Күн тутуму. Архивдик сүрөт

Бишкектиктер тутулган күндү сүрөт, видеого тартып алышкан

2346
(жаңыланган 14:57 21.06.2020)
Кыргызстандыктар өзгөчө астрономиялык кубулушка күбө болуп, күндүн тутулушун көрө алышты. Айрымдары бул учурду сүрөт, видеого тартып алууга жетишкен.

БИШКЕК, 21-июн. — Sputnik. Бишкектиктер соцтармактарга шакекче түрүндө тутулган күндүн сүрөт, видеолорун жүктөшүүдө.

Борбор калаада ал толук көрүнгөн жок, күндүн чекеси эле шакекче түрүндө жабылды. Астрономиялык кубулуш бүгүн, 21-июнда, саат 11:12де башталып, жогорку көрсөткүчү саат 12:35дер чамасында болду.

Күндүн тутулушун байкоого жакшы шарт Кытайдын түштүк тарабында, Индиянын түндүк бөлүгүндө, Пакистандын түштүгү жана бир катар Араб, Африка өлкөлөрүндө түзүлгөн.

Белгилей кетсек, күн тутулуу — эң узак күнгө туура келген (17 саат 33 мүнөт). Баса, бүгүн ай да жаңырат.

2346
Белгилер:
ай, кубулуш, күн, Бишкек
Тема боюнча
Дүйнөнү суктанткан! Гагариндин космоско учкан 59 жыл илгерки видеосу
 Жогорку Кеңештин депутаты Алмазбек Акматов. Архив

ЖК депутаты Алмазбек Акматов каза болду

51
(жаңыланган 22:06 28.02.2021)
Эл өкүлү узак убакыттан бери оору менен алышып келгени айтылды. Депутаттыкка чейин бир катар кызматтарды аркалаган.

БИШКЕК, 28-фев. — Sputnik. Жогорку Кеңештин депутаты Алмазбек Акматов 57 жашында каза болду. Кабарды парламенттин маалымат кызматы ырастады.

Анда Акматовдун узак убакыттан бери илдет менен күрөшүп келгени айтылат.

Ал 2015-жылы "Бир Бол" партиясынын тизмеси менен депутат болуп шайланган.

Алмазбек Акматов 1964-жылы 18-октябрында Нарын облусундагы Ак-Талаа районундагы Дөрбөлжүн айылында төрөлгөн.

Депутаттыкка чейин СССРдин коргоо министрлигинде аскердик-саясий кызматтарда, президенттин иш башкармалыгында, Эсеп палатасында иштеген.

51
Белгилер:
оору, депутат, Алмаз Акматов
Тема боюнча
СССРдин эл артисти Токтоналы Сейталиев 84 жаш курагында дүйнө салды
Уктап жаткан кыз. Архив

Дем алуу көнүгүүсүн жасап бир мүнөттө уктап калса болот. Адистин кеңеши

26
Көнүгүү жасагандан тышкары уктаар алдында тамак, кофе ичпеш керек, ошондой эле гаджеттерди алысыраак коюу сунушталган.

БИШКЕК, 28-фев. — Sputnik. Дем алуу көнүгүүсүн жасап бир мүнөттө уктап калса болорун Аризон университетинин (АКШ) интеграциялык медицина боюнча адиси Эндрю Вайлга таянып Daily Mirror жазды.

Адис сунуштаган ыкма "4–7–8" деп аталып, терең жана бирдей ыргакта дем алуу бир эле мүнөттүн ичинде уктап калууга жардам берет. Муну Индияда йога менен машыккандар колдонуп жүрөт.

"Түндө ойгонуп кеткенде дагы ушул көнүгүүнү жасап уктап калса болот", — деген Вейл.

Мурун менен төрт секунд жай дем алып, аны жети секунд кармап, сегиз секундда демди чыгарып салуу керек. Муну уктап калгыча кайталоо зарыл. Бул дем алуу көнүгүүсү чыңалуудан арылууга да жардам берет. Адис ыкманы бир жасап таштап койбой кайталап туруу керектигин айткан.

Көнүгүү жасагандан тышкары уктаар алдында тамак, кофе ичпеш керек, ошондой эле гаджеттерди алысыраак коюу сунушталган.

26
Белгилер:
кеңеш, көнүгүү, уйку
Тема боюнча
COVID-19дан кийин мээни кантип калыбына келтирүү керек? Неврологдун кеңеши
Рактын этибар албаган беш белгиси аталды