Бириккен Араб Эмирлигиндеги (БАЭ) 191 кыргызстандык кайтып келди

Бириккен Араб Эмирлигинен 191 кыргызстандык Бишкекке келди

36
(жаңыланган 16:49 03.07.2020)
Мекендештер Дубай — Бишкек маршрутундагы FlyDubai авиакомпаниясынын чартердик каттамы менен алып келинди. Арасында балдар да бар.

БИШКЕК, 3-июл. — Sputnik. Бүгүн, 3-июлда, Бириккен Араб Эмирлигиндеги (БАЭ) 191 кыргызстандык кайтып келди. Бул тууралуу өлкөнүн Тышкы иштер министрлиги кабарлады.

  • В Бишкек из Объединенных Арабских эмиратов вернулся 191 кыргызстанец
    Бүгүн, 3-июлда, Бириккен Араб Эмирлигиндеги (БАЭ) 191 кыргызстандык кайтып келди
    © Фото / пресс-служба МИД КР
  • В Бишкек из Объединенных Арабских эмиратов вернулся 191 кыргызстанец
    Дубай — Бишкек каттамы менен келген FlyDubai авиакомпаниясынын чартердик каттамы менен келген мекендештердин арасында балдар да бар.
    © Фото / пресс-служба МИД КР
1 / 2
© Фото / пресс-служба МИД КР
Бүгүн, 3-июлда, Бириккен Араб Эмирлигиндеги (БАЭ) 191 кыргызстандык кайтып келди

Дубай — Бишкек каттамы менен келген FlyDubai авиакомпаниясынын чартердик каттамы менен келген мекендештердин арасында балдар да бар.

"Дубай аэропортундагы бекитилген тартипке ылайык, каттамдагы бардык жарандар учар алдында коронавирус инфекциясына экспресс-тест тапшырышты", — деп айтылат маалыматта.

ТИМ билдиргендей, бул каттам БАЭ менен жетишилген сүйлөшүүлөрдүн негизинде ишке ашырылды. Сыртта калган мекендештерди Кыргызстанга кайтарып келүү боюнча иштер улантылууда.

36
Белгилер:
Бириккен Араб Эмирлиги, ТИМ, коронавирус
Тема боюнча
Кувейттен 102 кыргызстандык алып келинди
Новосибирскиден 186 кыргызстандык атайын каттам менен алып келинди
Митингтен кийин ак үйдүн абалы. Архив

Депутат: Ак үйдү калыбына келтирүүгө 400 млн. сом керек

90
(жаңыланган 18:34 22.10.2020)
Эске салсак, 6-октябрга караган түнү митингге чыккан эл Ак үйдү басып алган. Эртең менен имараттын үстүңкү кабаты алоолонуп өрттөнгөн.

БИШКЕК, 22-окт. — Sputnik. Жогорку Кеңештин имаратын калыбына келтирүү үчүн 400 миллион сомго жакын каражат керек. Бул тууралуу парламенттин бюджет жана финансы комитетинин мүчөсү Акылбек Жапаров билдирди.

Анын айтымында, 2010-жылдагы окуялардан кийин Ак үйдүн ремонтуна 380 миллион сом сарпталган, бирок андан бери баалар өсүп кетти.

Капталы жалбырттап, чатырынан түтүн уюлгуп. Ак үйдөн чыккан өрттүн видеосу

Эске салсак, 6-октябрга караган түнү митингге чыккан эл Ак үйдү басып алган. Эртең менен эрте имараттын чыгыш тарабынан өрт чыккан.

Белгилей кетсек, ЖКнын имаратында парламент, президенттин аппараты жана президент өзү иштейт.

90
Белгилер:
оңдоо, имарат, Ак үй
Тема боюнча
Башаламандыктан кийинки Ак үйдүн 7-кабаты. Видео
Бишкектеги Кыргызфильм киностудиясын имараты. Архив

"Кыргызфильм" киностудиясына жаңы жетекчи дайындалды

81
(жаңыланган 15:24 22.10.2020)
Тиешелүү буйрукка маданият, маалымат жана туризм министри Нуржигит Кадырбеков кол койгон. Бекболотов буга чейин "Айтыш" коомдук фондунун жетекчиси болуп иштеген.

БИШКЕК, 22-окт. — Sputnik. Акжолтой Бекболотов Төлөмүш Океев атындагы "Кыргызфильм" улуттук киностудиясынын директору болуп дайындалды. Бул тууралуу Маданият, маалымат жана туризм министрлигинен кабарлашты.

Новый директор национальной киностудии Кыргызфильм имени Т. Океева Акжолтой Бекболотов
© Фото / пресс-служба МКИТ КР
Акжолтой Бекболотов Төлөмүш Океев атындагы "Кыргызфильм" улуттук киностудиясынын директору болуп дайындалды

Ага ылайык, тиешелүү буйрукка министр Нуржигит Кадырбеков кол койгон.

"Эмгек кодексинин 55-58-беренелерине жана өкмөттүн 2013-жылдын 3-майындагы №236 токтому менен бекитилген "КР маданият, маалымат жана туризм министрлиги жөнүндө" жобонун 13-пунктуна ылайык, Акжолтой Бекболотов Төлөмүш Океев атындагы "Кыргызфильм" улуттук киностудиясынын директору болуп дайындалды",— деп жазылат маалыматта.

ЖК депутаттары Тилек Токтогазиевди айыл чарба министри кылып бекитти

Бекболотов буга чейин "Айтыш" коомдук фондунун жетекчиси болуп иштеген.

81
Белгилер:
дайындоо, жетекчи, кызмат, Кыргызфильм
Тема боюнча
Жапаров Зулушевди Башкы прокуратура жамаатына өзү барып тааныштырды
Тышкы иштер министри Руслан Казакбаев. Архив

Руслан Казакбаев Москвада ЖККУнун башкы катчысы менен жолукту

0
(жаңыланган 20:42 22.10.2020)
Руслан Казакбаев бүгүн эки күндүк иш сапары менен Россия Федерациясына кеткен. Анын жүрүшүндө министр россиялык кесиптеши Сергей Лавров жана башка мамлекеттик органдардын жетекчилери менен жолугушуусу күтүлүүдө.

БИШКЕК, 22-окт. — Sputnik. Бүгүн Москва шаарында Кыргызстандын тышкы иштер министри Руслан Казакбаев Жамааттык коопсуздук жана кызматташуу уюмунун (ЖККУ) башкы катчысы Станислав Зась менен жолугушту. Бул тууралуу өлкөнүн РФтеги элчилигинен билдиришти.

Алар регионго, ошондой эле дүйнөгө терс таасир этип жаткан маселелер боюнча пикир алышып, ЖККУнун алкагындагы кызматташтыктын артыкчылыктуу багыттарын талкуулашты.

Казакбаев Кыргызстандагы ички саясий абалдын турукташканы тууралуу кыскача маалымат берип, учурдагы бардык саясий процесстер мыйзам талаасында болуп жатканын айтты.

Ошондой эле тараптар ЖККУнун Жамааттык коопсуздук кеңешинин келерки сессиясына даярдык тууралуу кеп кылышты.

Эске салсак, тышкы иштер министри Руслан Казакбаев бүгүн эки күндүк иш сапары менен Россия Федерациясына кеткен. Анын жүрүшүндө министр россиялык кесиптеши Сергей Лавров жана башка мамлекеттик органдардын жетекчилери менен жолугушуусу күтүлүүдө.

0
Белгилер:
Станислав Зась, жолугушуу, ТИМ, Руслан Казакбаев, Россия, Кыргызстан
Тема боюнча
Өзбекстандын премьер-министри телефон чалып, Садыр Жапаровду куттуктады