Министрлик: ар ким жиберген маалыматка ишенип, дарылана бербегиле. Сүрөт

© Sputnik / Александр Кряжев / Медиабанкка өтүүГрадусник жана даарылар. Архив
Градусник жана даарылар. Архив - Sputnik Кыргызстан
Жазылуу
Социалдык тармакка дарылардын тизмеси жазылып, алар менен коронавирустан дарыланууга болот деген сүрөттөр тарады. Саламаттык сактоо министрлиги элди ага ишенбөөгө чакырды.

БИШКЕК, 26-июн. — Sputnik. Кыргызстандыктар ар кыл дарылардын тизмеси жазылып, коронавирустан дарыланууга болот деп социалдык тармакка тарап кеткен маалыматтарга ишенбеши керек. Бул туурасында Саламаттык сактоо министрлигинин башкы инфекционисти Айнура Кутманова Sputnik агенттигине айтып берди.

Акыркы күндөрү Кыргызстандын интернет сегментинде COVID-19 инфекциясынан арылтат деп жазылган ар кыл протоколдордун сүрөтү арбып кетти.

"Алар Саламаттык сактоо министрлигинин протоколдоруна туура келбейт жана далилденген эмес. Тараган тизмеде ооруну айыктыра тургандыгы далилденбеген жана керексиз дарылар жазылып жүрөт", — деди Кутманова.

Саламаттык сактоо министрлиги 118 кызматы күнү-түнү иштеп жатканын жана Үй-бүлөлүк медицина борборлоруна (ҮМБ) кайрылууга болорун айтты. Мындан сырткары, алар айыктыра турганы далилденген маалыматтардын негизинде атайын инфографика даярдалып жаткандыгын билдиришти.

Бишкекте 118 кызматы албаса, башка кимге кайрылса болот? Тизме

Кыргызстанда учурда коронавирус боюнча абал өтө курчуп турган учуру. Бүгүн өлкөдө дагы 250 адам коронавирус жуктуруп алды.

COVID жуктургандардын көбү Бишкек шаарынан чыгып жатат.

Жаңылыктар түрмөгү
0