Өкмөт имараты. Архивдик сүрөт

Өкмөттүн аппаратында иштеген 26 кызматкерден COVID аныкталды

174
(жаңыланган 21:27 27.06.2020)
Көпчүлүгүндө оору эч белгиси жок өтүп жатканы айтылды. Мындан тышкары, алар менен байланышта болгон адамдардын бардыгы такталган.

БИШКЕК, 27-июн. — Sputnik. Өкмөттүн аппаратында иштеген 26 кызматкерден COVID аныкталганын маалыматы кызматы кабарлады.

Билдирүүдө эки күн мурун 11 киши инфекция жуктуруп алганы белгилүү болгону айтылат. Кайрадан алынган анализдин жыйынтыгы менен дагы 15 кызматкерден вирус чыккан. Алардын арасында премьер-министрдин кеңешчиси Артем Новиков жана жардамчысы бар. Өкмөттүн аппарат жетекчиси Таалайбек Темиралиев байланышта болгон адам катары учурда обочолонууда экени белгиленди.

Обочолонуп иштеп жаткан Жээнбековдун абалы айтылды

Санитардык-эпидемиологиялык иш-чаралардын алгоритмине ылайык алар үй карантининде жана тиешелүү дарылануудан өтүшүүдө. Көпчүлүгүндө оорунун белгилери билинбей өтүп жатат. Ошондой эле алар менен байланышта болгон адамдар аныкталган.

Өкмөттүн аппарат кызматкерлеринин басымдуу бөлүгү аралыктан иштөөнү улантышууда.

174
Белгилер:
тест, аппарат, кызматкер, анализ, коронавирус, өкмөт
Тема:
Кыргызстандагы коронавирус жуктуруп алгандар (1371)
Тема боюнча
Өкмөттөн да COVID чыкты. Арасында премьердин кеңешчиси, бөлүм башчылар бар
Өкмөт: Бишкекте абал начар, мобилдик топтордун саны көбөйтүлүүдө
Кыз парктта кол чатыр менен бара жатат. Архив

Жумага карата аба ырайы

5
23-октябрга караган түнү кээ бир өрөөндөрдө жана тоо этектеринде жаан, тоолуу райондордо кар жаашы күтүлөт.

БИШКЕК, 22-окт. — Sputnik. Жума күнү, 23-октябрда, көпчүлүк аймактарда жаан жаап, тоо этектеринде жана тоолуу райондорго кар түшөт. Бул тууралуу Кыргызгидромет билдирди.

Маалыматка ылайык, Чүй, Талас өрөөндөрүндө, Ысык-Көл, Нарын облустарынын дыйканчылык аймактарында жаан карга айланышы мүмкүн. Ысык-Көл облусунун кээ бир райондорунда, Ош, Жалал-Абад облустарынын тоо этектеринде жана тоолуу райондорунда жаан-чачын катуу жаашы күтүлөт.

Абанын температурасы Чүй өрөөнүндө +3…+8 градус, Таласта +2…+7 градус, Ош, Жалал-Абад, Баткен облустарында +5…+10 градус, Ысык-Көл жана Нарын аймактарында 0…+5 градус болору айтылды.

Бишкек жана Ош шаарларында мезгил-мезгили менен жамгыр жаап, борбор калаада карга айланышы ыктымал. Күндүн табы Бишкекте +6…+8 градус, Ош шаарында +13…+15 градуска чейин жетет.

Мындай туруксуз аба ырайы жайыттарда малды кармоону, автоунаа, энергетика жана коммуналдык кызматтардын ишин кыйындатат.

5
Белгилер:
Кыргызстан, октябрь, аба ырайы
Тема боюнча
Жалал-Абад облусунун аймагында кайрадан жер титиреди
Митингтен кийин ак үйдүн абалы. Архив

Депутат: Ак үйдү калыбына келтирүүгө 400 млн. сом керек

99
(жаңыланган 18:34 22.10.2020)
Эске салсак, 6-октябрга караган түнү митингге чыккан эл Ак үйдү басып алган. Эртең менен имараттын үстүңкү кабаты алоолонуп өрттөнгөн.

БИШКЕК, 22-окт. — Sputnik. Жогорку Кеңештин имаратын калыбына келтирүү үчүн 400 миллион сомго жакын каражат керек. Бул тууралуу парламенттин бюджет жана финансы комитетинин мүчөсү Акылбек Жапаров билдирди.

Анын айтымында, 2010-жылдагы окуялардан кийин Ак үйдүн ремонтуна 380 миллион сом сарпталган, бирок андан бери баалар өсүп кетти.

Капталы жалбырттап, чатырынан түтүн уюлгуп. Ак үйдөн чыккан өрттүн видеосу

Эске салсак, 6-октябрга караган түнү митингге чыккан эл Ак үйдү басып алган. Эртең менен эрте имараттын чыгыш тарабынан өрт чыккан.

Белгилей кетсек, ЖКнын имаратында парламент, президенттин аппараты жана президент өзү иштейт.

99
Белгилер:
оңдоо, имарат, Ак үй
Тема боюнча
Башаламандыктан кийинки Ак үйдүн 7-кабаты. Видео