Эсеп палатасынын төрагасы Улукбек Марипов. Архивдик сүрөт

Эсеп палатасынын тилинен жаңылган төрагасы депутаттан кечирим сурап кутулду

1460
(жаңыланган 19:15 17.06.2020)
Депутат Эсеп палатасы президентке туура эмес документ жөнөткөнүн сындаса, жетекчи "президентибиз ага өзү баа берер" деп кийлигишпөөсүн өтүнгөн таризде жооп кайтарган.

БИШКЕК, 17-июн. — Sputnik. Эсеп палатасынын төрагасы Улукбек Марипов тилинен жаңылганы үчүн депутат Улукбек Ормоновдон кечирим суроого аргасыз болду.

Белгилей кетсек, бүгүн Эсеп палатасы 2019-жылдагы иши тууралуу парламентке отчёт берди.

Ормонов "Дастан" ишканасы боюнча түзүлгөн актыда эсептөөлөр рубль, доллар менен жазылып, сом менен көрсөтүлбөгөнүн белгиледи.

"Ишкананын отчётундагы миллиондогон, миллиарддаган келишимдерди караган эмессиңер. Бир миллиондук келишимдер 1000 доллар деп жүрөт", — деди Ормонов.

Марипов баары мыйзам чегинде каралып, отчёт президентке, Жогорку Кеңешке жөнөтүлгөнүн айтты.

Андан соң Ормонов "президентке да ушундай текшерилбеген отчёт жиберилсе, анда "азамат" экенсиңер" деп сындады.

Буга Марипов "аны эми урматтуу президентибиз өзү баа берер, сиз ага..." деп кийлигишпөөгө ишарат кылгандай жооп кайтарды.

Мындай жоопко ачууланган депутат акыл үйрөтпөй сүйлөшүн талап кылды. Кийинчерээк ал кайра сөз алып, Эсеп палатасынын отчётун артка кайтаруу сунушун берди.

"Эсеп палатасынын төрагасы отчёт убагында парламент ага баа бербей турганын айтты. Урматтуу кесиптештер, Эсеп палатасы парламентке отчёт берүүгө милдеттүү, өзүнүн тартиби туура эмес экенин көрсөтүп, азыркы отчётун артка кайтаралы", — деди Ормонов.

Андан соң Марипов туура эмес сүйлөп алганын моюндап, эл өкүлүнөн кечирим сурады.

Буга ынанбаган Ормонов кайра чыгып, жалпы парламентте кечирим сурашын талап кылды.

Марипов андан дагы, жалпы парламенттен да расмий түрдө кечирим суроого аргасыз болду.

Натыйжада депутаттар Эсеп палатасынын отчётун колдоп берди.

1460
Белгилер:
Улукбек Ормонов, Эсеп палатасы, суроо, кечирим, Улукбек Марипов
Тема боюнча
Премьер болгондо мурдагыдай тойлорго барбаңыз. Депутат Бороновго сунуш айтты
Блок-посттогу ИИМ кызматкерлери. Архив

Баткенде бүгүн киргизилген катуу чектөөлөр кайрадан алынды

146
(жаңыланган 21:45 28.09.2020)
Акыркы күндөрү Кыргызстанда COVID-19 жуктуруп алгандардын саны кайра арбып кетти. Алардын көбү Баткен облусунан чыгууда.

БИШКЕК, 28-сен. — Sputnik. Баткен облусунда курчуган эпидемиологиялык кырдаалдан улам бүгүн киргизилген бир нече чектөөлөр бир сутка өтпөй жоюлуп, республикалык штаб бир нече тармактын иштөөсүнө кайра уруксат берди. Бул тууралуу аталган штаб кабарлады.

28-сентябрда эпидемиологиялык кырдаалга байланыштуу кабыл алынган чечимдер, республикалык штабдын тапшырмасы менен кайрадан каралып чыккан.

Эске салсак, бүгүн Баткенде облустар жана райондор аралык, ошондой эле райондук, шаардык ички коомдук транспорттун каттамы убактылуу токтотулган. Мал базарлардын иштебей, мечиттерде жамаат менен жума намаздарын окулбай турганы айтылган эле.

Соңку суткада коронавирустан Ош облусунда бир адам көз жумду

"Анда жер-жерлерде, райондук администрация жана шаардык мэрияларга кайрылган коомдук транспорттун айдоочуларынын жана жергиликтүү тургундардын кабыл алынган чектөөлөр, алардын турмуш шартына түздөн-түз таасир этери айтылган. Коомдук транспорттун, мал базарларын жана мечиттердин кадимки нукта иштөөсүнө уруксат сурап, бардык санитардык талаптарды сактай тургандыктарын айтып кайрылган сунуштары эске алынды", — деп жазылган маалыматта.

Мындан улам облустук штаб маселени кайра карап чыгып, санитардык талаптарды сактоо менен иштөөгө уруксат берген.

"Бирок облуста катуу көзөмөлдөгү бет кап режими жана той-аштарга болгон чектөөлөр күчүндө калды. Ал эми базарларда, соода борборлорунда, дүкөндөрдө, тамактануучу жайларда, коомдук жайларда санитардык талаптардын аткарылышы боюнча күн сайын рейд жана дезинфекциялоо иштери жүрөт, баш ийбегендерге мыйзам чегинде чара көрүлөт", — деп билдиришти штабдан.

Вирус күчөп бараткан Баткендин экинчи толкунга даярдыгы кандай

Акыркы күндөрү Кыргызстанда COVID-19 жуктуруп алгандардын саны кайра арбып кетти. Бүгүн, 28-сентябрга карата, 104 кишиден вирус табылды.

146
Белгилер:
чектөө, коронавирус, Баткен облусу, Кыргызстан
Тема:
Коронавируска байланыштуу Кыргызстандагы кырдаал
Тема боюнча
КРде бир нече аптадан бери алгачкы өлүм катталды. COVID боюнча статистика
Баткенде санитардык талаптарды аткарбагандарга айып салынды. Арасында 9 мамкызматкер бар
COVID-19га каршы россиялык Спутник V вакцинасы. Архив

Россиялык вакцинанын алгачкылары Беларуска келе баштады

26
(жаңыланган 21:15 28.09.2020)
Клиникалык изилдөөлөр Беларустун сегиз медициналык мекемесинде жасала тургандыгы айтылды. Эмдөө 1-октябрда башталмакчы.

БИШКЕК, 28-сен. — Sputnik. COVID-19га каршы россиялык "Спутник V" вакцинасынын биринчи партиясы Беларуска алып келинди. Бул тууралуу Түз инвестициялар боюнча россиялык фонд билдирди.

Фонд бул азырынча дүйнө боюнча катталган бирден бир вакцина экендигин айтты. Аны клиникалык изилдөө жасоо үчүн Россиянын жер-жерлерине жеткиришкен, эми бул процедураларга Беларусь кошулду. Ал препаратты алган биринчи чет мамлекет болуп калды.

Клиникалык изилдөөлөрдүн Беларустун сегиз медициналык мекемесинде жасала тургандыгы айтылды. Ыктыярчыларды эмдөө 1-октябрда башталмакчы. Фонд 100 киши катышкан Беларустагы клиникалык изилдөөнү каржылап бермекчи.

Путин менен жолуккан Жээнбеков: россиялык вакцина КРге жетет деп үмүттөнөм

Фонддон мындай иш-чараны Бразилия, Индия, Сауд Аравиясы, Египет жана Бириккен Араб Эмирлигинде жүргүзүү пландалып жаткандыгын айтышты.

Вакцина суроо-талап жаралып, КМШнын, Европаны, Азияны, Жакынкы Чыгышты жана Латын Америкасын кошкондо 50 мамлекеттен арыз түшкөн.

Буга чейин аталган фонд макулдашуунун негизинде өнөктөштөр менен сүйлөшүү жүргүзүлүп, Мексикага 32 миң, Бразилияга 50 миллион, Индияга 100 миллион, Өзбекстанга 35 миллион доза берилерин айткан эле.

26
Белгилер:
Россия, вакцина, Беларусь
Тема:
Дүйнөгө жайылган коронавирус
Тема боюнча
COVID-19га каршы россиялык вакцина КМШга берилет