Министрлик: кайрылгандар көп, Тез жардам кызматы жетишпей жатат

© Sputnik / Алексей Сухоруков / Медиабанкка өтүүРабота скорой помощи "Домашний доктор" в Тамбове
Работа скорой помощи Домашний доктор в Тамбове - Sputnik Кыргызстан
Жазылуу
Кыргызстанда акыркы суткада 309 кишиден коронавирус чыгып, жалпы саны 4 513кө жетти. Анын ичинен 2 212 бейтап айыкты.

БИШКЕК, 27-июн. — Sputnik. Бишкек шаарында Тез жардам кызматына кайрылгандар абдан көп болуп, тейлөөгө жетишпей жатышат. Бул тууралуу саламаттык сактоо министринин орун басары Мадамин Каратаев брифинг учурунда билдирди.

Анын айтымында, учурда борбор калаада Тез жардам кызматынын 33 тобу иштеп жатат.

"Кечээ кечинде эле 146 чалуу болду. Бүгүн эртең менен дагы 400 киши чалды. Тез жардам кызматы жетишпей жатат", — деди Каратаев.

Министрлик: COVID жуктургандарга ооруканада дагы 335 орун даярдалды

Брифинг учурунда модератор "эмне себептен ооруканалар коронавирустун белгилери менен баргандарды да, башка оору менен кайрылган бейтаптарды да кабыл албай жатат?" деген суроо узаткан.

"Чынын айтайын, акыркы убакта ооруканаларда койка боюнча көйгөй жаралды. Бирок Бишкекте коронавирус такталган бейтаптар үчүн 335 койка бар, жетиштүү. Муну дагы көбөйтөлү деп жатабыз. Мындан тышкары, Таш-Дөбө (Воронцовка) айылында пневмония менен ооругандар үчүн орун даярдап койгонбуз. Бишкек шаарындагы №1 шаардык клиникалык ооруканада да 92 орун даярдалды. Башка оорусу менен келгендерди кабыл алууга аракет кылып жатышат", — деди Каратаев.

Кыргызстанда акыркы суткада 309 кишиден коронавирус чыгып, жалпы саны 4 513кө жетти. Анын ичинен 2 212 бейтап айыкты.

Жаңылыктар түрмөгү
0