Түркиядан 1 000 даана кычкылтек концентратору алып келинди

Түркиядан дагы 1 000 кычкылтек концентратору алып келинди

250
(жаңыланган 10:46 06.07.2020)
Кыргызстанга кыргыз-түрк бизнес коомчулугу жана Түркиянын КРдеги элчилиги жардам иретинде алып келип берген.

БИШКЕК, 6-июл. — Sputnik. Тышкы иштер министрлиги Бишкекке Түркиядан 1 000 даана кычкылтек концентратору алып келингенин билдирди.

Маалыматка караганда, бул аппараттарды Түркиянын КРдеги элчилиги, Кыргызстанда иштеген түрк бизнесмендеринин ассоциациясы жана Түркиядан билим алган кыргызстандыктар, ошондой эле кыргыз-түрк бизнес коомчулугу алып берген. Аталган жүк кечээ, 5-июлда, кечинде Бишкекке учак менен жеткирилген.

“Жабдуулардын белгилүү бир бөлүгү Түркия тарабынан Саламаттык сактоо министрлигине өткөрүп берилет. Калганын аппаратка муктаж болуп жаткан үй-бүлөлөргө жеткирип беришет”, — деп айтылат малыматта.

Россиядагы кыргызстандык медиктер Бишкекке келди. Сүрөт

Өз кезегинде Тышкы иштер министрлиги жогоруда аты аталган бизнес коомчулугуна жана Түркиянын КРдеги элчилигине көрсөткөн жардамы үчүн ыраазчылык билдирди.

250
Белгилер:
Кыргызстан, Түркия, жардам, кычкылтек концентратору
Тема:
Коронавируска байланыштуу Кыргызстандагы кырдаал (2054)
Тема боюнча
Түркиядагы мекендештер Стамбулдан 15 кычкылтек концентраторун жөнөттү. Сүрөт
Кыргызстанга Кытайдан 500 кычкылтек концентратору алып келинди. Сүрөт
Мурдагы президент Алмазбек Атамбаевдин Кой-Таш айылындагы үйүндөгү атайы операция. Архив

Кой-Таш окуясы боюнча соттун онлайн-отуруму жылдырылды. Себеби

17
(жаңыланган 16:54 03.08.2020)
Жогорку соттон кабарлашкандай, Бишкекте соттук отурумдар эпидемиологиялык кырдаалды эске алуу менен видео байланыш форматында өтүп жатат.

БИШКЕК, 3-авг. — Sputnik. Кой-Таш окуясы боюнча соттук отурум 5-августка жылдырылды. Бул тууралуу Жогорку соттун маалымат кызматынан билдиришти.

"Бүгүн видео байланыш форматында өтө турган соттук отурум айыпталуучулардын бири ден соолугуна байланыштуу дарылоочу № 47 абакка которулганына байланыштуу болбой калды. Кийинки отурум шаршемби күнү саат 10:00гө дайындалды", — деп айтылат билдирүүдө.

Жогорку соттон кабарлашкандай, Бишкекте соттук отурумдар эпидемиологиялык кырдаалды эске алуу менен видео байланыш форматында өтүп жатат.

УКМК тергөө абагын карантинге жаптыбы? Мекеменин жообу

Кой-Таш окуясы

Мурдагы президент Алмазбек Атамбаев 2019-жылы 7-8-августтагы Кой-Таш окуяларынан соң камакка алынган. Жалпысынан Атамбаев сегиз эпизод менен шектелүүдө. Бул окуядан бир киши каза таап, 175 адамдын дарыгерлерге кайрылганы белгилүү болгон.

Атамбаевден тышкары Кой-Таш окусы боюнча анын тарапташтары Фарид Ниязов, Равшан Жээнбеков, Мээрбек Мискенбаев, Канат Сагымбаев, Марат Шаменов, Рысбек Карыпбек уулу, Фархат Баабиев, Канат Осмоналиев жана Нооруз Капарбек уулу кармалган.

Алмазбек Атамбаев пневмониядан айыгып кайра абакка которулду

ЖК депутаттары Асел Кодуранова, Ирина Карамушкина жана Атамбаевдин кеңешчиси Кундуз Жолдубаева үй камагында.

 

17
Белгилер:
Алмазбек Атамбаев, Отурум, сот, Бишкек, Кой-Таш
Тема:
Атамбаевдин Кой-Таштагы үйүндөгү атайын операция
Тема боюнча
Атамбаев менен Жолдубаева жазага тартылды. Сот залынан видео
Ош шаарындагы күндүзгү стационар. Архив

Бейтаптар азайып... Оштогу беш стационардын бири ишин жыйынтыктады

33
(жаңыланган 16:57 03.08.2020)
Ушул тапта калаада төрт стационар бейтаптарды кабыл алууда. Анын үчөө күнү-түнү иштесе, бирөө жарыкта гана оорулууларды тейлейт.

БИШКЕК, 3-авг. — Sputnik. Ош шаарында абал салыштырмалуу турукташканына байланыштуу күнү-түнү иштеп жаткан стационарлардын бири жабылды. Бул тууралуу муниципалитеттин маалымат кызматы кабарлады.

Ага ылайык, калаа боюнча коронавируска кабылган бейтаптарды тейлеген беш стационар бар болчу. Бейтаптардын саны азайгандыктан Алишер Навои атындагы мектептеги медициналык жай жабылды.

Бишкекте бейтаптар азайып, күндүзгү төрт стационар жабылмай болду

"Учурда Манас-Ата кичи районундагы "Каныкей" ресторанында, Амир-Тимур кичи районундагы жеке клиникада жана Кулатов кичи районундагы "Газпром" спорт мектебинде күнү-түнү иштеген стационарлар ишин улантууда. Ал эми Туран кичи районундагы медресеге ачылган стационар күндүзү гана иштейт", — деп билдирди мэрия.

Белгилей кетсек, республика боюнча вирус жуктуруп алгандардын жалпы саны 37 129га жетсе, анын 2 863ү Ош шаарында катталган.

 

33
Белгилер:
бейтап, стационар, Ош мэриясы, Ош
Тема:
Коронавируска байланыштуу Кыргызстандагы кырдаал (2054)
Тема боюнча
Боронов курула турган ооруканалардын сапаттуу болушун талап кылды