Официанттар иш учурунда. Архив

Тойкана, түнкү клубдар жабылат. Баш ийбесе жарыгы, суусу өчүрүлмөй болду

295
(жаңыланган 17:06 01.07.2020)
Борбор калаада буга чейин көңүл ачуучу жайларга 50 кишиден көп эмес кардар тейлөөгө уруксат берилген эле.

БИШКЕК, 1-июл. — Sputnik. Бишкекте тойкана, түнкү клуб, бар, караоке-клуб жана башка көңүл ачуучу жайлар толугу менен жабылат. Бул тууралуу борбор калаанын мэри Азиз Суракматов брифинг учурунда билдирди.

Жээнбеков: бул кыянатчылык, тойлорго расмий тыюу салууга убакыт келди

Буга чейин аталган жайларга 50 кишиден көп эмес кардар тейлөөгө уруксат берилген болчу.

Калаа башчысынын айтымында, эгер карантин режимин бузгандар болсо "Түндүк электр" жана "Бишкек суу канал" ишканаларына жарыкты, сууну өчүрүүгө тапшырма берилет.

"Велосипедди ижарага берген жайлар, балдар аянтчасы жана жол боюнда соода кылгандар өз ишмердүүлүгүн токтотушу керек. Келген адамдардын санына карабай тойкана, түнкү клуб, караоке-клубдар жабылат. Карантиндик режимди сактабагандарга электр жарыгы жана суу берүү токтотуу сунушталат. Ошондой эле балдарга оюн-зоок уюштурган жайлар, оюн аянтча, футбол талааларынын иштөөсүнө тыюу салынат", — деди Суракматов.

Ал андан сырткары, эл көп барган парк, сквер, бульварга келүүгө чектөө киргизилгендигин, эгер тургундар менен меймандар аталган талаптар аткарылбаса эскертүүсүз айып пул салына тургандыгын кошумчалады.

Кафе, соода борборлор кечинде жабылат! Бишкекте жаңы чектөөлөр киргизилди

Белгилей кетсек, Бишкек шаарында коронавирус жуктургандардын жалпы саны 2 392ге, Чүй облусунда 1 047ге жетти. Азыркы тапта ушул эки аймакта эпидемиологиялык абал күндөн-күнгө оорлошуп жатат.

295
Белгилер:
түнкү клуб, чектөө, Бишкек, коронавирус, Азиз Суракматов
Тема:
Коронавируска байланыштуу Кыргызстандагы кырдаал (2318)
Тема боюнча
Бишкекте коомдук транспорттун иш тартиби өзгөрдү
Кыз парктта кол чатыр менен бара жатат. Архив

Жумага карата аба ырайы

7
23-октябрга караган түнү кээ бир өрөөндөрдө жана тоо этектеринде жаан, тоолуу райондордо кар жаашы күтүлөт.

БИШКЕК, 22-окт. — Sputnik. Жума күнү, 23-октябрда, көпчүлүк аймактарда жаан жаап, тоо этектеринде жана тоолуу райондорго кар түшөт. Бул тууралуу Кыргызгидромет билдирди.

Маалыматка ылайык, Чүй, Талас өрөөндөрүндө, Ысык-Көл, Нарын облустарынын дыйканчылык аймактарында жаан карга айланышы мүмкүн. Ысык-Көл облусунун кээ бир райондорунда, Ош, Жалал-Абад облустарынын тоо этектеринде жана тоолуу райондорунда жаан-чачын катуу жаашы күтүлөт.

Абанын температурасы Чүй өрөөнүндө +3…+8 градус, Таласта +2…+7 градус, Ош, Жалал-Абад, Баткен облустарында +5…+10 градус, Ысык-Көл жана Нарын аймактарында 0…+5 градус болору айтылды.

Бишкек жана Ош шаарларында мезгил-мезгили менен жамгыр жаап, борбор калаада карга айланышы ыктымал. Күндүн табы Бишкекте +6…+8 градус, Ош шаарында +13…+15 градуска чейин жетет.

Мындай туруксуз аба ырайы жайыттарда малды кармоону, автоунаа, энергетика жана коммуналдык кызматтардын ишин кыйындатат.

7
Белгилер:
Кыргызстан, октябрь, аба ырайы
Тема боюнча
Жалал-Абад облусунун аймагында кайрадан жер титиреди
Митингтен кийин ак үйдүн абалы. Архив

Депутат: Ак үйдү калыбына келтирүүгө 400 млн. сом керек

103
(жаңыланган 18:34 22.10.2020)
Эске салсак, 6-октябрга караган түнү митингге чыккан эл Ак үйдү басып алган. Эртең менен имараттын үстүңкү кабаты алоолонуп өрттөнгөн.

БИШКЕК, 22-окт. — Sputnik. Жогорку Кеңештин имаратын калыбына келтирүү үчүн 400 миллион сомго жакын каражат керек. Бул тууралуу парламенттин бюджет жана финансы комитетинин мүчөсү Акылбек Жапаров билдирди.

Анын айтымында, 2010-жылдагы окуялардан кийин Ак үйдүн ремонтуна 380 миллион сом сарпталган, бирок андан бери баалар өсүп кетти.

Капталы жалбырттап, чатырынан түтүн уюлгуп. Ак үйдөн чыккан өрттүн видеосу

Эске салсак, 6-октябрга караган түнү митингге чыккан эл Ак үйдү басып алган. Эртең менен эрте имараттын чыгыш тарабынан өрт чыккан.

Белгилей кетсек, ЖКнын имаратында парламент, президенттин аппараты жана президент өзү иштейт.

103
Белгилер:
оңдоо, имарат, Ак үй
Тема боюнча
Башаламандыктан кийинки Ак үйдүн 7-кабаты. Видео