1945-жылдын 24-июнунда Москванын Кызыл аянтында өткөн алгачкы Жеңиш парады. Аны Советтер Союзунун маршалы, 1-Беларусь фронтунун командачысы, Жогорку башкы командачынын орун басары Георгий Жуков кабыл алган.

Алгачкы Жеңиш парадын эмнеге Сталин эмес, Жуков кабыл алган. 75 жыл мурдагы тарых

933
(жаңыланган 11:57 24.06.2020)
1945-жылдын 24-июнунда Москванын Кызыл аянтында өткөн алгачкы Жеңиш парады — бул СССРдин Улуу Ата Мекендик согушта фашисттик Германияны жеңгенин тастыктап, даңазалаган тарыхый парад.

Аны Советтер Союзунун маршалы, 1-Беларусь фронтунун командачысы, Жогорку башкы командачынын орун басары Георгий Жуков кабыл алган. Ал эми парадды Советтер Союзунун маршалы, 2-Беларусь фронтунун командачысы Константин Рокоссовский башкарган.

Парадды Жеңиш күнүнөн кийин дароо эле өткөрүүнү СССРдин Куралдуу Күчтөрүнүн башкы командачысы Иосиф Сталин чечкен. 1945-жылдын 24-майында Генералдык штаб Жеңиш парадын өткөрүү боюнча сунуштарды киргизген. Бардык шартка макул болгон Сталин бир гана параддын убактысына каршы чыккан. Штабдын сунушу боюнча парадды даярдоого эки ай керек эле, Сталин бир айдан кийин өткөрүүнү буюрган.

Иосиф Виссарионович Сталин в годы Великой Отечественной войны 1941-1945 годов. Справа - маршалы Георгий Константинович Жуков и Константин Константинович Рокоссовский.
© Sputnik / РИА Новости
Иосиф Сталин Улуу Ата Мекендик согуш жылдарында. Анын оң тарабында маршалдар Георгий Жуков менен Константин Рокоссовский.

Парадды атчан кабыл алуу керек эле, мындан улам атта жакшы жүрө албаган Сталин бул вазийпадан баш тартат да, Жуковду чакырып: "Менден жашсыз, кавалеристсиз, андыктан парадды сиз кабыл аласыз" дейт

Кызыл Армиянын Генералдык штаб жетекчисинин 1945-жылдын 24-майындагы директивасына ылайык, жеңиш парадына катышуу үчүн согуштун акырында кандуу кармашка катышкан 10 полк, Аскер-деңиз флотунун жана СССРдин Коргоо наркоматынын полктору тартылган. Мындан тышкары, Москвада жана Москва облусунда жайгашкан академия менен училищелердин жоокерлери, Москва гарнизонунун күчтөрү катышкан. 

Москва. Красная площадь 24 июня 1945 года.
© Sputnik / Анатолий Гаранин
1945-жылдын 24-июну. Москва шаары, Кызыл аянт

Жеңиш парадына катышуучулар атайын поезд менен Москвага 10-июндан тарта келе башташкан. Аларды уюштуруучулар Алешкинский, Лефортовский. Октябрь жана Чернышевский казармаларына жайгаштырышкан.

Кургактагы бөлүк парадга Москванын М.В.Фрунзе атындагы борбордук аэродромунун аймагында, Ходынь талаасында даярданышкан. Ал эми артиллерия Крым көпүрөсүнөн Смоленск аянтына чейинки аймакта, мотомеханизациялаштырылган жана бронетанкалык техника Кузьминкидеги полигондо даярдык көргөн. 

Торжественный марш воинов 3-го Украинского фронта во главе с маршалом Советского Союза Толбухиным Федором Ивановичем на Параде Победы на Красной площади 24 июня 1945 года.
© Sputnik / Сергей Лоскутов
Алгачкы Жеңиш парады өтүп жаткан маалда нөшөрлөп жаан жааганы айтылат.

Параддын ар бир катышуучусу үчүн жаңы үлгүдөгү форма тигилген. Уюштуруучулардын сценарийи боюнча жоокерлердин жүрүшү Москвага Берлинден 20-июнь күнү алып келинген Жеңиш Туусун алып чыгуу менен башталмак. Аны тууну рейхстагга сайган Михаил Егоров менен Мелитон Кантария жана туу сайылып жаткан маалда батальонду коргоп турган Степан Неустроев алып чыкмак. Бирок алардын катарда басуу даярдыгы начар эле. Анын үстүнө Неустроев алган жарааттарынан улам аксагандыктан, Жеңиш Туусун таптакыр эле чыгарбоо чечими кабыл алынган

1945-жылдын 22-июнунда советтик гезиттерге Сталиндин Жеңиш парадын өткөрүү боюнча буйругу жарыяланган. Ошол эле күнү Кызыл аянтта параддын акыркы даярдыгы өтөт.

1945-жылдын 24-июнунда таңдан тарта күн бүркөлүп, жамгыр жаай баштайт. Эртең мененки саат сегизде парад катышуучуларынын баары тизилип бүтөт. Саат тогузда Кремль дубалынын трибунасы СССР менен РСФСРдин Жогорку Советинин депутаттары, наркомат кызматкерлери, маданият ишмерлери, жумушчулар, чиркөө өкүлдөрү, чет өлкөлүк дипломаттар жана чет элдик конокторго жыкжыйма толот. Саат 9.45те В.И.Лениндин Мавзолейинин трибунасына Иосиф Сталин баш болгон Совет өкмөтүнүн жетекчилиги көтөрүлөт. 

Иностранные гости, прибывшие на Парад Победы. Москва, 24 июня 1945 года.
© Sputnik / Анатолий Гаранин
Жеңиш парадына чакырылган чет элдик меймандар. Москва, 1945-жыл, 24-июнь

Парадды башкарган Константин Рокоссовский жал-куйругу төгүлгөн жорго минип, кабыл алчу Георгий Жуковду көздөй багыт алчу ордун ээлейт. Саат туптуура 10.00дө, Кремль куранты белги бере баштаган маалда, ак боз ат минген  Жуков Кызыл аянтка келет. Рокоссовский рапорт берип, экөө куралдуу күчтөрдү айланып чыккандан кийин "Баарыңар уккула!" деген белги жаңырат да, генерал-майор Сергей Чернецкийдин башкаруусу алдында 1,4 миң кишиден турган оркестр Михаил Глинканын "Славься, русский народ!" чыгармасын аткарат. Жуков Мавзолейдин трибунасынан сөз сүйлөп, андан кийин СССРдин мамлекеттик гимни жаңырат. Ошол эле маалда 50 ирет артиллериялык салют атылып, аянттан үч жолу "Ура!" деген ураан айтылат. Ушундан соң гана салтанаттуу жүрүш башталат. 

Маршал Советского Союза Родион Яковлевич Малиновский и командующие армиями 2 Украинского фронта на Параде Победы 24 июня 1945 года на Красной площади. Великая Отечественная война 1941-1945 годов.
© Sputnik / Сергей Лоскутов
СоветтерСоюзунун маршалы Родион Малиновский жана 2-Украин фронтунун армиясынын командачылары параддан өтүүдө.

Парадга тартылган полктордун баары тынымсыз басып өткөндөн кийин оркестр токтоп, ошол жымжырттыкта 80 барабан ойноло баштайт. Кызыл аянтка 1-мото аткычтар дивизиясынын жоокерлеринен турган колонна германиялык армиянын 200 туусун ылдый каратып алып чыгат. Мавзолейдин ылдый жагында эки секиче бар эле. Ошол тушка келгенде жоокерлер оңго бурулуп, душмандын жеңилишинин белгиси катары колундагы тууларын ыргытышкан. Карап турган элге бул көрүнүш аябай жаккан эле.

Андан соң оркестр кайра ойноп баштап, калган жоокерлер өтөт. Тынбай жааган жамгырга  карабай эки саатка (122 мүнөт) созулган парадды оркестр жыйынтыктайт. Ага 24 маршал, 249 генерал, 2536 офицер, 31 116 сержант жана жоокер катышкан. 

Парад Победы на Красной площади в Москве 24 июня 1945 года в ознаменование разгрома фашистской Германии во Второй мировой войне 1939-1945 годов.
© Sputnik / Евгений Халдей
...Кызыл аянтка 1-мото аткычтар дивизиясынын жоокерлеринен турган колонна германиялык армиянын 200 туусун ылдый каратып алып чыгат. Мавзолейдин ылдый жагында эки секичеге келгенде жоокерлер оңго бурулуп, душмандын жеңилишинин белгиси катары колундагы тууларын ыргытышкан. Карап турган элге бул көрүнүш аябай жаккан эле.

Ошол эле күнү кечи саат 11де зенитчилер көтөргөн 100 аэростаттан 20 миң ракета учурулуп, асманда "Жеңиш" орденинин элеси тартылат. Бул майрамдын кульминациясы эле. 

Москва, Красная площадь, 24 июня 1945 г. Участники Парада Победы над фашистской Германией в Великой Отечественной войне. В центре - комиссар сводного полка 4-го Украинского фронта генерал-майор Леонид Ильич Брежнев, слева - командир 101-го стрелкового корпуса 38-й армии генерал-лейтенант Андрей Леонтьевич Бондарев.
© Sputnik / Яков Халип
Параддын катышуучулары. Ортодо 4-Украин фронтунун полк комиссары генерал-майор Леонид Брежнев, сол жагында 38-армиянын 101-аткычтар корпусунун командири генерал-лейтенант Андрей Бондарев. Москва, 1945-жыл, 24-июнь.

Эртеси, 25-июнда, Кремлдин Чоң сарайында Жеңиш парадынын катышуучуларына арналган кече өтөт. Советтик жетекчиликтин жана Жогорку командачылыктын сунушу менен 1945-жылдын сентябрында Берлинде союздук күчтөрдүн кичи парады өтүп, ага советтик, америкалык, англиялык жана франциялык жоокерлер катышат.

933
Белгилер:
жүрүш, жоокер, Германия, СССР, Георгий Жуков, салтанат, Жеңиш парады, Улуу Ата Мекендик согуш
Тема:
Улуу Ата Мекендик согуштагы Жеңиштин 75 жылдыгы (107)
Тема боюнча
Эскерүү жана аза күтүү күнү: Россия тарыхты кайра жазууга жол бербөөгө чакырат
1418 күнгө созулган Улуу Ата Мекендик согуш. Майданда кан төккөн кыргызстандыктар
Рейхстагдын байкоо жеринде кишилер. Архив

Германия Кыргызстандын карызын кечет, бирок бир шарты бар 

150
(жаңыланган 00:11 27.01.2021)
Өткөн жылы министрлик тышкы карызды жоюп салуу өтүнүчү менен бир нече мамлекетке кайрылган. Бир гана Германия макулдугун берди.

БИШКЕК, 26-янв. — Sputnik. Германия Кыргызстанга 14,9 миллион евро өлчөмүндөгү карызын кечүүгө даяр. Болгону Кыргызстан ал каражатты ипотекалык кредитке жумшашы керек. Бул тууралуу журналисттерге Финансы министрлигинин Мамлекеттик карыздар башкармалыгынын жетекчиси Руслан Татиков билдирди.

Анын айтымында, өткөн жылы министрлик тышкы карызды жоюп салуу өтүнүчү менен бир нече мамлекетке кайрылган. Бир гана Германия буга макул болду.

Руководитель Управления государственным долгом при Министерстве финансов Руслан Татиков во время беседы на радио
© Sputnik / Асель Сыдыкова
Финансы министрлигинин Мамлекеттик карыздар башкармалыгынын жетекчиси Руслан Татиков
"Жалгыз Германия карызды жоюу боюнча макулдугун берди. Документке кол коюла элек, бирок сүйлөшүүлөр болду”, — деди Татиков.

Ал кошумчалагандай, бул каражат эми Мамлекеттик ипотекалык компанияга жумшалат деп күтүлүп жатат.

150
Белгилер:
Руслан Татиков, Тышкы карыз, Германия, Кыргызстан
Тема боюнча
Кыргызстан карыз төлөөнүн эң жогорку чегине качан жетет? Расмий жооп
Каракол шаарынын санитардык эпидемиологиялык көзөмөлдөө кызматына берилген Toyota Land Cruiser Prado

Ысык-Көл: медиктерге берилген жолтандабас президенттин иш башкармалыгында жүрөт 

105
(жаңыланган 22:57 26.01.2021)
Социалдык тармактарда “медиктерге берилген автоунааны президенттин иш башкармалыгы алып алыптыр” деген маанидеги посттор жарыяланды.

БИШКЕК, 26-янв. — Sputnik. Каракол шаарынын Санитардык эпидемиологиялык көзөмөлдөө кызматы өткөн жылдын сентябрь айында берилген Toyota Land Cruiser Prado үлгүсүндөгү жолтандабасты башка автоунаага КР президентинин иш башкармалыгы менен алмашып алды. Бул тууралуу кызматтын жетекчиси Нуркамел Бектуров билдирди.

Социалдык тармактарда “медиктерге берилген автоунааны президенттин иш башкармалыгы алып алыптыр” деген маанидеги посттор жарыяланды.

Мындан улам Sputnik Кыргызстан агенттигинин кабарчысы Санитардык эпидемиологиялык көзөмөлдөө кызматынын жетекчиси менен байланышты. Ал автоунааны алмашып алышканын тастыктап, жолтандабастын ордуна Volkswagen Polo үлгүсүндөгү машина алышканын билдирди.

Ал эми президенттин маалымат кызматы окуянын чоо-жайын тактап берүүнү убадалашты.

Эске салсак, өткөн жылдын июль айында өкмөттүн Ысык-Көл облусундагы өкүлчүлүгүнө тиешелүү автоунаага башка автонун номери тагылып жүргөн жерден кармалып, чуу чыккан. Кийин ал авто эл аралык долбоордун негизинде сатып алынганы айтылган. Көп өтпөй автокөлүк Каракол шаарынын Санитардык эпидемиологиялык көзөмөлдөө кызматына белекке берилген.

105
Белгилер:
белек, автоунаа, Каракол
Тема боюнча
Элчи Удовиченко россиялык ишкердин чуулуу бизнеси боюнча окуяга көңүл бурду
Коррупцияга айыпталган мурдагы жетекчи 11 млн. сом төлөп үй камагына чыкты