ЮТэйр авиакомпаниясынын учагы. Архив

Россиялык авиакомпаниялар Кыргызстанга каттамын качан жандантарын айтышты

1698
(жаңыланган 00:55 01.07.2020)
Россиянын ЖМКлары чет өлкөгө каттамдар 15-июлдан тарта жанданарын байма-бай жазышууда. Учактар эң биринчи ЕАЭБ жана КМШга кирген өлкөлөргө каттайт.

БИШКЕК, 1-июл. — Sputnik. Россия авиакаттамдарын КМШ мамлекеттерине башка өлкөлөрдөн мурдараак жандантат. Бул тууралуу РФтин транспорт министри Евгений Дитрих билдирди.

Sputnik Россиянын авиакомпанияларына кайрылып, алар ыкчам түрдө каттамдарды жандантууга даярдыгы тууралуу билип көрдү.

Июлдан тарта уча баштайбы?

"Биз жалпы эл аралык каттамдарды ишке ашыруудан мурда өзүбүзгө жакын болгон КМШ өлкөлөрүнө учабыз", — деп айткан Дитрих 30-июнда журналисттерге берген маегинде.

Бирок министр авиакаттамдар качан ачыла турганын так айткан эмес. Деген менен ал буга чейин эл аралык каттамдарды июль айында жандантуу планы күчүндө экенин айткан эле. Аны менен катар транспорт министри бийлик эпидемиологиялык кырдаалга карап чечим кабыл ала турганын белгилеп кетти.

Мурдараак Россиянын Аба транспорту федералдык агенттиги (Росавиация) КМШ өлкөлөрү менен эл аралык каттамдарды этап-этабы менен ишке киргизе берүү керектигин сунуштаган.

Россиянын алгачкы авиакаттамдары КМШ мамлекеттерине болору айтылды

Вице-премьер Татьяна Голикованын катчылыгы Коронавирус менен күрөшүү боюнча ыкчам штаб Тышкы иштер министрлигине, Росавиацияга жана Роспотребнадзорго авиакаттамдарды жандантуу маселесин карап чыгууга тапшырма бергенин тастыктады. Учурда маселе талкууланып жатат. Мындан сырткары, Россиянын башка мамлекеттер менен болгон макулдашуусун эске алып, бир бүтүмгө келери кошумчаланды.

Россиянын ЖМКлары чет өлкөгө каттамдар 15-июлдан тарта жанданарын байма-бай жазышууда. Учактар эң биринчи Евразия экономикалык биримдигине жана КМШга кирген өлкөлөргө каттай турганы кабарланды.

Авиакомпаниялар бийликтин чечимин күтүп жатат

S7 Airlines авиакомпаниясы пандемияга чейин Казакстан, Өзбекстан, Армения, Молдова, Азербайжан, Кыргызстан жана Тажикстанга каттап келгенин, учурда Россия өкмөтү чек араларды ачышын гана күтүп турганын белгилейт.

"S7 Airlines уруксат берилери менен дароо эл аралык каттамдарга чыгууга даяр. Расписание боюнча каттамды аткара албай калган самолёттор Inflight Ready Condition (англисчеден "учууга даяр абалында" деп которулат) абалында турат. Кайсы учур болбосун учууга даярбыз", — деди S7 компаниясынын маалымат катчысы Надежда Хаитова.

Ошондой эле ал кайсы өлкөлөргө көбүрөөк каттам аткарылары жүргүнчүлөрдүн санына байланыштуу болорун кошумчалады. Азырынча компания кайсы бир багыттар боюнча каттамдарды кыскарткан эмес.

Ал эми Utair компаниясынын авиатранспорттору дагы абага көтөрүлүүгө даяр турганын билдирди. Андыктан КМШ өлкөлөрүнүн бийлигинен уруксат алары менен уча турган багыттарын жандантарын кабарлады. Мурда Utair Азербайжан, Армения, Белоруссия, Тажикстан жана Өзбекстанга каттап келген.

Тышкы каттамдар 15-июндан тарта аткарылбайт. Штаб тактоо киргизди

Росавиациянын маалыматы боюнча, S7 Airlines менен Utair эл аралык жана ички каттамдарга ташыган жүргүнчүлөрүнүн саны боюнча алдыңкы алты лидердин катарына кирет. 2020-жылдын январь жана февраль айларында россиялык учактар (тизмеде 35 авиакомпания бар) 16,87 миллион жүргүнчү ташыган. S7 Airlines бул аралыкта 2,6 миллион жүргүнчүгө кызмат кылып, анын ичинен эл аралык каттам менен 665,3 адамды тейлеген.

Ал эми Utair миллиондон ашыгыраак (ички жана эл аралык) жүргүнчү ташыган.

Sputnik агенттиги материал даярдап жаткан маалда Россиянын башка авиакомпаниялары жооп беришкен жок.

1698
Тема:
Коронавируска байланыштуу Кыргызстандагы кырдаал (2076)
Тема боюнча
Июнь-июлда Россиядан Кыргызстанга жума сайын чартердик каттамдар уюштурулат
Футболчулар. Архив

Түркияда ойногон кыргызстандык жаш футболчу эл аралык сыйлыкка татыды

8
(жаңыланган 20:46 07.08.2020)
Өспүрүм футболчу "Галатасарай" - "Истанбул спор" беттешинде жаңылыштыктан белгиленген 11 метрлик айып тобун атайын сыртка тээп, жоомарттык көрсөткөн.

БИШКЕК, 7-авг. — Sputnik. Кыргызстандык жаш футболчу, Түркиянын "Галатасарай U-14" клубунун капитаны Бекназар Алмазбеков футболдук беттеште көрсөткөн акыйкаттык кадамы үчүн эл аралык Fair Play сыйлыгына татыды. Бул тууралуу Anadolu маалымат агенттиги жазды.

Өткөн жылы 13 жаштагы кыргызстандык ойногон команда Түркиянын 14 жашка чейинки футболчуларынын чемпионатында "Истанбул спор" клубу менен ойнойт. Анын жүрүшүндө Алмазбеков  капталдан чабуулга баратып, дарбаза сызыгына киргенде коргоочуну алдап өткөнү жатып кулаган. Беттеш калысы ага карата эреже бузулду деп эсептеп, 11 метрлик айып тобун белгилеген.

Кыргызстандык футболчу өзү эреже бузулбаганын, калыстын чечими жаңылыш болгонун белгилеп, 11 метрлик айып тобун атайын дарбазадан сыртка тээп, жоомарттык көрсөткөн.

Fair Play эл аралык комитети тарабынан берилүүчү мындай престиждүү сыйлыктын быйылкы лауреаттары 5-августта жарыяланды. Алмазбековдун талапкерлигин 2019-жылдын декабрь айында Түркиянын Олимпиадалык комитети көрсөткөн.

"Лацио" клубунун футболчусу Чиро Иммобиле "Алтын бутса" сыйлыгын утту

Fair Play эл аралык комитет мындай сыйлыкты 1964-жылдан бери жыл сайын тапшырып келет. Уюмдун башкы максаты спортто акыйкаттык көрсөткөн спортчуларды сыйлоо болуп саналат.

8
Белгилер:
сыйлык, Кыргызстан, футбол
Тема боюнча
France Football: быйыл "Алтын топ" сыйлыгы берилбейт
Терезенин жанында турган адам. Архив

Парламенттик шайлоого катышууну каалаган партиялардын кожоюндары кимдер? Тизме

18
Күздөгү парламенттик шайлоого катышуу ниетин 44 саясий партия билдирди. Sputnik Кыргызстан алардын лидерлери жана негиздөөчүлөрү тууралуу макала даярдады.

Шайлоо 4-октябрда өтөт. Ага катышууну каалаган 44 партия БШКга арыздарын беришти. Маалымат Юстиция министрлигинин сайтынан жана Шайлоо жана референдум ѳткѳрүү боюнча борбордук комиссиясынын сайтынан алынды.

Партия тууралуу кененирээк маалымат билүү үчүн анын аталышын басыңыз.

Маалыматта айырмачылыктар болуп жаткандыктан, булактарды көрсөтүү менен эки вариантты тең бердик. Ошондой эле партиялардын катталган (жаңы уюшулган) жана кайра катталган (партиянын саясий курамы өзгөргөндө) убактары көрсөтүлгөн.

Кызыгы, партияны кимдер түзгөндүгү тууралуу маалыматты айрымдар көрсөткөн эмес. Мындан тышкары, бул 44 партия тең парламенттик шайлоого катыша алат деген кепилдик жок. 24-августка чейин алар талапкерлердин тизмесин берүү менен күрөө коюшу керек. Ал эми 4-сентябрга чейин БШК каттоого алат же баш тартат.

 

18
Белгилер:
Парламент, тизме, саясый партия, БШК, шайлоо, Кыргызстан
Тема:
Шайлоо-2020
Тема боюнча
Добуш сатып алууга каршы күрөш. Жээнбеков мыйзамга кол койду
Шайлдабекова: үгүт иштеринде концерт, спорттук оюндарды өткөрүүгө тыюу салынат
Боронов: шайлоого даярдык боюнча Республикалык штаб түзүлдү