Белгилүү ырчы Малик Аликеев Бишкек шаарындагы Травматология жана ортопедия  илим-изилдөө борборуна алып келинди

Ырчы Малик Аликеев Бишкектеги ооруканага алып келинди

341
(жаңыланган 13:18 17.06.2020)
Буга чейин Малик Аликеевге операцияны белгилүү хирург-ортопед Сабырбек Жумабеков жасай турганы айтылган.

БИШКЕК, 17-июн. — Sputnik. Белгилүү ырчы Малик Аликеев Бишкек шаарындагы Травматология жана ортопедия  илим-изилдөө борборуна алып келинди. Бул тууралуу Маданият, маалымат жана туризм министрлигинен кабарлашты.

  • Известный певец Малик Аликеев был доставлен в отделение травматологии и ортопедии больницы №4 в Бишкеке
    Белгилүү ырчы Малик Аликеев Бишкек шаарындагы Травматология жана ортопедия  илим-изилдөө борборуна алып келинди
    © Фото / пресс-служба Министерства культуры, информации и туризма КР
  • Известный певец Малик Аликеев был доставлен в отделение травматологии и ортопедии больницы №4 в Бишкеке
    Маданият министри Азамат Жаманкулов жана президенттик аппараттагы Гуманитардык өнүктүрүүгө мониторинг жүргүзүү жана жарандык коомдун институттары менен өз ара иштешүү бөлүмүнүн башчысы Кудайберген Базарбаев ооруканага барып, ырчынын абалын сурап, мамлекет башчынын атынан материалдык жардам тапшырган
    © Фото / пресс-служба Министерства культуры, информации и туризма КР
  • Известный певец Малик Аликеев был доставлен в отделение травматологии и ортопедии больницы №4 в Бишкеке
    Алдын ала маалыматтар боюнча, Малик Аликеевге операцияны белгилүү хирург-ортопед Сабырбек Жумабеков жасай турганы күтүлүүдө.
    © Фото / пресс-служба Министерства культуры, информации и туризма КР
1 / 3
© Фото / пресс-служба Министерства культуры, информации и туризма КР
Белгилүү ырчы Малик Аликеев Бишкек шаарындагы Травматология жана ортопедия  илим-изилдөө борборуна алып келинди

Билдирмеге ылайык, маданият министри Азамат Жаманкулов жана президенттик аппараттагы Гуманитардык өнүктүрүүгө мониторинг жүргүзүү жана жарандык коомдун институттары менен өз ара иштешүү бөлүмүнүн башчысы Кудайберген Базарбаев ооруканага барып, ырчынын абалын сурап, мамлекет башчынын атынан материалдык жардам тапшырган.

"Алдын ала маалыматтар боюнча, Малик Аликеевге операцияны белгилүү хирург-ортопед Сабырбек Жумабеков жасай турганы күтүлүүдө. Аликеевге буга чейин кашка жилик менен жамбаштын бириккен жерине (эки жагына тең) операция жасалган. Азыркы тапта экинчи операцияга даярдык көрүлүп жатат. Аликеев эми министрликтин көзөмөлүндө болот", — деп айтылат билдирүүдө.

Буга чейин Малик Аликеев маданият министри Азамат Жаманкулов менен видеочалуу аркылуу байланышканда төрт жыл мурда операция болуп жакшы басып калганын, бирок кийин тепкичтен жыгылып кетип баса албай калганын айткан.

341
Белгилер:
ырчы, операция, Азамат Жаманкулов, Сабырбек Жумабеков, Малик Аликеев
Тема боюнча
Маданият министри ооруп жаткан Малик Аликеевден кабар алды. Сүрөт
Основатель Amazon и Blue Origin Джефф Безос на 33-м космическом симпозиуме в Колорадо-Спрингс, штат Колорадо, США. 5 апреля 2017 года

11 мүнөт үчүн 28 миллион доллар. Безос менен космоско учуучу орун сатылды

0
(жаңыланган 13:31 13.06.2021)
Аукционго катышуу ниетин билдирип дүйнөнүн 159 өлкөсүнөн 7 600 киши катталды. Жеңүүчү аукцион бүткөндөн бир нече апта өткөн соң жарыяланат.

БИШКЕК, 13-июн. — Sputnik. Аты айтылбаган сатып алуучу америкалык Blue Origin компаниясынын New Shepard кемеси менен космоско учуу мүмкүнчүлүгү үчүн 28 миллион доллар төлөдү. Бул тууралуу аталган компанияга таянып "Известия" жазды.

Сатыкка катышуу үчүн 159 өлкөдөн 7 600дөй киши катталган. Аукциондун жеңүүчүсү New Shepard кемесинде Blue Origin жана Amazon ишканаларынын негиздөөчүсү Жефф Безос жана анын агасы Марк менен бирге 20-июлда космоско учат. Асманга учуу болжол менен 11 мүнөткө созулат.

New Shepard Техастагы космодромдон көтөрүлөт.

Капсула экипаждан ажырагандан кийин тигинен конууга туура келет, капсула Жердин бетинен болжол менен 105 чакырым бийиктикке көтөрүлүп, андан кийин парашют менен конот.

Жеңүүчү аукцион бүткөндөн бир нече апта өткөн соң жарыяланары белгиленет. Кийинчерээк төртүнчү жана экипаждын акыркы мүчөсүнүн ысымдары айтылат.

Blue Origin буга чейин New Shepard космос кемесинде пилотсуз режимде 15 ирет тесттик учуулар жасалган. Акыркысы апрель айынын орто ченинде болгон.

0
Белгилер:
АКШ, Жефф Безос, учуу, космос, аукцион
Тема боюнча
Кытай алгачкы жолу Марска космостук аппаратын кондурду
Жолдо бараткан фура. Архив

Жүрөктү түшүрөт! Бишкек Ош жолунда фура жеңил унааны коюп кете жаздаган видео

30
(жаңыланган 13:27 13.06.2021)
Видеодон жүк ташуучу унаа каршы тилкеге чыга калганын, ал коюп кете жаздаган жеңил унаадагы жүргүнчүлөр коркуп кеткенин байкоого болот.

БИШКЕК, 13-июн. — Sputnik. Бишкек — Ош унаа жолунда жүк ташуучу автоунаа жеңил унааны коюп кете жаздады.

Жүрөк үшүн алган видео "Короче" Telegram каналына жарыяланды. Анда окуя 11-июнь күнү саат 17:00дө болгону жазылат.

Видеодон жүк ташуучу унаа каршы тилкеге чыга калганын, аны көргөн жеңил унаадагылар коркуп кеткенин байкоого болот. Видеонун автору ИИМге айдоочуну таап, жазасын берүүнү өтүнгөн.

ИИМдин Жол кыймылы коопсуздугун камсыздоо башкы башкармалыгынын өкүлү Тилек Оторов Sputnik агенттигине окуя көзөмөлгө алынганын жана такталып жатканын билдирди. Толук маалымат кийинчерээк берилери убадаланды.

30
Белгилер:
Бишкек - Ош жолу, кырсык, видео, жол, унаа, авто
Тема боюнча
Жалал-Абаддагы үрөй учурган жол кырсык. Маркумдардын аты-жөнү такталды