Ырчы Асел Кадырбекова. Архив

Асел Кадырбекова дагы деле комада. Сабырбек Жумабеков кайрылуу жасады

2524
(жаңыланган 12:40 29.06.2020)
Буга чейин дарыгерлер ырчынын мээси катуу жабыркап, моюн омурткалары менен акыреги сынып кеткенин айтышкан.

БИШКЕК, 29-июн. — Sputnik. Травматология жана ортопедия илим-изилдөө борборунун жетекчиси Сабырбек Жумабеков Facebook баракчасы аркылуу кайрылуу жасап, ырчы Асел Кадырбекованын абалы тууралуу маалымат берди.

Эске сала кетсек, 26-июнда 15:30дар чамасында Медеров жана Тыныстанов көчөлөрүнүн кесилишинде Toyota Camry жана Ыкчам аракетке келчү топтун (ГБР) Honda Odyssey автоунаалары кагышкан. Анын кесепетинен Camry автокөлүгүндө бараткан Асел Кадырбекова жана экинчи машинадагы эки киши жабыркаган.

Катуу сүзүптүр! Ырчы Асел Кадырбекова кабылган кырсыктын видеосу чыкты

"Журналисттер аябай көп чалып ишибизге жолтоо болуп жатат. Мен сиздерди түшүнүп турам, себеби эл дагы бул маалыматты күтүп жатат. Аселдин ден соолугу дагы деле оор. Кома абалында жатат, бирок өзү дем алып, кам басымы өзүнүкү, эч кандай дарынын жардамы менен эмес. Бүгүнкү күндө кичине болсо дагы жылыш бар, бирок абалы баары бир оор бойдон калууда", — деди Жумабеков.

Ошондой эле ал мындан ашык маалымат бере албай турганын айтып, калганын туугандарынан сурап алууну сунуштады. Аны менен катар ага телефон чалып убактысын ала бербөөнү өтүндү.

Буга чейин дарыгерлер ырчынын мээси катуу жабыркап, моюн омурткалары менен акыреги сынып кеткенин айтышкан.

2524
Белгилер:
кома, ырчы, Асел Кадырбекова, Сабырбек Жумабеков
Тема:
Ырчы Асел Кадырбекованын кырсыкташы (10)
Тема боюнча
Өзүнө келе элек, бирок кичине жылыш бар. Асел Кадырбекованын абалы айтылды
Катуу сүзүптүр! Ырчы Асел Кадырбекова кабылган кырсыктын видеосу чыкты
Бишкектеги түнкү жарыш. Архивдик сүрөт

Бишкекте түнкү жарыш старт алды. Сүрөт

56
(жаңыланган 22:29 19.06.2021)
Башында мелдеште 2000дей кишинин чуркашы күтүлсө, пандемияга байланыштуу 500үн кыскартууну чечишкен.

БИШКЕК, 19-июн. — Sputnik. Бишкекте бүгүн, 19-июнда, Toyboss Night Run 2021 түнкү марафону старт алды.

  • Участники забега Toyboss Night Run 2021 в Бишкеке
    Бишкекте бүгүн, 19-июнда, Toyboss Night Run 2021 түнкү марафону старт алды
    © Sputnik / Эркин Садыков
  • Участники забега Toyboss Night Run 2021 в Бишкеке
    Жарыш Чокон Валиханов көчөсү менен Чүй проспектинин бир бөлүгүндө өтөт
    © Sputnik / Эркин Садыков
  • Участники забега Toyboss Night Run 2021 в Бишкеке
    Башында 2000дей кишинин чуркашы күтүлсө, пандемияга байланыштуу 500үн кыскартууну чечишкен
    © Sputnik / Эркин Садыков
  • Участники забега Toyboss Night Run 2021 в Бишкеке
    Мелдешти Nomad Sport коомдук бирикмеси уюштурууда.
    © Sputnik / Эркин Садыков
1 / 4
© Sputnik / Эркин Садыков
Бишкекте бүгүн, 19-июнда, Toyboss Night Run 2021 түнкү марафону старт алды

Жарыш Чокон Валиханов көчөсү менен Чүй проспектинин бир бөлүгүндө өтөт.

Башында 2000дей кишинин чуркашы күтүлсө, пандемияга байланыштуу 500үн кыскартууну чечишкен.

Мелдешти Nomad Sport коомдук бирикмеси уюштурууда. Баш калаада жарыш үчүнчү ирет өтүүдө.

Белгилей кетчү жагдай, быйылкы жарышта катышуучулардан түшкөн каражаттын бир бөлүгү Кара-Балтадагы Улуттук Кызыл Ай коомунун балдар кризистик борборуна берилет. Аталган жайда эки жаштан 18 жашка чейинки 25 бала жашайт. Алар жетим балдар, мигранттардын балдары жана мүмкүнчүлүгү чектелген балдар болуп саналат.

Спорттук иш-чарада каалоочулар футболка, рюкзак сатып алып же диагностикадан өтүп балдар борборуна жардам бере алышат.

56
Белгилер:
спорт, жарыш, Бишкек
Тема боюнча
Көпкө күттүргөн жарыш. "Жаз деми" марафонунан видео
Ала-Тоо аянты. Архив

Жекшембиге карата аба ырайы

30
20-июнга караган түнү өткүн өтүп, күн күркүрөшү күтүлөт. Бийик тоолуу райондордо кар жаайт.

БИШКЕК, 19-июн. — Sputnik. Жекшембиде республика боюнча ала булут каптап турат. Кээ бир райондордо кыска убакытка жамгыр жаайт. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрден айрым жерлерде 15-20 метрге жетет.

Абанын температурасы Чүйдө +23...+28, Талас облусунда +25...+27, Ош, Жалал-Абад жана Баткен аймагында +29...+34, Ысык-Көлдө +17...+22, Нарын өрөөнүндө +16...21 градус жылуу болот.

Ал эми Ош, Чолпон-Ата жана Бишкек шаарларында күн ачык болуп, Ошто +31...+33, Чолпон-Атада +17...+19, борбор калаада +26...+28 градуска жетери маалымдалды.

30
Белгилер:
Кыргызстан, аба ырайы
Тема боюнча
Ош облусунун айрым жерлеринде үч күнгө жарык өчүрүлөт. Тизме