Офис кызматкери. Архив

Жумуштагы байке тийишкенден кийин жашоом бузулду. Жаш жигиттин каты

1612
(жаңыланган 13:25 04.07.2020)
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.

"Психолог менен баарлашуу" рубрикасына бул ирет чогуу иштеген эркек киши тийишип, психикасы жабыркаган жаш жигиттин каты жарыяланды.

Мен 21 жаштамын. Жарым жылдан бери аябай кыйналып жүрөм. Айлам кеткенде эжеме ичимдеги нерсенин баарын айтып берип, ал психологго кайрылууну сунуштады.

Былтыр колледжди бүтөрүм менен өз кесибим боюнча Бишкектеги интернет-провайдерлердин бирине жумушка кирдим. Кичине кезимен бери компьютерге, негизи эле техникага кызыккандыктан IT-тармагы боюнча окуумду жакшы бүтүрүп, жумушка ийгиликтүү орношуп алдым деп сүйүнүп жүрдүм. Башында тажрыйба топто деп үйлөргө интернет орнотууга барган бригадага кошуп коюшту. Көпчүлүгү менден бир аз эле улуураак балдар экен, бат тил табышып кеттик.

Бир күнү менеджер кыз "сен мындан ары кеңседе иштейт экенсиң, Талгат байке (аты өзгөртүлдү — ред.) сени өзүнүн бөлүмүнө котортуп алды" деди. Эмне деп жооп беришти билген жокмун. Жаңы эле келсем, анан бөлүм башчы өз бөлүмүнө алып алса, демек жакшы жагыман өзүмдү көрсөтө алдым окшойт деп сүйүнүп койдум. 2-3 күндөн кийин Талгат байке башкарган бөлүмдө иштей баштадым. Ал киши өзү келип бир нече жолу ал-жайымды сурап, көнүп калдыңбы деп кабар алып турду. Анын бул сапаттарын чын дилимден жактырып, жакшы киши турбайбы деген ой кетти. Көп өтпөй жумушта кармалып калып кечирээк чыктым. Сыртта Талгат байке тамеки түтөтүп туруптур. Мен унчукпасам деле "кайсы тарапка барасың, мен таштай кетем" деп калды. Жолду катар өзүм, ата-энем тууралуу сурап барды. Жете бергенде жол жээгине машинаны токтотуп, сүйлөшүп туралычы деди. Мен, биринчиден, автонун ичине отуруп эмнени сүйлөшөбүз, экинчиден, бул мага жетекчи болсо деп таң калдым.

Келинимдин жүдөөлүгү көкөйгө тийди. Айласы куруган кайнененин каты

Бир маалда "акыл-эстүү эле жигит экенсиң, ачык сүйлөшүп албайлыбы. Мага негизи жигиттер жагат, а сен сонун бала экенсиң" деди. Мен эмне кыларымды билбей, бутумдун учунан башыма чейин ысып кетти. Андан кийинки ирмемдер жакшы эсимде жок. Өзүмө келсем колумду кармап жыттап, өпкүлөп жатыптыр. Эң жаманы мен колумду тартып алып, чыныгы эркектей болуп бир муштаган жокмун. Селейген бойдон отуруп, бир учурда өзүмдү колго алып машинадан түшө качтым.

Ошондон баштап жашоом түп-тамыры менен өзгөрдү. Жалгыз калсам же көзүмдү жумсам эле баягынын сөздөрү кулагыма угулуп, колдорумду өпкүлөп жатканы көз алдыма тартылат. Ошонун айынан түшүмдөн чочуп, көпкө чейин уктай албайм. Жумушка болсо такыр эле барбай койдум, үйдөгүлөрдү аябай оор экен, чыдачудай эмесмин деп жайгардым. Жумуштагылар дагы бир нече күн бою чалышты, бирине дагы жооп берген жокмун.

2-3 ай өткөндөн кийин бир аз өзүмө келип жаңы жумуш издеп көрдүм, бирок таба албадым. Чынын айтканда, өзүм тапкым келген жок окшойт. Ал ортодо көптөн бери жагып жүргөн тааныш кыз менен мамиле курууга аракет кылдым. Анда дагы алаксый албадым, анын колун кармасам, кучактасам, өпсөм деле баягы кишинин сөздөрү кулагыма жаңыра берет.

Жашоону эмнеден баштоону билбей турам. Күйөөсү башкага кетип калган келиндин каты

Андан дагы коркунучтуусу, аягында балким мен өзүм дагы ошондой болуп жүрбөйүн, эмнеге эркек кишинин айткандары, колумду өпкөндөрү эсимден кептей жатат деп ойлоно баштадым. Ошол учурда чыдай албай, бардыгын эжеме айтып бердим. Мындан ары эмне кыларымды билбей турам, жардам бергилечи...

Психолог Перизат Калмаматова:

— Урматтуу автор, сиз ушуп тапта катуу депрессияда экенсиз. Ага сиз нервиңиз катуу жабыркагандан кийин туш болгонсуз. Кесиптешиңиздин андай мамилесине өзүңүз айткандай, муштум менен жооп берип, кырдаалдан кол шилтеп чыгып кетүүгө эң биринчиден жаш курагыңыз таасир этти. Байкашымча, буга чейин алдап кетүү, чыккынчылык сыяктуу мамилени көрө элексиз. Башкача айтканда, жашоонун эч бир оош-кыйышын баштан кечире элек абалыңыз менен тиги кишинин мамилесин, сунушун оор, жүрөккө абдан жакын кабыл алгансыз.

Негизгиси — сиз эми ошол окуяны унутайын деген максатта жумуш же жаңы сүйүү мамилесин издебешиңиз керек. Сиз жашоо уланат, ошол жумуш менен жан багам, адис катары калыптанам деп ойлонуңуз. Ал эми жашооңузда пайда болчу кызды келечектеги сүйүктүү жар, балдардын апасы, ата-энеңиздин келини катары көрүңүз. Эгер сиз аны баягы окуянын "таасиринен" сууруп алчу гана адам катары элестетсеңиз, абал кыйындай берет. Адамдын психологиясы ушундай, канчалык бир нерседен оолактагысы келип, унутууга аракет кылган сайын ошол нерсеге жакындай берет. Качан гана аны көңүл сыртында калтырып койгондо, мээ дагы аны акыл-эстен чыгарат. Бирок жогоруда айткандай, катуу депрессияда экенсиз, болгон окуяга белчеңизден батып алыптырсыз. Психологдун консультациясына муктажсыз.

1612
Белгилер:
сүйүү, жумуш, депрессия, мамиле, эркек, психолог
Тема:
Психолог менен баарлашуу (123)
Тема боюнча
Үй-бүлөдөн да, там-таштан да жок сызга отуруп калдым. Мигрант күйөөнүн көйгөйү
Түркияда күйөөгө тийип кеткен аялым эми балдарды, үйдү талашууда. Эркектин каты
Колунда күйүп турган ширеңке менен киши. Архив

Вандалдар Бишкектин чок ортосундагы скульптураны өрттөп кетишти. Видео

253
(жаңыланган 23:13 25.10.2020)
Скульптура 2018-жылдан бери турган. Кээде анын лагын жаңыртуу үчүн атайын кызматтар алып кетип турушкан.

БИШКЕК, 25-окт. – Sputnik. Бишкектин Эркиндик проспектиндеги жыгачтан жасалган павлиндин скульптурасын вандалдар өрттөп кетишти. Бул тууралуу “Бишкек жашыл чарба” ишканасынын маалымат катчысы Аида Айдаралиева Facebook баракчасына жазды.

“Акыркы кезде вандалдар тууралуу бат-баттан жазып калганым абдан өкүнүчтүү. Павлиндин скульптурасы 2018-жылдан бери турган. Кээде анын лагын жаңыртуу үчүн алып кетип турчубуз. Эми аны вандалдар өрттөп салыптыр. Эмнеге мындай кадамга барышканы белгисиз”, - деди Айдаралиева.

Анын айтымында, видео төрт күн мурда тартылган.

253
Белгилер:
өрт, вандализм, скульптура, Бишкек
Тема боюнча
Дарыканадан акча уурдай качып, кайра кайтарып камалган жигиттин маеги
Талас облустук театрында режиссеру Чолпон Эрикова

Республика боюнча театрда иштеген үч эле айым бар. Режиссер Чолпондун маеги

241
(жаңыланган 22:13 25.10.2020)
Кыргызстанда айымдар арасынан чыккан театр режиссерлорун санай келгенде колдун беш манжасына да жетпейт. Алардын ичинде жаш режиссер Чолпон Эрикова да бар. Чолпон учурда Талас облустук театрында режиссер болуп эмгектенүүдө.

Sputnik Кыргызстан агенттиги 27 жаштагы Чолпон Эрикова менен маектешип, театр жана жаштар тууралуу азыноолок кеп курду.

Театр сизди эмнеси менен өзүнө тартты?

Мен мектепте окуп жүргөндө, бизге “Учур” театры келип спектакль коюп турчу. Алар менен Болот Тентимишов дагы көп келип калды. Актерлорду көрүп аябай таасирленгендиктен, 7-класстан баштап эле мектептеги майрамдарга сценка коюп, идеяларды айтып жүрдүм. Мен 9-класс болгондо апам Кыргыз драма театрына костюмер болуп иштеп калды. Апамды ээрчип театрга барып жүрүп кызыгуум артты. Кийин 11-классты бүтөрүм менен ушул кесипти тандап алдым.

Спектакль в Таласском областном театре. Архивное фото
© Фото / Адилет Кыштообаев
Чолпон Эрикова: өзгөчө Чыңгыз Мамаевдин Алыкулду ойногонун көрүп "буюрса ушул кишилер менен иштешем" деп кыялданчумун

Биринчи жолу көргөн спектаклиңиз эсиңиздеби?

Эсимде, “Учур” театрынын Алыкул Осмонов жөнүндө койгон спектакли болду. Актёрлор көзүмө бир башкача көрүнөр эле. Өзгөчө Чыңгыз Мамаевдин Алыкулду ойногонун көрүп  “буюрса ушу киши менен иштешем” деп кыялданчумун. Азыр минтип кыялым орундалып отурат. Апам театрда иштеп турган кезде залда отуруп алып жомокторду көп көрдүм. Ал кезде 10-класста окучумун. Чоңоюп калсам дагы жаш балача элестетип, жомоктун ичине кирип кетчү элем. Ошондон алган таасирден уламбы, Талас театрында үч жыл катары менен жомок койдум. Анын ичинен бирөөсү өзүмдүн автордук жомогум болду.

Режиссер Таласского областного театра Чолпон Эрикова
© Фото / Чолпон Эрикова
Чолпон Эрикова: алгачкы автордук спектаклимде ашыкча ысырапкорчулук сыпатталган

Актёрлорго таасирленип театрды тандапсыз. Эмне үчүн актриса болгон жоксуз?

Азыр театрда бир штатта режиссёр, жарым штатта актриса болуп иштейм. Негизи режиссерлук кесипке тапшырганда группада эки эле кыз болгондуктан бизди үч жыл актёрлор менен кошуп окуткан. Натыйжада  эки жактуу билим алып, 4-курска жеткенде өзүнчө бөлүнүп режиссер деген диплом алып чыктык. Бирок эки жакта тең иштөөгө тажрыйбам бар.

Спектакль в Таласском областном театре. Архивное фото
© Фото / Адилет Кыштообаев
Чолпон Эрикова: азыр театрларда иштеген жаштар көп. Алар деле мага окшоп жарыбаган маянага иштеп жатышат

Жаш режиссер катары алгачкы автордук спектаклиңизди койгону жатыпсыз...

Курманбек Токтоналиевдин "Дүрбөлөң" аттуу чыгармасын сахналаштырып спектакль коюунун алдында турам. Бул менин алгачкы автордук спектаклим. Мында ашыкча ысырапкорчулук сыпатталган. Жыл бою иштеп тапкан акчасын күзүндө аш-тойлорго сарптап салган элибиздин ашыкча салт-санаасы ашкереленет. Кошумча кошуунун терс жактары жөнүндө да айтылган. Кээде өлүмгө кайгырбай, келген кошумчаны эсептешип калган учурлар кездешет. Боз үйдөгү маркумдун жакындары келген кийиттерге көңүл бурууга мажбур. Себеби кайра бергенде өзүнүкүн өзүнө берип же кымбат кездеме алып келсе арзаныраагын берип уят болбойлу деп кооптонушат. Спектаклди ашыкча ысырапкорчулукту, кереги жок каадаларды токтолу деген мааниде койдук. Туугандар арасындагы таарынычтар да ушундан улам чыгат. Жамандык болгон үйдө эки же үч бодо мал союлат. Ушунун баары эле ысырапкорчулук. Азыр экономикалык каатчылык күч алып турганда мындай ашыкча жөрөлгөлөрдү кыскартуу жагын карасак болмок. Ушул жагын элге жеткирели дедик.

Музыка менен АКШны багынткан кыргыз кызы: ыйлаган күндөрүм көп болду

Режиссер Таласского областного театра Чолпон Эрикова
© Фото / Жылдыз Маликова
Чолпон Эрикова: мен 9-класс болгондо апам Кыргыз драм театрына костюмер болуп иштеп калды. Апамды ээрчип жүрүп театрга кызыгып калдым

Өзүңүз Ысык-Көлдүн кызы болсоңуз дагы кесибиңиздин артынан Таласка барып иштеп жатыпсыз. Кыйналган жоксузбу?

Мурда Таласка келип көрбөгөндүктөн абдан кыйналдым. Эч кимди тааныбайм. Шаардан адашып кеткен учурларым көп болду. Азыр көнүп калдым. Театрдын кызматкерлери өз ишинин патриоту болушат деп коет го, анысы кандай, бул тармакта иштегендер театрдан башка жакты эңсебей калат. Алган акчабыз аз болсо дагы күндүн ысык-суугуна карабастан иштей берет экенбиз. Азыр театрларда иштеген жаштар көп. Алар деле мага окшоп жарыбаган маянага иштеп жатышат. Бирок шаардагы театрларда иштеген жаштарга жеңилирээк. Анткени алар үн жаздырып, тартууларга барып кошумча акча таба алышат. Таластагы театрда жаштардан экөө элебиз. Бул жактан тажрыйба топтоп алайын деп жатам.

Маянаңыз канча?

Айына 4070 сом алам. Мага театр жатаканадан бөлмө бөлүп берген. Утурумдук жашаган жерим чечилгендиктен аз акча алсам дагы сүйүктүү кесибим менен иштөөгө мүмкүнчүлүк бар.

Имараты жок көчөдө калган дымагы күч артисттер. "Туңгучтун" таберик сүрөтү

Спектакль в Таласском областном театре. Архивное фото
© Фото / Адилет Кыштообаев
Чолпон Эрикова: азыр экономикалык каатчылык күч алып турганда ашыкча ысырапты кыскартуу жагын элге жеткирели дедик

Менимче Кыргызстанда режиссер айымдар аз эле болсо керек?

Ооба, республика боюнча театрда расмий түрдө иштеп жаткан режиссёр айымдардан үчөө эле бар. Бул тармакта көп жылдан бери эмгектенип келе жаткан эжелер Замира Акылаева, Эльвира Ибрагимова жана мен.

Алдыда кандай максатыңыз бар?

Буюрса, дагы көп-көп спектаклдерди коюп, өзүмдү сынап көргүм келет. Эл аралык фестивалдарга катышууну максат кылам. Ошондой эле келечекте  жеке театр ачууну көздөп жатам.

241
Белгилер:
маек, спектакль, режиссер, театр
Тема боюнча
Москвада кыргыз театрын ачкан Козубаева: репетиция батиримдин бир бөлмөсүндө өтөт
Айыл чарба министри Тилек Токтогазиев. Архив

Тилек Токтогазиев Айыл чарба министрлигиндеги көйгөйлөрдү ачыктады

109
(жаңыланган 00:23 26.10.2020)
Министрдин айтымында, ведомство Советтер Союзунан бери өзгөрбөгөндөй сезим калтырган. Анда керек болсо жылуулук жок экенин белгилеген.

БИШКЕК, 26-окт. – Sputnik. Айыл чарба министрлигинде жаңыланууну талап кылган нерселер көп экен. Бул тууралуу министр Тилек Токтогазиев өзүнүн Facebook баракчасы аркылуу түз эфирге чыгып билдирди. 

Ал кыска мөөнөттүн ичинде өзгөртүүлөрдү жасап, анда иштеп жаткан адистерге жакшыраак шарт түзүп берүүгө аракет жасай турганын белгиледи.

35 жашка чыкпай жогорку кызматты ээлеген аткаминерлер. Тизме

“Башка министрликтерге салыштырмалуу бул жактын айлыгы аз экен. Жакшы адистерге жакшы маяна төлөп бергидей кылышыбыз керек. Иштөө шарттары дагы начарыраак экен, мисалы жылуулук жок, суук. Ушунун баарын акырындык менен ордуна алып келебиз. Документтердин бардыгы кагаз түрүндө экен. Аны электрондук форматка өткөрүү зарыл”, - деди министр.

Токтогазиев кагаздар электрондук форматка өтсө ички процесстер, дыйкандарга кызмат көрсөтүүлөр батыраак жүрөрүн кошумчалады. Ал ошондой эле министрликте 888 киши иштей турганын, жалпы ведомство текшерилсин деген буйрук чыгарганын белгиледи.

“Азыр биз аудит баштадык. Жалпы министрлик текшерилсин деп Эсептөө палатасына кат менен кайрылдык. Бүт агенттиктер менен департаменттер текшерилет. Функционалдык анализ жүргүзүлүп, кайсы позициялар керек, кайсылары кереги жок экени аныкталат. Себеби бири-бирин кайталап калган штаттар болушу мүмкүн. Аларды кыскартууга туура келет”, - деди Токтогазиев.

Эң жаш министр алдыда чоң реформаларды жасоо ниети бар экенин кошумчалады.

109
Белгилер:
реформа, көйгөй, Тилек Токтогазиев, Айыл чарба жана мелиорация министрлиги
Тема боюнча
Тилек Токтогазиев жыйын өткөрүп, министрликтеги ишин эмнеден баштаарын айтты