Бишкектеги мүрзөлөрдүн бири. Архивдик сүрөт

Бишкекте каза болгондорду көмүү канча турат. Расмий баалар

(жаңыланган 16:34 07.07.2020)
Бишкекте маркумду көмүү канча турат жана акыркы учурларда өлүктү жерге берүү эмнеге кымбаттап кеткендигин биздин материалдан окуп билсеңиз болот.

Sputnik Кыргызстандын редакциясына кайрылган окурман Бишкектеги мүрзөлөрдө маркумду көмүү кызматтары жана жердин баасы кымбаттап кеткендигин айтты.

Тактай келгенде коронавирус инфекциясына же пневмонияга кабылгандарды жерге берүүдөгү өлүк каадасы кымбаттаганы анык болду.

"Бул кызматкерлерге кооптуулук жаралгандыктан улам болууда. Аны менен катар эле сак болуп, тиешелүү бардык эрежелерди сакташ керек. Инфекция башка жакка тарап кетпеш үчүн биз патологоанатомиялык мүшөккө салабыз", — деп билдирди Бишкектеги ритуалдык кызмат көрсөтүү агенттигинин жетекчиси Аскербек Алиев.

Муфтият коронавирустан көз жумгандарды көмүү эрежесин иштеп чыкты

Маркумду жерге берүүдөгү баалар:

  • Мусулман мүрзөсү (кол менен казат, жайына жаткырат) — 7 440 сом;
  • Пневмония же коронавирустан каза тапкан маркум үчүн мусулман мүрзөсү (кол менен казат, жайына жаткырат) — 10 940 сом;
  • Европа тибиндеги мүрзө (кол менен казат, жайына жаткырат) — 5 835 сом;
  • Пневмония же коронавирустан каза тапкан маркум үчүн европа тибиндеги мүрзө (кол менен казат, жайына жаткырат) — 9 535 сом.

Алиев маркумдар учурда Чүй облусундагы Аламүдүн жана Сокулук райондорунда көп коюлуп жатканын айтты. Ал баалар Бишкектеги ритуалдык кызмат көрсөтүү агенттиги берген баалардан айырмаланышы мүмкүн. Эгерде маркумдун каттоосу болсо жер бекер берилерин кошумчалады.

Аламүдүн райондук администрациясынын аппарат жетекчиси Манас Касымбековдун айтымында, бишкектиктер үчүн каза болгон жакындарын Аламүдүн районундагы Гроздь айылында жерге берүү арзанга түшөт. Бул Бишкектеги "Ала-Тоо" аянтынан 25 чакырым аралыкта жайгашкан.

COVID же пневмониядан көз жумгандарды кантип көмүү керек? КРдеги тартиптер

"Гроздь айылында бишкектиктер үчүн 49 гектар жер берилген. Ар кыл диндин өкүлдөрү үчүн бөлүнгөн. Анткен менен бишкектиктердин көбү жакындарын жогорку аймакка көмүүгө аракет кылышат. Аталган аймакта жер дээрлик калган жок, ал жердин өз жашоочулары бар. Андыктан каттоосу жокторду ал жакка көмүүгө тыюу салынган. Бишкекке жакын жайгашкан айыл өкмөттөрүнүн жергиликтүү кеңештеринин чечими менен каттоосу жокторду 10-15 миң сомго көмүүгө уруксат берген учурлар бар", — деди Касымбеков.

Бишкектиктер каза болгондо жерге берген дагы бир аймак — Новопавловка айылындагы мүрзө. Айыл өкмөтү эгерде маркумдун каттоосу болсо, көмүүгө 500 сом төлөнөрүн айтты.

"Айылдык кеңеш депутаттарынын токтомуна ылайык, жаңы конуштарда туруктуу жашагандар же жетишпеген турмушту башынан кечирип жаткандар 10 миң сом төлөйт. Ал эми башка жактан келгендерге 20 миң сом төлөө каралган", — деп айтып беришти Новопавловка айыл өкмөтүнөн.

Россия: коронавирустан көз жумган мусулман адамын кремация кылса болору айтылды

Аталган айылдагы коммуналдык ишкананын башчысы Бахтияр Султангазиев көр казуунун баасын алар бекитпей тургандыгын айтты.

"Биз болгону жерге гана уруксат беребиз. Маркумдун туугандары жайды канчага казарын өздөрү сүйлөшүп алат. Алар жеке тарап болгондуктан айыл өкмөтүнө тиешеси жок. Андыктан бааны да өздөрү коёт", — деди Султангазиев.

Ал акыркы күндөрү мүрзөгө 5-6 адам коюлгандыгын, кээ бирлеринде "эки тараптуу пневмония" деген кагазы болгондугун айтты.

Кыргызстандан коронавирустан көз жумган бейтап биринчи жолу 2-апрелде катталган. Ал эми учурда каза болгондордун саны 99 адамга жетти.

Марттан тарта пневмониядан 224 киши каза тапты.

Белгилер:
пневмония, баалар, мүрзө, коронавирус, Кыргызстан
Тема боюнча
Коронавирус: Ноокатта көз жумган кишини акыркы сапарга 10дой адам узатты
Археологиялык казуулар. Архив

Бишкектен анча алыс эмес жерде балбал таш табылды. Сүрөт

(жаңыланган 22:16 14.04.2021)
Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады.

БИШКЕК, 14-апр. — Sputnik. Бишкектен анча алыс эмес жерде Интернациональный айылынан экскаватор айдоочусу Павел Камаев балбал таш таап алган. Бул тууралуу Sputnik Кыргызстан агенттигине өзү билдирди.

Обнаруженный в грунте балбал в селе Интернациональном недалеко от Бишкека
© Фото / предоставлено Павлом Камаевым
Бишкектен анча алыс эмес жерде Интернациональный айылынан экскаватор айдоочусу Павел Камаев балбал таш таап алган

Балбал — бул адамдын сөлөкөтү чегерилген таш эстелик. Камаев аны кантип таап калганын айтып берди.

"Ал күнү мен жумушта болчумун, жер казып атып бир маалда катуу бир нерсеге тийгендей болдум. Карап, көргөн көзүмө ишенген жокмун. Топурак алдында анча чоң эмес таш эстелиги жатыптыр. Бийиктиги болжол менен бир метрди түзөт. Анын бир колунда чөйчөк тартылган. Табылга жакшы жышаан экенин, мындай жерлерде белгилүү аскер адамы да көмүлгөнүн окугам", — деди ал.

Ал табылгасын адистерге берүү үчүн Маданият, маалымат жана спорт министрлигине барган.

"Балбал ташты өзүмө алып калайын деп эч ойлонгон жокмун. Министрликтегилер айтканымды угуп, анын мынча тереңдикте жатканына таң калышты. Себеби мен аны үч метр тереңдиктен таап чыккам да. Ал жакта бул таш кандайча жатып калганы табышмак", — деди Камаев.

Вид на Государственный исторический музей в центре Бишкека во время реконструкции
© Sputnik / Табылды Кадырбеков
Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады

Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады.

Белгилер:
табылга, эстелик, таш, балбал, Чүй облусу, Бишкек
Тема боюнча
Енисейди бойлой Барсбектин мүрзөсүн издегенде... Юлий Худяков менен маек
Бишкектеги Курманжан Датка эстелиги. Архивдик сүрөт

Бейшембиге карата аба ырайы

Күндүн ысышына жана күтүлүп жаткан жаан-чачынга байланыштуу өлкөнүн бийик тоолуу райондорунда кар көчкү түшүүсү ыктымал.

БИШКЕК, 14-апр. — Sputnik. Бейшембиде күндүз республиканын аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетиши мүмкүн. Бул тууралуу Кыргызгидромет билдирди.

Абанын температурасы Чүй облусунда +21…+26, Талас жергесинде +20…+25, Ош, Жалал-Абад, Баткен аймактарында +22…+27, Ысык-Көл, Нарын өрөөндөрүндө +15…+20 градуска чейин көтөрүлөт.

Күндүн табы Бишкекте +23…+25, Ош шаарында +24…+26 градус жылуу болот.

Белгилер:
Кыргызстан, апрель, аба ырайы
Тема боюнча
Бишкекте түркүн түстүү жоогазындар гүл ачты. Ажайып сүрөттөр

Кер мурут жигит Сүймөнкул Чокморов. Улуттук банктын улуу инсан тууралуу видеосу

(жаңыланган 23:26 14.04.2021)
Улуттук банк кыргыз банкноталарына түшүрүлгөн белгилүү инсандар тууралуу видеолорду жарыялоодо. Бул ирет банк легендарлуу актёр, сүрөтчү Сүймөнкул Чокморов тууралуу видеоролик жарыялаган.

Эки мүнөттөн ашык тартылган роликте сүрөтчүнүн жаш кезин көрүүгө болот. Анда Чокморов жана башка студенттер талаада педагогдун жетекчилигинин алдында жылкыны сүрөткө тартып жатышат. Видеонун алдында окуя 1963-жылы Ленинград облусунда болгону жазылган. Чокморов эмгегинде бир гана жылкыны эмес, анын артына тоолорду да тартат. Окутуучу жок тоону эмнеге тартканын сураганда, ал мекенин сагынганын айткан. Бир маалда жылкы үркүп, баланын колунан жулунуп, секире баштайт. Аны көрүп Чокморовдон башкасынын баары чочулайт. Бирок Сүймөнкул Чокморов аттын жанына барып, жылкыны сылап аны чуркатыш керектигин айтат. Бала ага макул болбой койгондо Чокморов "кыргыздар ээр үстүндө чоңойгон калкпыз. Ал эми ат биздин канатыбыз" деп чапкан боюнча жөнөгөн.

Кадр алмашып, Чокморов "Ысык-Көлдүн кызгалдактары" тасмасындагы Карабалтанын образында болуп калат.

Улуттук банк роликтерди Кыргызстандын эгемендүүлүгүнүн 30 жылдыгына карата тартып жатат. Анда улуттук валютага сүрөтү түшүрүлгөн философ Жусуп Баласагын, манасчы Саякбай Каралаев, сүрөтчү, актёр Сүймөнкул Чокморов, акын Алыкул Осмонов тууралуу видеолор көрсөтүлмөкчү.

Роликтерди режиссёр Руслан Акун белгилүү кино ишмерлери Актан Арым Кубат, Эрнест Абдыжапаров, Марат Сарулу жана Баян Сарыгуловдун колдоосу менен тарткан.