи. Төрт жыл аралыгында жакшы эле пайда көрдүңүзбү? Кандай пландар бар?

— Башында тамакты жасап кардарларга жеткирүү менен алектенип, эки жылдан кийин ресторан деген статусту алдым. Анын салыгы кымбат , айына бир чарчы метрге 200 евро салык төлөйм. Электр жарыгы, газ да арзан эмес. Биринчи кыргыз рестораны болгондуктан жарнамага дагы бир топ акча жумшалды.  Кошумча жабдуу алып, оңдоо иштерин жасаттым. Төрт жылдан бери тапканымды кайра эле ресторанга  салып келүүдөмүн. Кудай берекесин берсин, буюрса туруктуу кардарлабыз пайда болду. Эми иштеп баштаган жумушумдун жемишин көрүшүм керек.

— Ал жактагы кыргызстандыктар ынтымактуусуңарбы?

— Негизи кыргыздар каякта жүрбөйлү, өзүбүздүн каада-салт, үрп-адатыбызды алып барат экенбиз. Бул жакта деле Кыргызстандагыдай чоң ресторандарда тушоо, үйлөнүү той өткөрүп, тамада жалдап, кийит кийгизишет.  Нооруз, Эгемендүүлүк күнүндө чогулуп иш-чараларды өткөрөбүз. Бири-бирибиз менен катышып куран окутуп барабыз. 15 жылдын ичинде башыбыздан канчалаган жакшылык-жамандык өттү. Буюрса өзүбүзгө боз үй, казан-аяк алып коелу деп жүрөбүз.

845
Белгилер:
маек, ресторан, тамак-аш, кыргыз, Италия
Тема боюнча
Айына 150 миң сом тапкан 18 жаштагы балага таасирленгем. Ишкер Жаманбаевдин маеги
КамАЗ менен көмүр ташып, кылмышкер кармап... Ишинин майын чыгарган кыздар
Тез жардам кызматы. Архив

ТИМ: Петербургда 5-кабаттан кулаган кыргызстандык кыздын абалы оор

9
(жаңыланган 13:12 14.05.2021)
Кырсыктаган кызды оор абалда Санкт-Петербургдагы клиниканын кайра жандандыруу бөлүмүнө жеткиришкен.

БИШКЕК, 14-май — Sputnik. Санкт-Петербургда бешинчи кабаттан капыстан кулап кетип ооруканада жаткан кыргызстандык 11 жаштагы кыздын абалы оор, жакында операция жасалат. Бул туурасында ТИМдин маалымат кызматы кабарлады.

"Ар кыл жеринен жаракат алган кызды дароо Санкт-Петербургдагы Раухфус атындагы балдардын шаардык ооруканасынын кайра жандандыруу бөлүмүнө оор абалда жеткиришкен. Жакында анын жабыркаган органдарына операция жасоо пландалууда, мунун натыйжасына жасалма дем алдыруучу аппараттан ажыратылып, өз алдынча дем ала баштайт", — деп айтылган маалыматта.

Бул маселе Кыргызстандын Россиядагы элчилигинин Санкт-Петербургдагы канцеляриясынын көзөмөлүндө экендигин билдиришкен.

9
Белгилер:
кыз, операция, Санкт-Петербург
Тема боюнча
Милиция кичинекей баланын 3-кабаттан кулаган окуясы боюнча иш козгоду
Спорттук комментатор, граундхоппер Бексултан Усеналиев

Усеналиев: граундхоппингге кызыгып дүйнөнү кыдыргандар көбөйдү

6
Спорттук комментатор, граундхоппер Бексултан Усеналиев өлкөдө граундхоппинг аркылуу футболдук стадиондорго барып, дүйнөнү кыдыргандардын саны көбөйүп жаткандыгын айтты.

Дүйнөнүн белгилүү граундхопперлери Кыргызстандагы футболдук беттештерге катышып, стадиондорду каттап кеткендер бар. Мындай пикирин Бексултан Усеналиев Sputnik Кыргызстан радиосунун эфиринде маек куруп жатып билдирди.

Усеналиев: граундхоппингге кызыгып дүйнөнү кыдыргандар көбөйдү

Анын айтымында, граундхопперлер футбол көрүп, стадиондорду гана каттабастан башка элдердин маданиятын, тарыхын өздөштүрүүгө жакшы мүмкүнчүлүк алышат.

"Граундхоппинг – футболдук саякаттын бир түрү. Бул түшүнүктүн максаты башка өлкөгө стадионго барып, футбол көрүп, ошол жерди каттоо дегенди билдирет. Бирок жөн гана стадионго кирүү эмес, ал элдин маданиятын, тарыхын өздөштүрүү мүмкүнчүлүгү бар. Демек, граундхоппинг аркылуу дүйнөнү кыдырса болот. Жалпак тил менен айтсак, стадиондорду коллекциялоо. Бул кыймыл Англияда пайда болгон. "Бристоль Сити" клубунун күйөрманы Англияда болгон 92 футболдук беттешке барып, стадиондорду белгилеген. Бул жетишкендикти каттоо максатында гезит ачып, ийгилиги тууралуу бөлүшкөн. Анын эрдигине суктанып, башкалар да стадиондорду кыдыра башташкан. Өлкөдө фанатизм маданиятына кызыккандар бул кыймылды жакшы түшүнөт. Кыргызстанда мындай адамдардын башын бириктирген уюм жок. Болгону "граундхоппер" деген тиркемени смартфонго көчүрүп алып, барган стадионду, оюнду, шаарды белгилеп каттап коёбуз. Бизде кыймылга активдүү катышкан 4-5 адам бар. Мисалы, Дөлөн Өмүрзаков атындагы стадионго дүйнөнүн кайсы өлкөлөрүнөн граундхопперлер келгендигин кароого болот", — деди Усеналиев.

Ошондой эле ал Кыргызстан европалыктар үчүн абдан кызыктуу өлкө деп эсептелерин кошумчалады.

6
Белгилер:
Бексултан Усеналиев, саякат, футбол
Тема боюнча
Жетим өсүп жетилген. Башкы стадионго аты берилген Дөлөн Өмүрзаков деген ким?