Жерди трансформациялоо боюнча мыйзам долбоорунда кемчиликтер бар жана ал кечиктирилип жатат деген талап менен жүздөй адам өкмөт үйүнүн алдына митингге чыкты

Бүтпөгөн жер көйгөйү: трансформация мыйзамына нааразылар митингге чыкты

245
(жаңыланган 15:06 22.06.2020)
Буга чейин айдоо жерлерге үй куруп алган жана жеке менчик укугуна мамлекеттик актылары бар жарандардын маселелерин чечүүгө багытталган мыйзам долбоору парламенттин кароосуна жөнөтүлгөн.

БИШКЕК, 22-июн. — Sputnik. Жерди трансформациялоо боюнча мыйзам долбоорунда кемчиликтер бар жана ал кечиктирилип жатат деген талап менен жүздөй адам өкмөт үйүнүн алдына митингге чыкты.

  • Митинг с требованием решить вопрос с трансформацией земельных участков у Дома правительства в Бишкеке
    Жерди трансформациялоо боюнча мыйзам долбоорунда кемчиликтер бар жана ал кечиктирилип жатат деген талап менен жүздөй адам өкмөт үйүнүн алдына митингге чыкты
    © Sputnik / Табылды Кадырбеков
  • Митинг с требованием решить вопрос с трансформацией земельных участков у Дома правительства в Бишкеке
    Акцияга чыккандардын эки талабы бар
    © Sputnik / Табылды Кадырбеков
  • Митинг с требованием решить вопрос с трансформацией земельных участков у Дома правительства в Бишкеке
    Биринчиси — мыйзам долбооруна буга чейин үй курулуп калган гана жерлерди эмес, элге берилип кеткен бардык жер тилкелерин киргизүү
    © Sputnik / Табылды Кадырбеков
  • Митинг с требованием решить вопрос с трансформацией земельных участков у Дома правительства в Бишкеке
    Экинчиси — Жогорку Кеңеш каникулга тарап кеткенге чейин мыйзамды кабыл алып берүү
    © Sputnik / Табылды Кадырбеков
  • Митинг с требованием решить вопрос с трансформацией земельных участков у Дома правительства в Бишкеке
    Чогулган эл өкмөт бул маселени чечип бермейинче нааразычылык акциясын токтотпой турганын айтууда.
    © Sputnik / Табылды Кадырбеков
1 / 5
© Sputnik / Табылды Кадырбеков
Жерди трансформациялоо боюнча мыйзам долбоорунда кемчиликтер бар жана ал кечиктирилип жатат деген талап менен жүздөй адам өкмөт үйүнүн алдына митингге чыкты

Буга чейин айдоо жерлерге турак үй куруп алган жана жеке менчик укугуна мамлекеттик актылары бар жарандардын маселелерин чечүүгө багытталган мыйзам долбоору парламенттин кароосуна жөнөтүлгөн. Анда өкмөт 11 миң жер участогун трансформациялоону көздөп жатканын айткан эле.

Акцияга чыккандардын эки талабы бар. Биринчиси — мыйзам долбооруна буга чейин үй курулуп калган гана жерлерди эмес, элге берилип кеткен бардык жер тилкелерин киргизүү. Экинчиси — Жогорку Кеңеш каникулга тарап кеткенге чейин мыйзамды кабыл алып берүү.

"Бул жердеги кишилер мыйзамды сыйлап, атайын чечим чыкмайынча коё туралы деп үй салбай отургандар. Өкмөт аталган мыйзам менен үй салып алгандарды гана мыйзамдаштырат экен. Калгандар эмне кылабыз? Экинчиден, парламент каникулга тарап кетсе, күздө жаңы депутаттар ишке киришип, маселени түшүнгүчө бул жыл бүтүп калат", — дейт атын атагысы келбеген жаран.

Ал эми Жаркын аттуу аял жер маселеси чечилбей келгендиктен, 3-4 муун бир үйдө кысылып жашоого туура келип жатканын кошумчалады.

Чогулган эл өкмөт бул маселени чечип бермейинче нааразычылык акциясын токтотпой турганын айтууда.

245
Белгилер:
мыйзам, митинг, трансформация, жер, өкмөт, Бишкек
Тема боюнча
Өкмөт 11 миң жер участогун трансформациялоону көздөп жатат
Таш бакадай. Депутат өкмөттүн жерди трансформациялоо боюнча ишин сындады
Мектептеги окуучулар. Архив

Кыргызстанда окуучулар кайсы айда мектепке барары айтылды

4857
(жаңыланган 22:40 30.09.2020)
Мектептерде ар кандай иш-чаларды өткөрүүгө жана ата-энелер менен башка уюмдардын өкүлдөрүнүн имаратка кирүүсүнө уруксат жок.

БИШКЕК, 30-cен. — Sputnik. 2020-жылдын 6-октябрынан тарта 1-класстан 6-класска чейинки окуучулар жалпы билим берүү мекемелеринде салттуу түрдө окуй баштайт. Мындай чечим Республикалык ыкчам штабдын отурумунда кабыл алынды.

Маалыматка караганда, 2020-2021-окуу жылында 1-6-класстын окуучулары үчүн билим берүү процессин реалдуу режимде жандандырууда санитардык-гигиеналык нормаларды сактоо боюнча иш-аракеттердин алгоритми иштелип чыкты. 

Ага ылайык, окуучулардын жана мугалимдердин ден соолугу медицина кызматкерлери тарабынан көзөмөлдөнүп, мугалимдердин дене табы өлчөнүп турууга жана бет кап режимин сактоого тийиш. Окуучулар окуу процессинде аралыкты сактоо менен отургузулат. Алар колдорун бат-бат жууп турушу үчүн тиешелүү каражаттар менен камсыз кылынат.

3D китебинин автору: оюн түрүндөгү "Ойнобук" баланын акылын өстүрөт

Ошондой эле кызматкерлердин, үй-бүлө мүчөлөрүнүн ден соолугу, аларда илдеттин белгилеринин бар-жогу боюнча анкета толтурулуп турат.

“Эгерде мектепте окуучулардын саны 200гө чейин болсо, план боюнча бекитилген расписаниеге ылайык кадимки режимде окуу процесси уюштурулат. Ал эми балдардын саны 350гө чейин болсо, ийкемдүү расписание боюнча окутулат. Тагыраагы, сабактардын башталышы жана тыныгуулар ар кандай убакытта уюштурулат. Мисалы, 1-2-класстарда сабак 8.00дө башталса, 3-4-класстар саат 8.30га келишет. Балдардын саны 500гѳ чейин болсо, кезектешүү негизде болот. Мисалы, 1-2-3-класстар 1-кезметте, 4-5-6-класстар 2-кезметте окушат. Ашканада тамактануу процесси да смена боюнча уюштурулат”, — дешти штабдан.

Муну менен катар мектептерде ар кандай иш-чаларды өткөрүүгө жана ата-энелер менен башка уюмдардын өкүлдөрүнүн имаратка кирүүсүнө уруксат жок.

Ал эми мектеп балдар келгенге чейин дезинфекцияланууга тийиш. Бирок бул иш-чарада пайдаланыла турган каражаттардын концентрациясы белгиленген өлчөмдө гана колдонулат.

4857
Тема:
Коронавируска байланыштуу Кыргызстандагы кырдаал
Тема боюнча
5-октябрдан тарта башталгыч класстар мектепке барып окуйбу? Расмий жооп
Кол чатыр көтөргөн кыз. Архив

Бейшембиге карата аба ырайы

114
(жаңыланган 21:03 30.09.2020)
Бейшембиге караган түнү айрым райондордо жамгыр жаап, тоолуу өрөөндөрдө кар жаашы күтүлөт.

БИШКЕК, 30-сен. — Sputnik. 1-октябрь, бейшембиде, күндүз Талас облусунун кээ бир райондорунда, Ысык-Көл, Нарын жергесинин көпчүлүк аймактарында, Чүй, Ош, Жалал-Абад, Баткен облустарынын тоо этектеринде жамгыр жаап, тоолуу жерлерге кар түшөт. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрге жетет.

Жер көчкөн Кара-Кече көмүр кенине электр жарыгы берилди. Сүрөттөр

Абанын температурасы Чүйдө +14...+19, Талас, Нарын жана Ысык-Көл аймактарында +12...+17, Ош, Жалал-Абад, Баткен облустарында +16...+21 градус болот.

Термометрдин көрсөткүчү борбор калаабыз Бишкекте +17...+19, Ош шаарында +18...+20 градусту көрсөтүп турат.

114
Белгилер:
Кыргызстан, аба ырайы
Тема боюнча
Кыштын илеби жакындап... Октябрь айына карата аба ырайы
АКШнын Киевдеги элчилигин имараты. Архив

Киевде АКШ элчилигинде иштеген аялдын өлүмүнүн себеби иликтенип жатат

0
(жаңыланган 22:52 30.09.2020)
Алгач полиция аялды өлтүрө сабап кетишкенин билдирсе, кийинчерээк жергиликтүү басылмага укук коргоо органдарындагы ишенимдүү адам аны поезд коюп кетиши мүмкүндүгүн маалымдаган.

БИШКЕК, 30-сен. — Sputnik. Украинанын борбору Киевде АКШ элчилигинин кызматкеринин өлүмү иликтенип жатат. Бул тууралуу РИА Новости жазды.

Киев Улуттук полициясынын маалымат кызматы дипөкүлчүлүктүн кызматкери ооруканага токмок жеп түшкөндөн кийин каза тапканын билдирген. Укук коргоо органдары окуянын жагдайын тактап жатат.

Трамп: полиция кызматкерлерин жөн жерден атып кеткен киши өлүм жазасына тартылат

Полициядан билдиришкендей, шаршемби күнү Киев шаарынын Шевченко районундагы темир жол каттамына жакын жердеги токойлуу аймакта башынан жаракат алган аял жатканы тууралуу маалымат түшкөн. Ал жакка полиция кызматкерлери жана башка кызматтардын өкүлдөрү жөнөп кеткен.

"Аял эс-учун жоготкон абалда ооруканага жаткырылып, кийин ал ошол жерден көз жумган. Жабырлануучунун буюмдарын текшерүү учурунда анын АКШ элчилигинде иштей турганын тастыктаган күбөлүк табылган. Ыкчам иликтөө иш-чараларынын натыйжасында кызматкерге кол салышы ыктымал делген адамдын болжолдуу портрети түзүлүп, изделип жатат", — деп айтылат маалыматта.

Украина полициясынын өкүлдөрү РИА Новостиге маркумдун жарандыгы тактала электигин билдиришкен. Жергиликтүү маалымат каражаттарынын жазышынча, аялдын аты Санвер Никаело болгон.

Андан кийин "Цензор.НЕТ" басылмасы укук коргоо органдарындагы ишенимдүү адамга таянуу менен элчиликтин кызматкерин поезд коюп кетиши ыктымалдыгын жазган. Аял кулакчын тагынып алып темир жол жакта чуркаганы божомолдонгон.

Ошондой эле маалымат берген киши элчиликтин кызматкери желке тушунан оор жаракат алганын кошумчалаган.

0
Белгилер:
иликтөө, өлүм, кызматкер, элчилик, АКШ, Киев, Украина
Тема боюнча
Киев: бомба жардырам деген өзбекстандыкты аскерлердин кармаган учуру. Видео