Майыптардын коляскасы. Архив

Кыргызстанда кайсы дарт аялды коляскага отургузат? Майыптык боюнча статистика

Жалпысынан республика боюнча 194 364 адам майыптыгы боюнча пенсия жана жөлөк пул алат. Алардын арасынан 102 375и эркек, 91 989у аял.

БИШКЕК, 26-июн. — Sputnik. Кыргызстанда майып адамдардын көпчүлүгү айыл жергесинде жашайт жана чоңдор арасында 95 пайызы эмгекке жарамдуу курактагылар. Мындай маалыматты 2019-жылдын жыйынтыгы катары Улуттук статистика комитети таратты.

Былтыр 18 жашка чейинки балдар арасында 5 миң майып болсо, чоңдор арасында 11 миң кишинин ден соолугу жагынан мүмкүнчүлүгү чектелген. Жалпысынан республика боюнча 194 364 адам майыптыгы боюнча пенсия жана жөлөк пул алат. Алардын арасынан 102 375и эркек, 91 989у аял.

"Чоңдор арасында майыптардын 43 пайызы аялдар, 57 пайызы эркектер. Булардын 71 пайызы айыл жергесинда жашайт", — деп айтылат билдирүүдө.

Мындай жарандар эң көп жашаган аймактарга Жалал-Абад облусу (41 466 адам), Ош облусу (36 992) жана Чүй облусу (39 904) кирет. Андан кийинки орундарда Баткен (19 858), Ысык-Көл (19 406) жана Бишкек шаары (17 551) турат. Мүмкүнчүлүгү чектелген адамдар азыраак жашаган аймактар — Нарын (11 850), Талас облустары (9 292) жана Ош шаары (3 078).

Ошондой эле маалыматта аялдар көбүнесе кайсыл илдеттерден улам майып болуп калары айтылган. Кыргызстанда аялзатын көбүнчө залалдуу шишиктер жана сөөк, булчуң оорулары ден соолуктан ажыратат экен.

Ал эми балдардын мүмкүнчүлүгүнүн чектелишине тубаса кемчиликтери себеп болот.

Белгилер:
статистика, бала, эркек, аял, майып, Кыргызстан
Тема боюнча
Кыргызстанда майыптыгы бар адамдардын маселелерин караган кеңеш түзүлдү
Алимбаев: кыргыз бийлиги майыптардын укугун коргоого милдеттендирилди
Врач измеряет артериальное давление. Архивное фото

Оору менен кырсыктан камсыздандырылган жарандарга 14 млн. сом төлөндү

Былтыр камсыздандыруу келишимин 37 миңдей киши түзгөн. Алардын миңге жакыны ар кандай окуяга туш болуп каражат алган.

БИШКЕК, 18-апр. — Sputnik. Өткөн жылы оору менен кырсыктан өзүн камсыздандырган кыргызстандыктарга 14,2 миллион сом берилди. Бул тууралуу Улуттук статистика комитетинин маалыматында айтылат.

2020-жылы бул жаатта ыктыярдуу түрдө 36 724 келишим түзүлгөн. Камсыздандыруунун жалпы суммасы 11,9 миллиард сомду түздү. Ал документ толтурган адам ооруганда же кырсыкка учураганда төлөнмөк. Ал эми камсыздандыруу боюнча баштапкы төлөм катары (камсыздандыруу үчүн каражат) 62,8 миллион сом түшкөн.

Улуттук статистика комитети келишим түзгөндөрдүн 858и ар кандай учурга туш келип, 14,2 миллион сом алганын айтты.

Белгилер:
төлөм, камсыздандыруу, кырсык, оору, Улуттук статистика комитети, Кыргызстан
Тема боюнча
Сооронбаев: коңурук тарткан адам ар кандай оору менен жабыркайт
Покупатели оплачивают покупки в супермаркете. Архивное фото

Соода кылгандан кийин чекти ыргытпагыла! Юристтин маанилүү кеңеши

Юрист чекте адамдын аты-жөнү жана банктык картасынын акыркы сандары калып каларын, аны менен шылуундар акча алууну көздөй турганын айтты.

БИШКЕК, 18-апр. — Sputnik. Соода кылгандан кийин чекти дароо ыргытып же кассага таштап салбаш керек. Аны алдамчылар пайдаланып кетиши мүмкүндүгүн РИА Новости юрист Егор Рединге шилтеме берип жазды.

Эксперттин айтымында, чек аркылуу адамдын аты-жөнүн, соода кылган картанын номеринин акыркы төрт санын билип алууга болот. Андан кийин шылуундар сиздин атыңыздан банкка кат жөнөтүп, акчаңызды уурдоого аракет кылышы мүмкүн.

"Ошондой эле алдамчы бул маалыматты колдонуу менен карта ээсин социалдык тармактардан таап, телефон номерин билип алат", — деп эскерткен Редин.

Алдамчылар дүкөндөн бонус топтойм деп чекти сурашат же акырын уурдап алышат. Андан кийин товарды коргоочу магнитинен ажыратып, көтөрүп кетишет. Кокус күзөтчү токтотуп калса башка эле бирөөнүн чегин көрсөтөт. Эгер товар карта менен төлөнсө шылуундар кайра сата алышат, ал эми акча менен төлөнсө кийимди чак келбей калды деп өткөрүп туруп акчасын алып алышат.

Белгилер:
алдамчылык, шылуун, соода, чек, юрист
Тема боюнча
Эксперт банктык карта ээлеринин эң көп кездешкен катачылыктарын атады