Кырыгзстандын премьер-министри Кубатбек Боронов

Боронов: эртең Кытайдан учак менен 500 кычкылтек концентратору алып келинет

342
(жаңыланган 14:07 02.07.2020)
Өкмөт башчы бейтаптар үчүн орун меселесин чечкендей эле жабдуу менен камсыздоо дагы жөнгө салынарына ишендирди.

БИШКЕК, 2-июл. — Sputnik. Акыркы убакта коронавирус менен байланышкан пневмония оорусу күч алып жатат. Бул тууралуу брифингде премьер-министр Кубатбек Боронов билдирди.

Анын айтымында, учурда өпкөнү жасалма дем алдыруучу аппаратка эмес, кычкылтек концентраторуна муктаждык жогору болуп жатат.

"Бишкек шаарындагы кемчиликти толугу менен жоёбуз. Эртең Кытайдан 500 даана кычкылтек концентраторун алып келебиз. Анын акчалары төлөнгөн, жана эле сүйлөштүм, учакка жүктөө боюнча документтер даярдалууда. Кошумча башка медициналык жабдуулар да келет. Мындан сырткары, дагы 500 даанага буюртма бердик. Ал бир жуманын ичинде келип калат", — деди Боронов.

Мындан сырткары, өкмөт башчы Дүйнөлүк банктын эсебинен 63 жасалма дем алдыруучу аппарат, 113 кычкылтек концентратору 15-июлга чейин алынарын айтты. Түркиядагы элчилик 50 жасалма дем алдыруучу аппарат, 50 кычкылтек концентраторун алуу боюнча сүйлөшүп жатканын белгиледи.

Катуу жазаланат! Финпол дарыны кымбаттаткан дарыканаларды текшере баштады

Ал эми өкмөт тарабынан медициналык жабдууларды сатып алууга 50 миллион сом бөлүнгөнүн кошумчалады.

Боронов бейтаптар үчүн орун меселесин чечкендей эле жабдуу менен камсыздоо дагы жөнгө салынарына ишендирди.

Белгилей кетсек, саламаттык сактоо министринин орун басары Мадамин Каратаев шаршембиде берген брифингинде өлкө 220 жасалма дем алдыруучу аппаратка жана 2003 кычкылтек концентраторуна муктаж экенин билдирген.

"Гансиде" пневмония болгондорду кабыл алуу үчүн 600 орун даярдалды. Сүрөттөр

342
Белгилер:
медицина, аппарат, өкмөт, Кубатбек Боронов
Тема:
Кыргызстандыктарды кыйнаган пневмония (48)
Тема боюнча
Кыргызстанда COVID жуктурган ак халатчандардын саны 921ге жетти
Кыргызстанда пневмониядан бир суткада 17 киши көз жумду
Беларустагы башаламандыктын катышуучусун кармап жаткан милиция кызматкери

Беларустагы башаламандыкта 68 кабарчы кармалып, 20дан ашыгы дагы эле камакта

36
(жаңыланган 23:57 13.08.2020)
Буга чейин бир катар жергиликтүү жана чет элдик кабарчыларга карата күч колдонуп, аларды камакка алган фактылар болгон.

БИШКЕК, 13-авг. — Sputnik. Беларуста укук коргоо кызматкерлери 9-августтан бери 68 кабарчыны кармаган, 20дан ашыгы дагы эле камакта. Бул тууралуу РИА Новости агенттиги жазып чыкты.

Беларустагы журналисттер ассоциациясынын маалыматына ылайык, 23 журналист камакта.

"13-август саат 17.40ка карата 23 журналист камакта жатат. 9-августтан бери жалпы 68 кабарчы кармалган. Аларга карата күч колдонгон 29 учур катталган", — деп жазылган ассоциациянын Telegram-каналында.

Лукашенко: митингге чыккандарды чет мамлекеттен туруп көзөмөлдөшкөн

Башаламандыкта буга чейин "Комсомольская правданын" журналисти менен айдоочусу сабалган. Кийин жергиликтүү погончондор BBC кызматынын үч кызматкерине кол салган деп айтылат маалыматта. Андан сырткары, Onliner порталынын эки кабарчысына күч колдонуп кармаган.

Ага чейин бир катар россиялык жалпыга маалымдоо каражаттарынын өкүлдөрү да колго түшүп, айрымдарын Беларусь беш жылга өлкө аймагына кирүүгө тыюу салып, коё берген.

36
Белгилер:
кармоо, журналист, Беларусь
Тема:
Беларустагы нааразылык акциялары
Тема боюнча
Минскидеги башаламандык таңга жуук токтоду
Лукашенко: митингге чыккандарды чет мамлекеттен туруп көзөмөлдөшкөн
Эгин талаа. Архив

Жумага карата аба ырайы

49
(жаңыланган 21:03 13.08.2020)
Синоптиктер 14-августта түнкүсүн өлкөнүн кээ бир райондорунда өткүн өтүп, күн күркүрөшү күтүлөрүн маалымдашты.

БИШКЕК, 13-авг. — Sputnik. Жума күнү, 14-августта, күндүз республиканын тоолуу райондорунда өткүн өтүп, күн күркүрөйт, дыйканчылык аймактарында күн ачык болот. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

Абанын температурасы Чүйдө +27...+32, Талас аймагында +26...+31, Ош, Жалал-Абад, Баткен облустарында +29...+34, Ысык-Көл жана Нарын жергесинде +20...+25 градус болору айтылды.

Күндүн табы Бишкекте +29...+31, Ош калаасында +32...+34 градуска чейин жетсе, Чолпон-Атада термометрдин көрсөткүчү +22...+24 градуска көтөрүлөт.

49
Белгилер:
Кыргызстан, аба ырайы
Тема боюнча
Шашылыш билдирүү! Бүгүн, эртең тоолуу аймактарда сел жүрөт