Унаа ууру. Архив

Унааны айдай каччулар кантип даярданат. Сактануу үчүн кеңештер

219
(жаңыланган 09:50 30.06.2020)
Адистин айтымында, уурулар унааны тартып алуудан мурда аны "текшерүүгө" аракет кылып, ээсин бир нече жолу сынап көрүшөт.

БИШКЕК, 30-июн. — Sputnik. Автоунааны айдап качып кетем дегендер эмнелерге даярданарын эксперт Кирилл Милешкин РИА Новостиге айтып берди.

Анын билдиришинче, уурулар унааны тартып алуудан мурда аны "текшерүүгө" аракет кылышат.

"Каракчылык иштердин көбү телефон чалуулардан башталат. Алардын максаты сиздин унааңыз кандай жол менен корголгонун билүү болуп саналат. Телефон номерди ар кандай маалыматтык базалардан караштырышат. Эгер унааны сатуу үчүн жарнамага берген болсоңуз, ууруларга өтө оңой жол ачкан болосуз, себеби көп маалыматтар ачык болуп калат. Ошондой эле уурулар кээде калп эле жардам сурап кайрылат. Мындан сырткары, унаа кароосуз калганда олжого оңой түшөт", — деген Милешкин.

Ошондой эле кээде күтүлбөгөн сигнализациядан да унаа коркунучта экендигин билүүгө болорун кошумчалаган.

Чочуганынан чакчая карады. Унаага кирген ууру видеого тартылып калган

Эгер ээси автоунаа бекилбей калганын көрсө, бул дагы иш чатак экендигинен кабар берет. Ошондуктан кээде унаанын ичи-сыртын карап, өзгөрүүлөр болсо маани берип туруу керек.

219
Белгилер:
эксперт, каракчылык, уурулук, унаа
Тема боюнча
Башкаларды да сыйлагыла. Фараны туура күйгүзүү боюнча айдоочуга 7 эреже
Кыргызстандын президенти Садыр Жапаров. Архив

Мектеп куруп берүүнү өтүнгөн балбайлык окуучу Жапаров менен жолукту. Сүрөт

150
(жаңыланган 23:26 28.02.2021)
Сегиз жаштагы бала соцтармак аркылуу президентке кайрылып, мектеп куруп берүүнү өтүнгөн. Алгач өлкө башчынын аны менен жолуга албай турганы айтылып, кийин видео аркылуу сүйлөшкөнү белгилүү болгон.

БИШКЕК, 28-фев. — Sputnik. Балбайлык окуучу Бекболот Турдушев президент Садыр Жапаров менен жолукту. Ал Instagram баракчасына өлкө башчысы менен жолуккан учурда тартылган сүрөттөрүн жарыялаган. 

Посмотреть эту публикацию в Instagram

Публикация от turdushev (@bekbolotturduh)

Президенттин маалымат катчысы Галина Байтерек Sputnik Кыргызстан агенттигинин кабарчысына президент окуучу бала менен жолугууга убада бергенин белгилеп кетти.

Бекболот Турдушев мектебинин эскилиги жеткенин айтып, эки кабат мектеп салып бериңиз деп өлкө башчысына кайрылгандан кийин интернет жылдызына айланган.

Ошондон кийин Бекболоттун Жапаров менен жолуга турганы тууралуу маалымат тараган.

Президенттин маалымат кызматы Жапаров Россияга болчу сапарынын алдында окуучу бала менен жолугуу каралган эмес дешкен.

Көп өтпөй Жапаров видео байланыш аркылуу Бекболот Турдушев менен сүйлөшкөнүн өлкө башчысынын маалымат кызматы кабарлаган.

150
Белгилер:
Бекболот Турдушев, Садыр Жапаров, мектеп, президент, жолугушуу
Тема боюнча
Мектеп куруп берүүнү өтүнгөн балбайлык окуучу Жапаров менен жолукту. Сүрөт
 Жогорку Кеңештин депутаты Алмазбек Акматов. Архив

ЖК депутаты Алмазбек Акматов каза болду

248
(жаңыланган 23:51 28.02.2021)
Эл өкүлү узак убакыттан бери оору менен алышып келгени айтылды. Депутаттыкка чейин бир катар кызматтарды аркалаган.

БИШКЕК, 28-фев. — Sputnik. Жогорку Кеңештин депутаты Алмазбек Акматов 57 жашында каза болду. Кабарды парламенттин маалымат кызматы ырастады.

Анда Акматовдун узак убакыттан бери илдет менен күрөшүп келгени айтылат.

Ал 2015-жылы "Бир Бол" партиясынын тизмеси менен депутат болуп шайланган.

Алмазбек Акматов 1964-жылы 18-октябрда Нарын облусунун Ак-Талаа районундагы Дөрбөлжүн айылында төрөлгөн.

Депутаттыкка чейин СССРдин Коргоо министрлигинде аскердик-саясий кызматтарда, президенттин иш башкармалыгында, Эсеп палатасында иштеген.

248
Белгилер:
оору, депутат, Алмаз Акматов
Тема боюнча
СССРдин эл артисти Токтоналы Сейталиев 84 жаш курагында дүйнө салды