Медик бейтаптардын жанында. Архивдик сүрөт

Кыргызстанда коронавирус жуктуруп алган 41 медик 200 миң сомдон алат

109
(жаңыланган 13:21 25.06.2020)
Министрдин орун басары коронавирус жуктуруп алып каза болгон Жүзүмкан Көкүмбаева менен Альберт Исмаиловдун жакындарына бир миллион сомдон компенсация төлөнүп берилгенин кошумчалады.

БИШКЕК, 25-июн. — Sputnik. Кыргызстанда жумуш учурунда коронавирус жуктуруп алган 41 медицина кызматкери 200 миң сомдон компенсация алат. Бул тууралуу саламаттык сактоо министринин орун басары Мадамин Каратаев брифинг учурунда маалымдады.

Анын айтымында, ар бир жуктуруп алган учур боюнча эпидемиологиялык иликтөө жүрүп жатат.

"Биз алгач 24 кишини аныктаганбыз, андан кийин 17 медик да коронавирусту жумуш учурунда жуктуруп алганы такталды. Булардын баарына 200 миң сомдон төлөнөт. Тизмени өкмөткө бергенден кийин алар акчасын бөлөт", — деди Каратаев.

Ал коронавирус жуктуруп алып каза болгон Жүзүмкан Көкүмбаева менен Альберт Исмаиловдун жакындарына бир миллион сомдон компенсация төлөнүп берилгенин кошумчалады.

Эске салсак, өлкө боюнча жалпы 648 медик вирус илештирип алса, анын 396сы айыгып чыккан.

Кыргызстанда бир суткада 228 адамдан коронавирус чыгып, жалпы жуктургандар 3 954кө жетти. Анын ичинен 2 112си айыгып, 43 адам каза болду.

Кыргызстанда болуп жаткан окуялар жана акыркы маалыматтар менен Telegram каналыбыздан таанышып туруңуздар.

109
Белгилер:
коронавирус, каражат, иликтөө, компенсация, медик, Кыргызстан
Тема:
Коронавируска байланыштуу Кыргызстандагы кырдаал (2106)
Тема боюнча
Эмнеге кайрылган адамдын баарынан COVID-19га тест алынбайт? Министрликтин жообу
Министрлик: коронавирусту аныктаган лаборанттар чарчашты, иш абдан көп
Каратаев: бардык министрликтердин кызматкерлеринен COVID табылып жатат
Жайлоодо мал кайтарып жүргөн киши. Архивдик сүрөт

Ишембиге карата аба ырайы

50
(жаңыланган 21:01 14.08.2020)
15-августта түнкүсүн Ош облусунун тоолуу райондорунда өткүн өтүп, күн күркүрөйт. Ал эми республиканын калган аймактарында күн ачык болот.

БИШКЕК, 14-авг. — Sputnik. Эртең күндүз өлкөнүн айрым аймактарында маал-маалы менен жамгыр себелеп, күн күркүрөйт. Чүй, Ош жергесинин дыйканчылык аймактарында жана Талас, Жалал-Абад, Баткен облустарында жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, батыштан соккон шамалдын ылдамдыгы секундасына 4-9 метрден күндүз кээ бир райондордо 15-20 метрге жетет.

Окумуштуулар: жакында ысыктын айынан сыртта иштөө мүмкүн болбой калат

Абанын температурасы Чүй өрөөнүндө +29...+34, Талас жергесинде +26...+31, Ош, Жалал-Абад, Баткен облустарында +30...+35, Ысык-Көлдө +22...+27 жана Нарын аймагында +21...+26 градус болору айтылды.

Күндүн табы Бишкекте +32...+34, Ош шаарында +31...+33, ал эми Чолпон-Атада +22...+24 градуска чейин жетет.

50
Белгилер:
аба ырайы, Кыргызстан
Тема боюнча
Ачка калбайбызбы? Кыргызстанда канча түшүм жыйналды
Противогаз кийген ӨКМ кызматкерлери. Архивдик сүрөт

Оштогу күйдүргү: ооруканада канча киши калды

90
(жаңыланган 21:36 14.08.2020)
Кара-Суу районундагы Тогуз-Булак айылында 24-августка чейин 288 киши көзөмөлдө болот. Эпидемияга каршы иш-чаралар уланууда.

БИШКЕК, 14-авг. — Sputnik. Ошто күйдүргүгө шектелип ооруканага түшкөндөрдүн арасынан бирөөндө гана вирус аныкталды. Калган жети киши үйүнө чыгарылды. Бул тууралуу Саламаттык сактоо министрлигинен билдиришти.

"Күйдүргү бир адамдан чыкты, калганы таза экен. 24-августка чейин айылда 288 киши көзөмөлдө болот. Эпидемияга каршы иш-чаралар уланууда”, — деп айтылат билдирүүдө.

Эске сала кетсек, 11-августта Ош шаарынын Кара-Суу районундагы Тогуз-Булак айылында күйдүргүгө шектелгендер болуп жатканы маалымдалган. Ош облустук клиникалык ооруканасы 2-августтан тарта сегиз бейтап түшкөнүн билдирген. Кийинчерээк бир кишиден күйдүргү оорусу лабораториялык жактан тастыкталып, Тогуз-Булак айылы карантинге алынган. 

90
Белгилер:
анализ, вирус, күйдүргү, Ош
Тема боюнча
Ош: күйдүргү чыккан уй эмделбегени үчүн ветеринарлар жазаланды