Айдоочунун температурасын текшерип жаткан кызматкер. Архив

Чүйдө транспорттун иш тартиби өзгөрүп, бир катар чектөөлөр кирди. Тизме

790
(жаңыланган 15:27 02.07.2020)
Чүйдө оору жуктургандардын көбү Бишкекке жакын жердеги Аламүдүн жана Сокулук райондорунда катталып жатканы белгиленди. Алардын көбү жумушу үчүн борборго каттайт.

БИШКЕК, 2-июл. — Sputnik. Учурдагы абалга байланыштуу Чүй облусунун башчысы Алтынбек Намазалиев тарабынан аймак ичине бир катар чектөөлөр киргизилди. Бул тууралуу өкмөттүн аталган облустагы өкүлчүлүгү билдирди.

Маалыматка ылайык, 2-июлга карата коронавирус жуктургандардын саны облуста 1 138ге жетти. Анын 231и сутка ичинде катталды. Оору жуктургандардын көбү Бишкекке жакын жердеги Аламүдүн жана Сокулук райондорунда, алардын көбү борбор калаада иштейт. Эпидемиологиялык изиздөө алар вирусту коомдук транспорттон, базарлардан, ири соода жайлардан жана эл көп топтолгон жерлерден жуктурганын көрсөткөн.

Жээнбеков: бул кыянатчылык, тойлорго расмий тыюу салууга убакыт келди

Оорунун мындан ары күч алышын чектөө боюнча район башчыларына жана жергиликтүү өз алдынча башкаруу органдарынын жетекчилерине бир катар тапшырмалар берилген.

  • дезинфекция чараларын күчөтүү, түшүндүрүү иштерин байма-бай жүргүзүү жана санитардык нормалардын аткаралышын көзөмөлдөө; 
  • базарлар 06:00дөн 15:00гө чейин, соода жайлары 07:00дөн 19:00гө чейин, кафе, ресторан жана башка тамактануучу жайлар 08:00дөн 21:00гө чейин иштемей болду; 
  • дүйшөмбү жана бейшембиде санитардык күнгө базарларды жабуу;
  • базарларда, тамак-аш тейлөө пунктуларында, коомдук транспортто рейддерди улантуу, эреже бузган учурларда катуу жазалоо;
  • коноктордун санына карабастан тойканалардын, караоке-клубдардын жана башка көңүл ачуучу жайлардын ишин токтото туруу;
  • Чүйдүн райондорунан Бишкекке жүргүнчү ташыган маршруттук каттамдарга чектөө киргизүү. Белгилүү убакытта эртең менен жана кечинде бир катташат;
  • дем алыш күндөрү шаарлар аралык жана шаар четиндеги аймактарда жүргүнчү ташыган транспорттун кыймылы токтойт;
  • Бишкекте жашап, бирок Чүйдө эмгектенген кызматкерлерди аралыктан иштетүү;
  • мамлекеттик уюмдун жетекчилери жумушчуларын кызматтык унаа менен алып келип, кайра жеткиргенге аракет кылышы керек. Ошондой эле дистанттык түрдө иштөөгө өтүү зарыл;
  • коронавирус жана пневмония менен жабыркагандарды дарылоо үчүн кошумча жайларды уюштуруп, 118 кызматынын тейлөө сапатын жакшыртуу тапшырылган.

 

790
Белгилер:
дезинфекция, кафе, унаа, чектөө, коронавирус, Бишкек, Чүй облусу
Тема:
Коронавируска байланыштуу Кыргызстандагы кырдаал (2433)
Тема боюнча
Көп бириксе тоо томкорот. Боронов ыктыярчы медик болууга чакырып шартын айтты
Эртеңден тарта Бишкек катаал карантиндик режимге өтөт. Чектөөлөрдүн тизмеси
Нарын облусу. Архивдик сүрөт

Өкмөт Нарынга 300 үй-бүлө үчүн эксперименталдык айыл курууга белсенүүдө

8
(жаңыланган 11:13 05.12.2020)
Ал жерге сейсмологиялык жана сел жүрүү кооптуулугунда турган Ак-Чий, Жаңы-Тилек айылдарынын жашоочуларын көчүрүп келүү пландалууда.

БИШКЕК, 5-дек. — Sputnik. Кыргыз өкмөтү Нарын облусуна "Ак-Тилек" деп аталган эксперименталдык конуш курууга белсенип жатат. Тийиштүү буйруктун долбоорун Архитектура, курулуш жана коммуналдык-турак жай агенттиги коомдук талкууга чыгарды.

Жаңы конуш Ак-Талаа районунда пайда болору айтылган. Ал жерге сейсмологиялык жана сел жүрүү кооптуулугунда турган Ак-Чий, Жаңы-Тилек айылдарынын жашоочуларын көчүрүп келүү пландалууда. 1990-жылдын аягынан 2010-жылга чейин бул аймактарда бир нече жолу жер силкинип, сел түшүп кыйроолорго алып келген. Өзгөчө кырдаалдар министрлиги ал жердин тургундарын көчүрүү зарыл деген корутунду чыгарган.

Ак-Тилек конушу 300 турак жайга (1500 адам) ылайыкташкан. Курулуш агенттиги жерлер 2019-жылдын ноябрында эле өкмөттүн токтому менен трансформация болгонун билдирди.

Конушту куруу жана пландаштыруу боюнча жаңы ыкмаларды колдонуу (конструкция, курулуш материалдары, инженердик камсыздоо системасы) чечими кабыл алынгандыктан эксперименталдуу калктуу конуш деген макам берилет.

Ошондой эле планын иштеп чыгууда шаар куруу боюнча дүйнөлүк тажрыйба жана экологияга аяр мамиле жасоо принциби колдонулганы белгиленет. Үйлөрдүн ичи жылуу жана жер титирөөгө туруштук берүү деңгээли жогору болоруна ишендирет.

Долбоордун суммасы жазылган эмес, бирок өкмөт ага бюджеттик каражат коротулбай турганын айтты. БУУнун Европа экономикалык комиссиясынын долбоору аркылуу каражат жана инвестиция тартылары күтүлүүдө. Бул боюнча алдын ала макулдашуу түзүлгөн.

Техникалык документациясы менен өкмөттүн сайтынан кененирээк таанышууга болот.

8
Белгилер:
айыл, тургун, курулуш, Нарын, жаңы конуштар
Тема боюнча
Өрттөнгөн прокуратуранын ордуна эмнеге шаардык кеңештин имараты курулат. Жооп
Өзгөн менен Араванда эки төрөт үйү пайдаланууга берилди
Бышырылган жумуртка. Архив

Адис: жумуртка диабеттен жабыркагандар үчүн пайдалуу тамак

28
Дарыгерлер жумурткадан жасалган эртең мененки тамак адамды узак убакытка ток кармап, денедеги майдын азайышына өбөлгө болорун белгилешет.

БИШКЕК, 5-дек. — Sputnik. Жумуртка экинчи типтеги диабет менен жабыркагандар үчүн пайдалуу азык. Бул тууралуу РИА Новости Америкалык диабет ассоциациясына шилтеме берип жазды.

Адистер тооктун бир жумурткасында бир граммга жетпеген углевод жана жети граммга жакын белок бар экендигин айтышат. Мындан сырткары, жумуртка нервди жана булчуңдарды чыңдап, жүрөк-кан тамыр системасын жакшыртуучу калийдин булагы экендигин белгилешет.

"Жумуртканы ачкарын такай жеп туруу экинчи типтеги диабет менен жабыркаган адамдардын канындагы глюкозанын деңгээлин жакшыртууга мүмкүн экенин изилдөөлөр көрсөттү", — деп айтылат маалыматта.

Дарыгерлер жумурткадан жасалган эртең мененки тамак адамды узак убакытка ток кармап, ашыкча тамак жеп алуудан сактап, денедеги майдын азайышына өбөлгө болорун белгилешет.

28
Белгилер:
жумуртка, кеңеш, диабет, диета, ден соолук
Тема боюнча
Кант диабети менен ооругандар арзандатылган тесттерди сатып алса болот
Немец диетологдору ачкарын жегенге болбой турган азыктарды атады