Дарыгерлер. Архив

COVID-19: Министрлик жаңы эки алгоритм бекитти. Чоо-жайы

674
(жаңыланган 17:57 29.06.2020)
Бейтап менен сүйлөшкөндөн кийин мобилдик бригада оорулууну андан ары кайсы жерге алып барарын чечет. Ал эми ооруканага кандай болгон учурда жаткырыларын материалдан окуңуз.

БИШКЕК, 29-июн. — Sputnik. Кыргызстандын Саламаттык сактоо министрлиги жаңы эки алгоритмди бекитти. Бул тууралуу аталган ведомствонун жетекчиси Сабиржан Абдикаримов айтып берди.

Биринчи алгоритм мобилдик бригадалардын бейтаптын үйүнө биринчи ирет барган учуруна тиешелүү.

"Мобилдик бригаданын медиги бейтаптан кантип ооруп жаткандыгын сурайт. Белгилер: дене таптын көтөрүлүшү, энтигүү, дем ала албай кыйналуу, алсыздык, дене бой курушуп ооруган абал, жөтөл, баш оору жана жытты сезбей калуу. Андан соң оорулуунун абалын жана инфекциянын жукканы канчалык ыктымал экендигин аныктайт. Эпидемиологиялык анализин алып, дене табын өлчөйт", — деди министр.

Ал бейтапты үйүнө калтырабы же ооруканага алып кетеби жогорудагылардын негизинде тыянак чыгарат.

Бир саатта жыйынтык чыгат. КРде коронавирус башка ыкма менен аныктала баштады

Төмөнкү белгилери байкалса, ооруканага жаткырыш керек:

  • Абалы өтө оор, жай отурган мезгилде да дем алуунун жетишсиздиги;
  • Абалынын орточо оор түрү, кыймыл-аракеттин негизинде пайда болгон дем алуунун жетишсиздиги;
  • Оорунун жеңил түрүндөгү энтигүүсү жок бейтаптар;

Ошол эле учурда ооруканага төмөнкүдөй факторлору бар бейтаптар жаткырылышы мүмкүн

  • 60 жаштан жогорку курактагылар;
  • кант диабети, өпкө, бөйрөк жана жүрөк оорулары барлар.

Эпидемиологиялык делген төмөнкү учурларда да ооруканага жаткырылат:

  • Изоляция үчүн шарты жоктор (өзүнчө бөлмө), 65 жаштан жогорку курактагы адамдар менен жашагандар, 5 жашка чейинки балдар, кош бойлуу аялдар, иммунитети төмөн адамдар жана жүрөк, өпкө, бөйрөк оорусу барлар.

Кыргызстанда 1145 адам пневмония менен жабыркап, 54ү каза болду

Экинчи алгоритм

Стационар коронавирус жуккан деп шектелип түшкөн бейтапты жана ооруканадан сырткары пневмония болуп келген учурларды тартипке салат. Ооруканаларда сыркоологондорду бөлө турган борбор аркылуу кабыл алышат, тагыраагы, ПЦР-тесттин жыйынтыгын күтүп отурбай эле жаткырышат.

 

674
Белгилер:
пандемия, коронавирус, Бишкек, Кыргызстан
Тема:
Кыргызстандыктарды кыйнаган пневмония (48)
Тема боюнча
Министр: коронавируска кабылгандар эми 14 күн жатпай, жакшы болсо үйүнө чыгарылат
Министр: COVID олуттуу оору, өз алдынча дарылангандар ажал табышы мүмкүн
Президент медиктердин компенсациясы боюнча мыйзамга кол койду
Буурчак. Архив

Окумуштуулар кайсы өсүмдүк жүрөк ооруларына, кант диабетине жардам берерин айтты

19
(жаңыланган 08:32 09.08.2020)
Буурчак дандары (буурчак, кой буурчак, жасмык) жүрөк-кан тамыр системасына жакшы таасир этип, анын эсебинен адамдагы кант, холестерин азаят.

БИШКЕК, 9-авг. — Sputnik. Буурчак өсүмдүктөрү кандагы канттын деңгээлин төмөндөтүп, жүрөк ооруларын алдын алат. Бул тууралуу “Известия” жазып чыкты.

Канададагы Гуэлфск университетинин дарыгерлеринин айтымында, буурчак азыктар жүрөк-кан тамыр системасына жакшы таасир этип, анын эсебенин организмдеги кант жана холестерин азаят.

Ал эми Food.news интернет порталы жогорудагы өсүмдүктөр кан тамырларды жабыркатпай турганын жазат. Бирок ошол эле маалда аны бардык илдеттерге шыпаа болот деп санабоо керектигин эскертет.

Чач түшпөсүн, тырмак сынбасын десеңиз... С витамини көп 8 азыктын тизмеси

Анын курамында түрдүү клетчатка жана белок арбын. Адистер андан тамак-аш даярдоо алдында буурчактарды сегиз саатка чейин сууга чылап койсо, көбүүрөк пайда болорун баса белгилешет.

19
Белгилер:
төө буурчак, Окумуштуулар, ден соолук
Тема боюнча
Сексолог төшөк мамилесин арттырууга жардамчы болгон азыктарды санап берди
Көмөч казан эскирип калганын кантип билсе болот? Шеф-повардан кеңештер
Кол чатыр көтөргөн аял. Архив

Жекшембиге карата аба ырайы

120
(жаңыланган 21:03 08.08.2020)
8-августтан 10-августка чейин күтүлүп жаткан туруксуз аба ырайына жана нөшөрлүү жаан-чачынга байланыштуу республиканын тоолуу жана тоо этектериндеги райондорунда сел жүрүшү мүмкүн.

БИШКЕК, 8-авг. — Sputnik. 9-август күнү, жекшембиде, республика боюнча жаан-чачын болуп, айрым аймактарда нөшөрлүү жамгыр жаашы күтүлөт. Батыштан соккон шамалдын ылдамдыгы секундасына 4-9 кээ бир райондордо 15-20 метрге жетет. Бул тууралуу Кыргызгидромет билдирди.

Абанын температурасы Чүйдө +27...+32, Талас өрөөнүндө +25...+30, Ош, Жалал-Абад жана Баткен облустарында +29…+34, Ысык-Көл аймагында +20...+25, Нарын жергесинде +21...+26 градус ысык болот.

Ал эми Бишкек, Ош жана Чолпон-Ата шаарларында жамгыр жаайт. Күндүн табы борбор калаада +30...+32, Ош шаарында +32 ...+34 градуска чейин көтөрүлсө, Чолпон-Атада +21...+23 градусту көрсөтүп турат.

120
Белгилер:
аба ырайы, Кыргызстан
Тема боюнча
Күн ачык болобу? Дем алышка карата аба ырайы