Рульдагы кишен. Иллюстративдик сүрөт

Асел Кадырбекова менен сүзүшкөн айдоочуга иш козголуп, камакка алынмай болду 

928
(жаңыланган 15:43 30.06.2020)
Эстрада ырчысы бир нече күн мурда Ыкчам аракетке келчү топтун унаасы менен кагышып, оор жаракатынан улам комада жатат. Жол кырсыгына шектелген айдоочуну ооруканада милиция кайтарууда.

БИШКЕК, 30-июн. — Sputnik. Ырчы Асел Кадырбекова менен сүзүшкөн айдоочуга кылмыш иши козголуп, бир айга камакка алынмай болду. Бирок учурда ал ооруканада экендигин Бишкек ШИИБдин маалымат кызматы кабарлады.

Эске сала кетсек, бир нече күн мурда Медеров жана Тыныстанов көчөлөрүнүн кесилишинде Toyota Camry айдап бараткан Асел Кадырбекова Ыкчам аракетке келчү топтун (ГБР) Honda Odyssey унаасы менен кагышкан. Кырсыктын кесепетинен Кадырбекова оор жаракат алып, комада жатат. Берки машинадагы эки киши да жабыркап, медиктердин жардамын алууда.

Асел Кадырбекова дагы деле комада. Сабырбек Жумабеков кайрылуу жасады

Шаардык милиция кырсык тууралуу өзүнүн маалыматын берди.

"Автокырсык 26-июнда саат 15:45 чамаларында катталган. Анда 25 жаштагы О.М. аттуу жаран Honda Odyssey унаасын Тыныстанов көчөсү менен айдап бара жатып, Медеров көчөсүнүн кесилишинен Toyota Camry  үлгүсүндөгү автокөлүктү сүзүп кеткен. Кырсыктын кесепетинен экинчи автоунаанын 1991-жылы туулган айдоочусу А.К. Бишкектеги Травматология жана ортопедия илим изилдөө борборуна жаткырылган. Биринчи унаадагы 25-26 жаштагы О.М. жана К.О. аттуу жарандар да травматология борборуна жана Улуттук госпиталга жеткирилген", — деп айтылат маалыматта.

Аталган факт Бишкек ШИИБдин Кылмыш жана жоруктардын бирдиктүү реестрине 297-берене ("Жол эрежесин бузуу") менен каттоого алынып, сотко чейинки өндүрүш башталды.

Талкаланып кетиптир! Бишкек — Ош жолундагы кырсыктын видеосу

Учурда 25 жаштагы О.М. Кылмыш-жазык кодексинин 98-беренеси боюнча кармалып, ооруканада аны милиция кызматкерлери кайтарып жатышат. Свердлов райондук соту тарабынан аны №1 тергөө абагына бир айга камакка алуу чечими чыккан.

Учурда сотко чейинки ачылган кылмыш ишинин алкагында тиешелүү экспертизалар дайындалганы кошумчаланды.

928
Белгилер:
ырчы, камак, айдоочу, кылмыш иши, жол кырсык, Асел Кадырбекова, ШИИБ, Бишкек
Тема:
Ырчы Асел Кадырбекованын кырсыкташы (9)
Тема боюнча
Бишкекте автоунаа коюп кеткен эки велосипедчендин бири мүрт кетти. Видео
Бишкекте эки автоунаа кагышып, бири аңтарылып калган видео
Жайлоодо мал кайтарып жүргөн киши. Архивдик сүрөт

Ишембиге карата аба ырайы

49
(жаңыланган 21:01 14.08.2020)
15-августта түнкүсүн Ош облусунун тоолуу райондорунда өткүн өтүп, күн күркүрөйт. Ал эми республиканын калган аймактарында күн ачык болот.

БИШКЕК, 14-авг. — Sputnik. Эртең күндүз өлкөнүн айрым аймактарында маал-маалы менен жамгыр себелеп, күн күркүрөйт. Чүй, Ош жергесинин дыйканчылык аймактарында жана Талас, Жалал-Абад, Баткен облустарында жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, батыштан соккон шамалдын ылдамдыгы секундасына 4-9 метрден күндүз кээ бир райондордо 15-20 метрге жетет.

Окумуштуулар: жакында ысыктын айынан сыртта иштөө мүмкүн болбой калат

Абанын температурасы Чүй өрөөнүндө +29...+34, Талас жергесинде +26...+31, Ош, Жалал-Абад, Баткен облустарында +30...+35, Ысык-Көлдө +22...+27 жана Нарын аймагында +21...+26 градус болору айтылды.

Күндүн табы Бишкекте +32...+34, Ош шаарында +31...+33, ал эми Чолпон-Атада +22...+24 градуска чейин жетет.

49
Белгилер:
аба ырайы, Кыргызстан
Тема боюнча
Ачка калбайбызбы? Кыргызстанда канча түшүм жыйналды
Противогаз кийген ӨКМ кызматкерлери. Архивдик сүрөт

Оштогу күйдүргү: ооруканада канча киши калды

86
(жаңыланган 21:36 14.08.2020)
Кара-Суу районундагы Тогуз-Булак айылында 24-августка чейин 288 киши көзөмөлдө болот. Эпидемияга каршы иш-чаралар уланууда.

БИШКЕК, 14-авг. — Sputnik. Ошто күйдүргүгө шектелип ооруканага түшкөндөрдүн арасынан бирөөндө гана вирус аныкталды. Калган жети киши үйүнө чыгарылды. Бул тууралуу Саламаттык сактоо министрлигинен билдиришти.

"Күйдүргү бир адамдан чыкты, калганы таза экен. 24-августка чейин айылда 288 киши көзөмөлдө болот. Эпидемияга каршы иш-чаралар уланууда”, — деп айтылат билдирүүдө.

Эске сала кетсек, 11-августта Ош шаарынын Кара-Суу районундагы Тогуз-Булак айылында күйдүргүгө шектелгендер болуп жатканы маалымдалган. Ош облустук клиникалык ооруканасы 2-августтан тарта сегиз бейтап түшкөнүн билдирген. Кийинчерээк бир кишиден күйдүргү оорусу лабораториялык жактан тастыкталып, Тогуз-Булак айылы карантинге алынган. 

86
Белгилер:
анализ, вирус, күйдүргү, Ош
Тема боюнча
Ош: күйдүргү чыккан уй эмделбегени үчүн ветеринарлар жазаланды