Кислород берүүчү аппарат. Архивдик сүрөт

Катар Кыргызстанга 420 кычкылтек концентраторун бермей болду

134
(жаңыланган 16:31 06.07.2020)
6-июлда тышкы иштер министринин орун басары Нуран Ниязалиев Катардын атайын жана ыйгарым укуктуу өкүлү Абдалла бин Ахмед Аль-Сулайти менен жолугуп, коронавирустун тарап кетишине бөгөт коюуну талкуулаган.

БИШКЕК, 6-июл. — Sputnik. Катар мамлекети Кыргызстанга 420 кычкылтек концентраторун берет. Бул тууралуу ТИМдин маалымат кызматы кабарлады.

Ага ылайык, 6-июлда тышкы иштер министринин орун басары Нуран Ниязалиев Катардын атайын жана ыйгарым укуктуу өкүлү Абдалла бин Ахмед Аль-Сулайти менен жолугуп, коронавирустун тарап кетишине бөгөт коюу маселеси тууралуу сүйлөшкөн.

"Кыргыз тараптын суранычы менен гуманитардык жардам иретинде Катар Кыргызстанга 420 кычкылтек концентраторун берет. Жабдуулар жакын арада Бишкек шаарына жеткирилет", — деп айтылат маалыматта.

Түркиядан дагы 1 000 кычкылтек концентратору алып келинди

Министрдин орун басары Катар өлкөсүнүн колдоосу үчүн ыраазычылык билдирген.

134
Белгилер:
коронавирус, оору, жабдуу, гуманитардык жардам, Катар, Кыргызстан
Тема:
Коронавируска байланыштуу Кыргызстандагы кырдаал (2054)
Тема боюнча
Түркиядан дагы 1 000 кычкылтек концентратору алып келинди
Түркиядагы мекендештер Стамбулдан 15 кычкылтек концентраторун жөнөттү. Сүрөт
Кыргызстанга Кытайдан 500 кычкылтек концентратору алып келинди. Сүрөт
Мурдагы президент Алмазбек Атамбаевдин Кой-Таш айылындагы үйүндөгү атайы операция. Архив

Кой-Таш окуясы боюнча соттун онлайн-отуруму жылдырылды. Себеби

43
(жаңыланган 17:46 03.08.2020)
Жогорку соттон кабарлашкандай, Бишкекте соттук отурумдар эпидемиологиялык кырдаалды эске алуу менен видео байланыш форматында өтүп жатат.

БИШКЕК, 3-авг. — Sputnik. Кой-Таш окуясы боюнча соттук отурум 5-августка жылдырылды. Бул тууралуу Жогорку соттун маалымат кызматынан билдиришти.

"Бүгүн видео байланыш форматында өтө турган соттук отурум айыпталуучулардын бири ден соолугуна байланыштуу дарылоочу № 47 абакка которулганына байланыштуу болбой калды. Кийинки отурум шаршемби күнү саат 10:00гө дайындалды", — деп айтылат билдирүүдө.

Жогорку соттон кабарлашкандай, Бишкекте соттук отурумдар эпидемиологиялык кырдаалды эске алуу менен видео байланыш форматында өтүп жатат.

УКМК тергөө абагын карантинге жаптыбы? Мекеменин жообу

Кой-Таш окуясы

Мурдагы президент Алмазбек Атамбаев 2019-жылы 7-8-августтагы Кой-Таш окуяларынан соң камакка алынган. Жалпысынан Атамбаев сегиз эпизод менен шектелүүдө. Бул окуядан бир киши каза таап, 175 адамдын дарыгерлерге кайрылганы белгилүү болгон.

Атамбаевден тышкары, Кой-Таш окуясы боюнча анын тарапташтары Фарид Ниязов, Равшан Жээнбеков, Мээрбек Мискенбаев, Канат Сагымбаев, Марат Шаменов, Рысбек Карыпбек уулу, Фархат Баабиев, Канат Осмоналиев жана Нооруз Капарбек уулу кармалган.

Алмазбек Атамбаев пневмониядан айыгып кайра абакка которулду

ЖК депутаттары Асел Кодуранова, Ирина Карамушкина жана Атамбаевдин кеңешчиси Кундуз Жолдубаева үй камагында.

 

43
Белгилер:
Алмазбек Атамбаев, Отурум, сот, Бишкек, Кой-Таш
Тема:
Атамбаевдин Кой-Таштагы үйүндөгү атайын операция
Тема боюнча
Атамбаев менен Жолдубаева жазага тартылды. Сот залынан видео
Ош шаарындагы күндүзгү стационар. Архив

Бейтаптар азайып... Оштогу беш стационардын бири ишин жыйынтыктады

44
(жаңыланган 16:57 03.08.2020)
Ушул тапта калаада төрт стационар бейтаптарды кабыл алууда. Анын үчөө күнү-түнү иштесе, бирөө жарыкта гана оорулууларды тейлейт.

БИШКЕК, 3-авг. — Sputnik. Ош шаарында абал салыштырмалуу турукташканына байланыштуу күнү-түнү иштеп жаткан стационарлардын бири жабылды. Бул тууралуу муниципалитеттин маалымат кызматы кабарлады.

Ага ылайык, калаа боюнча коронавируска кабылган бейтаптарды тейлеген беш стационар бар болчу. Бейтаптардын саны азайгандыктан Алишер Навои атындагы мектептеги медициналык жай жабылды.

Бишкекте бейтаптар азайып, күндүзгү төрт стационар жабылмай болду

"Учурда Манас-Ата кичи районундагы "Каныкей" ресторанында, Амир-Тимур кичи районундагы жеке клиникада жана Кулатов кичи районундагы "Газпром" спорт мектебинде күнү-түнү иштеген стационарлар ишин улантууда. Ал эми Туран кичи районундагы медресеге ачылган стационар күндүзү гана иштейт", — деп билдирди мэрия.

Белгилей кетсек, республика боюнча вирус жуктуруп алгандардын жалпы саны 37 129га жетсе, анын 2 863ү Ош шаарында катталган.

 

44
Белгилер:
бейтап, стационар, Ош мэриясы, Ош
Тема:
Коронавируска байланыштуу Кыргызстандагы кырдаал (2054)
Тема боюнча
Боронов курула турган ооруканалардын сапаттуу болушун талап кылды
Афганистандын чыгышындагы Желал-Абад шаарындагы түрмөгө жасалган чабуул

Афганистанда 20 киши набыт болду. "Ислам мамлекети" түрмөгө чабуул койду

0
(жаңыланган 17:50 03.08.2020)
"Ислам мамлекети" террордук тобунун Афганистандын аймагындагы абакка куралдуу чабуул жасаганы кабарланды.

БИШКЕК, 3-авг. — Sputnik. Афганистандын чыгышындагы Желал-Абад шаарындагы түрмөгө жасалган чабуулдун кесепетинен 20 адам каза тапты. Бул туурасында Sputnik Тажикстан 1TV News телеканалына шилтеме берип, кабарлады.

Мындан сырткары, 85 адамдын жаракат алганы айтылды.

Өлгөндөрдүн арасында аскер кызматкерлери менен жай жашоодогу адамдардын бар экени айтылды. Атышуу учурунда коопсуз кызматы кол салган беш согушкерди жок кылган.

Кечирээк бул каргашанын жоопкерчилигин "Ислам мамлекети террордук" тобу өзүнө алгандыгы белгилүү болду.

Сириялык качкын согушкер АКШ аскерлери "Ислам мамлекети" менен иштешерин айтты

Чабуул учурунда түрмөдө камалгандар качып чыгып, 700 киши ошол жерден эле кармалып, темир торго кайра кайтарылган.

Акыркы маалыматтарга караганда, кармаш 14 саатка чукул созулган. Согушкерлер түрмөнүн эки мунарасын ээлеп алууга үлгүргөн.

0
Белгилер:
түрмө, Чабуул, согушкер, "Ислам мамлекети" террордук тобу, Афганистан
Тема боюнча
Афган туңгуюгу: АКШ касташкан тараптарды элдештирүү аракетинде