Президент Сооронбай Жээнбеков. Архивдик сүрөт

Кыйын кырдаалдан кантип чыгабыз? Жээнбеков берген тапшырмалардын тизмеси

1108
(жаңыланган 18:42 06.07.2020)
Мамлекет башчы жыйында өкмөттүн ишин сынга алып, коронавирустун жайылышына жол бербөө боюнча өзүнүн сунуштарын айтты.

БИШКЕК, 6-июл. — Sputnik. Бүгүн президент Сооронбай Жээнбеков видеоконференция форматында Коопсуздук кеңешинин чакан курамдагы жыйынын өткөрдү. Ага мамлекеттик органдардын жетекчилери, өкмөттүн облустардагы ыйгарым укуктуу өкүлдөрү, шаар мэрлери жана район акимдери катышты.

Жыйында коронавирус инфекциясы менен күрөшүү иштери талкууланды. Мамлекет башчы Республикалык штабга кырдаалдын мындан аркы өнүгүшүн талдоо жана болжолдоону күчөтүүнү сунуштады.

Sputnik Кыргызстан Коопсуздук кеңешинде кандай маселелер ортого салынганын кыскача тизмектеди.

  • Жээнбеков өкмөт менен саламаттык сактоо министрин кырдаалды алдын ала божомолдоп, талдоо жүргүзбөгөнү үчүн тилдеди;
  • Алгачкы медициналык жардамдын, түшүндүрүү иштеринин жоктугунан улам эл дүрбөлөң түшүп жатканын айтты. "Күн мурунтан кадрлардын резервин толуктап койбой, кризис башталганда издеп калдыңар", —  деп өкмөттү сындады;

Министрлик: Кыргызстанда 12 дарыга муктаждык жарала баштады

  • Президент облустар аралык транспорттук каттамдарды токтотуу мүмкүнчүлүгүн карап чыгууну Республикалык штабга сунуштады;
  • Буга чейин той-топурларды өткөрүүгө тыюу салуу боюнча сунуш киргизгенин эскертип, Республикалык штабга расмий чечим чыгарууну тапшырды;
  • Медиктерге эмне жетишпей жатса саламаттык сактоо министри Республикалык штабга жана Жээнбековдун өзүнө айтып туруусун милдеттендирди. Ошондой эле министр маселенин ыкчам чечилишин талап кылышы керек;
  • 24 саат бою иштеп жаткан дарыгерлер тамак-аш менен камсыздалсын. Өздөрү жанынан сатып жешине жол берилбесин. Шалаакыларды аяй турган мезгил эмес;

Экс-министр Космосбек Чолпонбаев суракка чакырылды

  • Республикалык штаб ыктыярчылардын башын бириктирип, сунушталып жаткан жардамды бюрократия кылбай ээсине ыкчам жеткирсин.
  • Медиктердин айлык акысы өз маалында, үзгүлтүксүз төлөнүп турсун;
  • Бейтаптарды ыкчам жаткыруу, бардык колл-борборлордун ишмердигин синхрондоштуруу үчүн Бишкектеги ооруканалардын санарип карталарын иштеп чыгуу тездетилсин;
  • Өзгөчө абал режимин киргизүү маселеси карала элек, бирок санитардык талаптар катуу тартипте аткарылышы керек;
1108
Белгилер:
оорукана, сын, өкмөт, Коопсуздук кеңеши, коронавирус, Сооронбай Жээнбеков
Тема:
Коронавируска байланыштуу Кыргызстандагы кырдаал (2057)
Тема боюнча
Жээнбеков өзгөчө абал режимин киргизүү боюнча пикирин айтты
Россиядан келген кыргыз дарыгерлери кайсы ооруканада иштей турганы айтылды
Кырдаалды болжой албай дүрбөлөң түшүрдүңөр! Жээнбеков өкмөт менен министрди тилдеди
Кан тапшырып жаткан аял. Архив

Пульмонолог: КРде COVID-19ду дарылоого плазма колдонулбайт

7
(жаңыланган 09:23 04.08.2020)
Саламаттык сактоо министрлигинин штаттан тышкаркы башкы пульмонологунун айтымында, плазма келечекте колдонулушу мүмкүн. Бирок учурдагы протокол ага жол бербейт.

БИШКЕК, 4-авг. — Sputnik. Кыргызстанда COVID-19ду дарылоо үчүн коронавирустан сакайгандардын канынын плазмасы колдонула элек. Бул тууралуу Саламаттык сактоо министрлигинин штаттан тышкаркы башкы пульмонологу, профессор Талант Сооронбаев “Дарыгерге сөз” берүүсүндө айтты.

Хижама ыкмасы коронавирус же пневмониядан айыктыра алабы? Адистин жообу

"Кыргызстандын жана башка көптөгөн өлкөлөрдүн алгоритминде COVID-19ду дарылоо үчүн коронавирустан сакайгандардын канынын плазмасын колдонуу каралган эмес. Плазма куюу — бул өтө оор процесс. Социалдык тармактарда райондордун биринде плазма колдонулуп жатат деп айткандар бар экен. Бул туура эмес маалымат”, — деди пульмонолог.

Анын айтымында, плазма келечекте колдонулушу мүмкүн. Бирок учурдагы протокол ага жол бербейт.

7
Белгилер:
кан, плазма, коронавирус, Кыргызстан
Тема боюнча
Сатыбалдиева: коронавирусту кан куюп дарылоо боюнча протокол жок
Дарбыз. Архив

Дарбыз сатып алууда эмнелерди эске алуу зарыл? Адистин кеңеши

54
(жаңыланган 08:49 04.08.2020)
Дарбыздын жерде жаткан тарабы ачык сары түстө болгону жакшы. Ал канчалык ачык болсо, ошончо жакшы бышканынан кабар берет.

БИШКЕК, 4-авг. — Sputnik. Дарбызды чертип тандоодо андан катуу же акырын эмес, орточо дабыш чыгышы керек. Бул тууралуу РИА Новости агенттиги жазды.

Адистердин айтымында, базар же дүкөндө толук бышкан даамдуу дарбыз алууда анын сөңгөгүнө анча маани бербөө керек. Анын ордуна өсүмдүктү чертип угуп же алдындагы ак тагына көңүл буруу зарыл.

"Дарбыздын сырткы көрүнүшү бүтүн, таза жана жаңы болушу керек. Черткенде катуу же акырын эмес, орточо дабыш чыкса жакшы. Ал эми сөңгөгүнүн куурап калганы, өсүмдүктүн толук жетилгенинен кабар бербейт. Себеби дарбыз алыс жерден алып келингендиктен, базарга жеткенче анын сөңгөгү кургап калышы мүмкүн", — деп жазылат маалыматта.

Диетолог коон менен дарбыздын зыяндуу жактарын санап берди

Ошондой эле дарбыздын жерге жаткан тарабы ачык сары түстө болушу абзел. Ал канчалык ачык болсо, ошончо жакшы боло тургандыгынан кабар берет.

Андан сырткары, диетологдор бир күндө 1,5 килограммдан ашык дарбыз жебөөнү сунуштайт. Эгер адам күн сайын андан көп жесе, дарбыздан чыккан суюктук организмдеги пайдалуу заттарды жууп кете тургандыгын белгилешет.

54
Белгилер:
кеңеш, дарбыз, адистер
Тема боюнча
Дайым жаш көрүнгүсү келгендер кайсы тамакты аз жеши керек. Адистин жообу
Диетолог коон менен дарбыздын зыяндуу жактарын санап берди
Бут шишидиби? Ысыкта туура тамактануунун жолу айтылды