Тышкы иштер министрлигинин имараты. Архив

ТИМдин консулдук кызматы жарандарды кабыл алууну токтотту. Байланыш жолдору

175
(жаңыланган 23:41 29.06.2020)
Министрлик сырттан кайтып келүүгө жана визага байланышкан суроолор боюнча телефон номерлерди, электрондук даректерди жана тиркемелерди көрсөтүп берди.

БИШКЕК, 29-июн. — Sputnik. Эпидемиологиялык кырдаалга байланыштуу өлкөнүн Тышкы иштер министрлигинин Консулдук кызмат департаменти жарандарды кабыл алууну убактылуу токтотту. Бул тууралуу ТИМдин маалымат кызматы кабарлады.

Муну менен бирге министрлик кайрылгандар үчүн байланыш жолдорун көрсөткөн. Эгерде зарыл себептер менен өлкөгө киргенге же чыкканга туура келсе шилтеме аркылуу "Кыргыз консул" мобилдик тиркемесин көчүрүп, "Байланыш" функциясын басуу керек же WhatsApp (+996551312000) менен кайрылууга болот.

"Ошондой эле өлкөгө кирүү зарылдыгын тастыктаган документтердин сканерленген нускасын тиркеңиз. Мындан тышкары, алгач мамлекетке кирүүнүн шарттары менен таанышып чыгууну сунуштайбыз", — деп айтылат маалыматта.

Билдирмеде өлкөнүн визаларын каттоо "Электрондук виза" порталы (evisa.e-gov.kg) аркылуу жүргүзүлүп жаткандыгы белгиленди.

РФте миграциялык каттоого 15-сентябрга чейин баш оорутмай жок. Маанилүү кабар

Визага байланышкан суроолор боюнча 0-312-66-30-70 номерине чалганга, ошондой эле e-visa@mfa.gov.kg электрондук дарегине же Виза борборунун Телеграм-каналына кайрылууга болот t.me/visacenterkgen же t.me/ visamfakg.

175
Белгилер:
виза, кызмат, консулдук, ТИМ
Тема боюнча
"Росскызматташтыктын" деңгээлин көтөрүү керек. Жаңы жетекчи Примаковдун пикири
Россия ТИМинин алдындагы эл аралык институтка кабыл алуу башталды. Шарты
Ысык-Көл. Архив

Ишембиге карата аба ырайы

1
(жаңыланган 21:07 07.08.2020)
8-августта түнкүсүн жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

БИШКЕК, 7-авг. — Sputnik. Эртең, 8-августта ишембиде күндүз Талас облусунун айрым райондорунда жана Чүйдүн тоо этектериндеги аймактарында өткүн өтөт. Республиканын башка облустарында күн ачык болот. Бул тууралуу Кыргызгидромет билдирди.

Абанын температурасы Чүйдө +32...+37, Талас өрөөнүндө +30...+35, Ош, Жалал-Абад жана Беткенде +33…+38, Ысык-Көл аймагында +24...+29, Нарын жергесинде +25...+30 градус болот.

Ал эми Бишкек, Ош жана Чолпон-Ата шаарларында жамгыр жаабайт. Күндүн табы борбор калаада +35...+37, Ош шаарында +36 ...+38,  Чолпон-Атада +24...+26 градусту көрсөтүп турат.

1
Белгилер:
аба ырайы, Кыргызстан
Тема боюнча
Күн ачык болобу? Дем алышка карата аба ырайы
Футболчулар. Архив

Түркияда ойногон кыргызстандык жаш футболчу эл аралык сыйлыкка татыды

10
(жаңыланган 20:46 07.08.2020)
Өспүрүм футболчу "Галатасарай" - "Истанбул спор" беттешинде жаңылыштыктан белгиленген 11 метрлик айып тобун атайын сыртка тээп, жоомарттык көрсөткөн.

БИШКЕК, 7-авг. — Sputnik. Кыргызстандык жаш футболчу, Түркиянын "Галатасарай U-14" клубунун капитаны Бекназар Алмазбеков футболдук беттеште көрсөткөн акыйкаттык кадамы үчүн эл аралык Fair Play сыйлыгына татыды. Бул тууралуу Anadolu маалымат агенттиги жазды.

Өткөн жылы 13 жаштагы кыргызстандык ойногон команда Түркиянын 14 жашка чейинки футболчуларынын чемпионатында "Истанбул спор" клубу менен ойнойт. Анын жүрүшүндө Алмазбеков  капталдан чабуулга баратып, дарбаза сызыгына киргенде коргоочуну алдап өткөнү жатып кулаган. Беттеш калысы ага карата эреже бузулду деп эсептеп, 11 метрлик айып тобун белгилеген.

Кыргызстандык футболчу өзү эреже бузулбаганын, калыстын чечими жаңылыш болгонун белгилеп, 11 метрлик айып тобун атайын дарбазадан сыртка тээп, жоомарттык көрсөткөн.

Fair Play эл аралык комитети тарабынан берилүүчү мындай престиждүү сыйлыктын быйылкы лауреаттары 5-августта жарыяланды. Алмазбековдун талапкерлигин 2019-жылдын декабрь айында Түркиянын Олимпиадалык комитети көрсөткөн.

"Лацио" клубунун футболчусу Чиро Иммобиле "Алтын бутса" сыйлыгын утту

Fair Play эл аралык комитет мындай сыйлыкты 1964-жылдан бери жыл сайын тапшырып келет. Уюмдун башкы максаты спортто акыйкаттык көрсөткөн спортчуларды сыйлоо болуп саналат.

10
Белгилер:
сыйлык, Кыргызстан, футбол
Тема боюнча
France Football: быйыл "Алтын топ" сыйлыгы берилбейт