Милиция кызматкерлери Бишкектеги Жеңиш аянтында феминисттердин жүрүшүнүн катышуучуларын кармады. Архив

Бишкек соту: 8-марттагы жүрүштө милициянын аракети мыйзамдуу деп табылды

122
(жаңыланган 19:06 13.06.2020)
8-мартта феминисттик кыймылдын өкүлдөрү аялдардын укугун коргоо максатында жүрүш өткөрүү үчүн чогулушкан. Бирок аларды таратабыз дегендер менен тирешип, милиция бардыгын кармап кеткен.

БИШКЕК, 13-июн. — Sputnik. 8-мартта өткөн жүрүштөгү милициянын аракети мыйзамдуу деп табылганын Бишкек шаардык сотунун маалымат кызматы билдирди.

Эске салсак, 8-мартта феминисттик кыймылдын өкүлдөрү Бишкек шаарындагы "Жеңиш" аянтына аялдардын укугун коргоо максатында жүрүш өткөрүү үчүн чогулган. Аларга 30га чукул адам тоскоол болуп, акцияны таратканга аракеттенген. Мындан кийин эки тарап тирешип, милиция акциянын катышуучуларын кармап кеткен. Ага катышкан алты аял жана коомдук тартипти бузууга катышкан беш кишиге 3000 сомдон 6000 сомго чейинки айып салынган. Алардын айрымдары бул чечимге макул болбой, сотко кайрылышкан.

Маалыматка ылайык, 12-мартта Свердлов райондук соту даттанууларды карап чыккан.

"Чогултулган маалыматтар боюнча, пландаштырылган тынчтык жүрүшү бет кап кийген белгисиз адамдар тарабынан өтпөй калган", — деп айтылат билдирүүдө.

Шаардык соттун билдиришинче, милиция кызматкерлери коомдук тартипти бузууга жол бербөө үчүн чара көргөн. Анын ичине "чыр-чатакка аралашкан эки тараптын өкүлдөрүн милиция бөлүмүнө алып келүү менен" өздөрү тууралуу маалыматтарын аныктап, иштин фактыларын тактап, юридикалык баа берүү кирет.

"Ички иштер органдарынын коомдук тартипти сактоого багытталган иш-аракетинин мыйзамдуулугун тастыктаган жагдайларды эске алып, сот арыздарды канааттандыруудан баш тартты. Сот укук коргоо органдарынын кызматкерлери коомдук тартипти жана жарандардын коопсуздугун камсыздоодо милдеттерин аткарды деп эсептейт", — деп айтылат маалыматта.

Эске сала кетсек, 8-марттагы жүрүштөгү окуяга нааразы болгондор 10-мартта акцияга чыгышкан.

122
Белгилер:
аялдар, милиция, сот, Бишкек
Тема боюнча
Укук коргоочу Рузиевди үй камагына чыгарышты
Мамлекеттик салык кызматынын маалыматтык камсыздоо бөлүмүнүн башчысы Эркин Сазыков. Архив

Сазыков: учурда 230 миңден ашуун адам салыкты онлайт төлөп жатат

0
Мамлекеттик салык кызматынын маалыматтык камсыздоо бөлүмүнүн башчысы Эркин Сазыков бирдиктүү салык декларациясын юридикалык жактар 1-мартка чейин тапшырышы зарыл деди.

Салык төлөөдөгү, декларация толтуруудагы электрондук кызматтарды онлайн колдонуу ыңгайлуу жана акысыз. Бул тууралуу Эркин Сазыков Sputnik Кыргызстан радиосуна маек куруп жатып билдирди.

Анын айтымында, быйыл жеке жактар салык декларациясын 2019-2020-жылдарга тапшырат.

"Азыркы убакта 230 миңден ашык салык төлөөчү электрондук форматка өткөн. Бул жарандардын өзү үчүн эле ыңгайлуу болот. Биринчиден, убактысы үнөмдөлөт жана 24 саат ичинде өзү каалаган учурда кызматтан пайдалануу мүмкүнчүлүгү түзүлөт. Экинчиден, азыркы эпидемиологиялык абалда коопсуздукту камсыздайт. Ошондой эле бул таптакыр акысыз көрсөтүлүүчү кызмат. Анан да анда электрондук эсептегичтер болуп, программа өзү жардам берет. Электрондук кызматтардан колдонуу үчүн болгону бир ирет тиешелүү мекемеге келип, логин алып, сыр сөзүн бекитип, https://salyk.kg/ сайтынан жеке кабинетке ээ болот", — деди Сазыков.

Ал жеке жактар бирдиктүү салык декларациясын 1-апрелге чейин тапшыруу зарылдыгын кошумчалады.

0
Белгилер:
онлайн, салык, декларация, Эркин Сазыков
Тема боюнча
Бирдиктүү салык декларациясы түн ортосуна чейин кабыл алына баштады
Офистеги аял. Архив

Бишкекте кайсы мектептин директору кызматында 20 жылдан ашык отурат? Тизме

309
(жаңыланган 15:07 25.02.2021)
Ордо калаадагы мектеп жетекчилеринин ичинен билим берүү жайын 15 жылдан ашык башкарып келе жаткандар аз эмес. Муниципалдык мектептер боюнча маалыматты материалдан окуңуздар.

Буга чейин билим берүү жана илим министри Алмазбек Бейшеналиев Кыргызстанда мектеп директорлорун ректорлор сыяктуу эле беш жылга шайлоо механизмин киргизүү боюнча эксперттик топ иштеп жатканын айткан.

Билим уясын жетектей турган адамды кандай жол менен тандашары азырынча белгисиз. Министр буга чейин мектеп директорлору боюнча көптөгөн суроолор келип жатканын айткан.

Председатель регионального института Центральной Азии Алмазбек Бейшеналиев
© Sputnik / Асель Сыдыкова
Билим берүү жана илим министри Алмазбек Бейшеналиев
"Өлкөдө жашы 70-80ге таяп калган жүздөгөн директор бар. Кээ бирлери ондогон жылдардан бери иштеп, өз каалоосу менен креслосун тапшыргылары келбейт. Себеби бул мамлекеттик кызмат катары эсептелбегендиктен чектөө жок. Коррупциялык схемалар бар, жаңылануу жок. Ошол эле учурда алардын арасында мыкты иштеп жаткандары дагы бар", — деди Бейшеналиев.

Sputnik Кыргызстан агенттигинин кабарчысы Бишкек шаарындагы мектеп жетекчилеринин тизмесин Шаардык билим берүү башкармалыгынан алып, буга чейин даярдалган макала менен ачык булактарда жазылган маалыматтарды кошуп таблица түздү.

Анда мектеп жетекчилеринин жаш курагы, канча жылдан бери билим берүү мекемесин башкарып келе жаткандыгы тууралуу жазылган.

Мектепти азыр башкарып жаткан жетекчилердин арасында Бишкек шаардык кеңешинин депутаты, БШК мүчөсү, Бишкектин мурдагы вице-мэри жана башка муниципалитеттин аткаминерлери бар.

Бир эле билим берүү жайын 20 жылдан ашык башкарып келе жаткан жетекчилердин катарында №7 мектептин директору Чолпон Бердалиев, №10 мектептин директору Кулжан Үмөталиева, №20 окуу-тарбия комплексин башкарган Чолпон Кудайбергенова, №23 мектеп-гимназиясынын директору Андрей Ситоленко, №27 орто мектебинин жетекчиси Бермет Носинова, №31 мектеп-гимназиясынын жетекчиси Тажыбүбү Өмүрзакова, №34 жардамчы мектебин башкарган Гүлизат Карасартова, №51 орто мектебин жетектеген Суусар Мураталиева бар.

Мындан сырткары, №59 мектептин директору Маргарита Ситникова, №61 физика-математикалык мектеп-лицейинин директору Юрий Низовский, №66 окуу-тарбия комплексинин жетекчиси Минара Якупова, №67 окуу тарбия комплексинин жетекчиси Светлана Керимкулова, №68 окуу-тарбия комплексинин директору Канымжан Өмүрова, №73 орто мектебин жетектеген Раушан Ниязбеков, №74 мектеп-лицейинин директору Гүлжан Абдуллаева, №1 гимназия-интернатын жетектеген Нуркалый Байматов жана №7 жумушчу жаштар мектебинин директору Назгүл Көөдөковалар 20 жылдан бери иштеп келишет.

Билим берүү жана илим министринин орун басары Надира Жусупбекованын айтымында, директорлорду дайындоо боюнча азыркы механизм коррупциялык тобокелчиликке алып келет.

Заместитель министра образования КР Надира Джусупбекова во время интервью корреспонденту Sputnik Кыргызстан
© Sputnik / Табылды Кадырбеков
Билим берүү жана илим министринин орун басары Надира Жусупбекова
"Билим берүү деңгээлин жогорулатуу үчүн ар бир мектепке компетенттүү директор керек. Азыр мектеп жетекчилерин дайындоо иштери менен билим берүү бөлүмдөрү иш алып барат. Өкмөттүн токтомуна ылайык, 2014-жылдан бери мектеп жетекчилери келишимди узартуу мүмкүнчүлүгү менен 5 жылга дайындалышат. Көпчүлүк директорлор 2014-жылга чейин шашылыш эмес келишимдерди түзүшкөн. Ошол себептен билим берүү башкармалыктары жана райондук бөлүмдөр алар менен келишимдерди токтотуп кое алышпайт. Азыр биз директорлор жетекчилик кызматка келиши үчүн тесттен өткүдөй жобону иштеп жатабыз. Мектеп жетекчилеринин жаш курагы жана иштөө мөөнөтү боюнча дискриминацияга каршыбыз. Бирок коррупциялык тобокелчиликти жокко чыгарган так механизмди киргизүүгө убакыт келди", — деди Жусупбекова.

Ал мектеп директорлорун баалоо критерийлери менен жумушка алуу же иштен кетирүү боюнча жаңы механизм быйылкы окуу жылында ишке кирет деген ишеничин кошумчалады.

309
Белгилер:
кызмат, жетекчи, мектеп, билим берүү, Бишкек
Тема боюнча
Сайназаров: мектеп директорлорун тандоодо үч багытка көңүл буруу зарыл