Абитуриент экзамен учрунда. Архив

Эртең ЖРТ башталат. Министр шарттарын айтып берди

212
(жаңыланган 12:57 20.06.2020)
Быйыл жалпысынан мектепти 58 730 бүтүрүүчү аяктаса, анын 41 727си тестке катышат. Эртең саат 8.00дөн тарта негизги сабактар боюнча, 22-июнь күнү кошумча предметтерден сынак өтөт.

БИШКЕК, 20-июн. — Sputnik. Эртең, 21-июнь күнү, Кыргызстанда мектеп бүтүрүүчүлөрү үчүн жалпы республикалык тестирлөө башталат. Ага 41 727 абитуриент катышат. Бул тууралуу брифинг учурунда билим берүү жана илим министри Каныбек Исаков билдирди.

"Быйыл мектепти 58 730 бүтүрүүчү аяктаса, анын 41 727си тестке катышат. Эртең саат 8.00дөн тарта негизги сабактар боюнча, 22-июнь күнү кошумча предметтерден сынак өтөт", — деди министр.

Ал эми тестирлөөнүн экинчи этабы 25-27-июнь күндөрү өткөрүлөт. Бул экөөнө тең кандайдыр бир себептер менен катыша албай калган балдар 11-12-июль күнү үчүнчү этабына катышса болот.

Учурда тест өткөрүүчү 117 борбор иштеп жатат.

Министр ар бир абитуриенттин коопсуздугу үчүн санитардык шарттар түзүлгөнүн кошумчалады.

212
Белгилер:
Жалпы республикалык тестирлөө, Каныбек Исаков, коронавирус, Кыргызстан
Тема боюнча
Жусупбекова: экзамендик баа коюуда окуучунун жеке жетишкендиги каралат
ЖРТга даярданууда эмнелерди эске алуу керек? Кыргызстандык адистен 9 кеңеш
Аттестат качан берилип, ЖОЖдор кантип кабыл алат? Бүтүрүүчүнүн 8 суроосуна жооп
Жамгыр. Архив

Күндүн көзү ачылбайт... Бир жумага карата аба ырайы

9
Келе жаткан аптада өлкөнүн көп бөлүгү жаан-чачындуу болуп, кээ бир жерде катуу жаагандыктан сел жүрүшү мүмкүн.

БИШКЕК, 9-авг. — Sputnik. Кыргызгидромет агенттиги келерки аптага карата аба ырайынын божомолу тууралуу маалымат таратты.

Ага ылайык, жуманын баш жагында нөшөрлүү жаан-чачын көп болуп, сел жүрүү коркунучтары жаралат. Андан кийинки күндөрү дагы жаан токтобойт.

Бишкекте 9-августта өткүн өтүп, күн күркүрөйт. 13-август күнү күндүз жаан жаашы мүмкүн. Калган күндөрү күн ачык болот. 9-13-август күндөрү Чүй жана Талас облустарында мезгил-мезгили менен, айрым жерлерде катуу жаан жаап, күн күркүрөшү күтүлөт.

Ушул эле күндөрү Баткен облусунун кээ бир райондорунда, Ош, Жалал-Абад облустарынын тоо этектеринде жана тоолуу райондорунда өткүн өтүп, күн күркүрөйт.

Ал эми Ысык-Көлдө дагы келерки жумада жаан жаайт.

Ошондой эле Нарын облусунда күндүн көзү ачылбай, эртең менен жана күндүз көпчүлүк аймактарда жаан жаайт.

9
Белгилер:
жаан-чачын, аба ырайы, Кыргызгидромет
Тема боюнча
Сууга түшөрдө баланын жанынан карыш жылбаңыз! ӨКМдин ата-энелерге эскертүүсү
Чагылган тийүүдөн кантип сактануу керек. Адистердин кеңеши
Буурчак. Архив

Окумуштуулар кайсы өсүмдүк жүрөк ооруларына, кант диабетине жардам берерин айтты

34
(жаңыланган 08:32 09.08.2020)
Буурчак дандары (буурчак, кой буурчак, жасмык) жүрөк-кан тамыр системасына жакшы таасир этип, анын эсебинен адамдагы кант, холестерин азаят.

БИШКЕК, 9-авг. — Sputnik. Буурчак өсүмдүктөрү кандагы канттын деңгээлин төмөндөтүп, жүрөк ооруларын алдын алат. Бул тууралуу “Известия” жазып чыкты.

Канададагы Гуэлфск университетинин дарыгерлеринин айтымында, буурчак азыктар жүрөк-кан тамыр системасына жакшы таасир этип, анын эсебенин организмдеги кант жана холестерин азаят.

Ал эми Food.news интернет порталы жогорудагы өсүмдүктөр кан тамырларды жабыркатпай турганын жазат. Бирок ошол эле маалда аны бардык илдеттерге шыпаа болот деп санабоо керектигин эскертет.

Чач түшпөсүн, тырмак сынбасын десеңиз... С витамини көп 8 азыктын тизмеси

Анын курамында түрдүү клетчатка жана белок арбын. Адистер андан тамак-аш даярдоо алдында буурчактарды сегиз саатка чейин сууга чылап койсо, көбүүрөк пайда болорун баса белгилешет.

34
Белгилер:
төө буурчак, Окумуштуулар, ден соолук
Тема боюнча
Сексолог төшөк мамилесин арттырууга жардамчы болгон азыктарды санап берди
Көмөч казан эскирип калганын кантип билсе болот? Шеф-повардан кеңештер