Жол кесилиштеринен өтө албай кыйналып калбаңыз! Айдоочуга кеңештер

© Sputnik / Эмиль СадыровАвтомобильный затор в Бишкеке
Автомобильный затор в Бишкеке - Sputnik Кыргызстан
Жазылуу
Айдоочуларга жол эрежесин эскертип туруу ашыкча болбос. Кесилиштен туура бурулуп, башка транспортко тоскоолдук жаратпайын десеңиз Sputnik Кыргызстан агенттиги даярдаган материалга көз чаптырыңыз.

ДТП в Бишкеке - Sputnik Кыргызстан
Жадыбалдай жатта! Жол кырсыгына кабылган айдоочу көрө турган 5 чара
Кесилиштерден өтүүнүн жол-жобосун Жол кыймылы коопсуздугун камсыздоо башкы башкармалыгы түшүндүрүп берди.

Жол кесилиштери өз ичинен жөнгө салынуучу жана жөнгө салынбай турган болуп экиге бөлүнөт. Ар биринде жүрүү эрежелери ар башка. Жөнгө салынуучу кесилиштер булар жол чырак орнотулган жерлер. Ал эми жөнгө салынбай турган кесилиш — жол чырак жок жерлер же светофордун жарыгы иштебей, сары белгил күйүп-өчүп калган учур.

Жөнгө салынуучу кесилиштен өтүү эрежеси:

— Светофордун жашыл сигналы күйүп, солго бурулаарда айдоочу карама-каршы багытта келе жатып түз өтүүчү же оңго бурула турчу транспорт ээсине жол бериши керек. Башкача айтканда, каршы тилкеде түз келе жаткан автоунааны өткөрүп жиберип андан кийин гана бурулушу зарыл;

— Светофордо сиз үчүн кошумча жарык күйдү. Бирок оң жактан келе жаткан автоунааларга да жашыл күйсө, айдоочу аларга жол бошотуп бериши керек. Аларды өткөрүп жиберген соң гана өткөн оң.

Жолдогу автоунаалар. Архив - Sputnik Кыргызстан
Жолдун экинчи катарынан кайсы учурда кайрылса болот? Айдоочуга кулак кагыш
Жол чырак уруксат берип, айдоочу кесилишке чыкты. Бул учурда айдоочу светофордун кандай сигнал бергенине карабай жолун улап кетиши керек. Алсак, жашыл күйгөндө өтүп, кесилишке келгенде кызыл же сары күйүп калса, айдоочу кесилишке токтоп калбашы зарыл.

Светофордун жашылы күйгөндө, айдоочу кесилиштеги кыймылын баштап алган транспорт каражатына да, жөө адамга да жол бериши керек.

Жөнгө салынбаган кесилиштердеги эрежелер:

— Жол чырак жок же өчүп калган кесилишке келгенде экинчи даражадагы жолдо келе жаткан айдоочу жол белгисин карап башкы жолдогу автоунаага жол берүүгө тийиш;

— Бирдей статуска ээ болгон, эч кандай белги жок жолдун кесилишине келип калган учурда автоунаа ээси оң жактан келе жаткан транспортко жол берүүгө милдеттүү;

— Башкы жол кесилиште багытын өзгөртүп калса, башкы жолдо келе жаткан айдоочулар бирдей статуска ээ болгон, эч кандай белги жок жолдун кесилишиндегидей эрежени карманышы керек. Экинчи даражадагы жолдо бара жаткандар да ушул эреже менен кыймылын улантуусу кажет;

— Бирдей статуска ээ болгон, эч кандай белги жок жолдун кесилишинде айдоочу солго бурулуп же артка кайрыла турган болсо, түз же оңго бараткан транспорт каражаттарына жол берүүгө милдеттүү;

— Эгерде жол караңгы болуп же көчөдө ылай, кар жана башка тоскоолдуктар болсо, айдоочу экинчи даражадагы жолдо баратам деп эсептеши керек.

Жаңылыктар түрмөгү
0